Ijeremaya 5:23 - IWE ỌNỊNỊ

²³ Ama ẹwụ nịnị vị anayọkatẹngụ, vị ụụ kụ̀ụ hịrẹ ọza nịnị nị. Wa sị ha tụ awụ nịnị, wẹ yị kụkụ saasa ọnị nịnị.

Ijeremaya 5:23 Iomraidhean Croise

Ahẹ Ụgama 78:8

Dị asị ẹnịnị na hama ada ẹnịnị ana vị anakamawụ ọnịrị Ananyị ọkatẹngụ. Ada ẹnịnị ẹ yị sị ayị ẹnịnị yị Ohomorihi tù ịnẹ tù ịnẹ.

Ahẹ Ụgama 95:10

Ohomorihi ộ kụ́ ayị hi aza ẹnẹẹ mẹ ịrayị ẹbẹẹva, Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.

Ayịsaya 1:5

Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ijeremaya 4:17

Ọ kà, ẹnịnị vaa taa kara Ijerusarẹmị anka aza enee sere aarẹ avọọ nị, agụvị ka Anijerusarẹmị nịnị ẹ raa kụ̀ hịrẹ ọnị.

Ijeremaya 5:5

Avọọ ọnị ee ne tu ọdọvịdị ẹnịnị dị ọnị ò pe wa ka ịrẹyị. Ịzẹyịza ẹnịnị ẹẹ yẹ ịsị Ẹnẹyịmavara Ohomorihi ee si ka ẹnịnị ọ̀ mẹ. Ama avaba ẹnịnị ẹ ka ẹnị ẹ yị dọ ka Ẹnẹyịmavara ọ nyị ọda ẹnịnị nị. Ee yi ka ẹnị ẹ yị wụ́ chire e.

Ijeremaya 6:28

Avaba ẹnịnị vị ana nyị ayị ọkatẹngụ; vị ẹẹ kụụ hịrẹ ọza nị. Ẹnịnị ẹẹ katẹngụ huni enyusẹ. Ẹ kụ vụ, vị ẹnịnị kụ ọza ịrẹkaa zị nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 4:8

Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị.

Ịzẹhwanaya 3:1

Ịrẹyị o tù Ijerusarẹmị ẹngụ agụvị ka ẹkụra ọnọọ o si du. Aza ana ra ịzọọ aa mẹ akamawụ, dị ẹ yaa chamayị yị ẹngụ nị.

Iwe Ọhụhị Imosiisi ana aa hị́ Ọyịvatụrọda 21:18

Ọza ọ̀ọ ma ozi ana nyị ayị ọkatẹngụ, dị ẹ̀ yị ma wụ́ ịrẹyị ada anị ọnịrị ọnyị anị, ẹ̀ẹ da ka sị ụya rị ọ pooro nị.

Iwe Ọhụhị Imosiisi ana aa hị́ Ọyịvatụrọda 31:27

Imosiisi kà ọnị ọ̀ yẹ ayị ọkatẹngụ ẹnịnị. Ẹnịnị ệ mẹ̀ akamawụ hi Ẹnẹyịmavara eyi anị. Ọnị ọ yẹ ka ịrẹma ọnị ọnị wusu o ve divi huu nị.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.