Ijeremaya 5:10 - IWE ỌNỊNỊ

¹⁰ Ọ kà ọnị vaa tụ́ ọnịvị nịnị ka ẹ̀ na má ọchị ịvayịnị aza anị va ha; ama ẹnịnị ẹ yị vee vu wa ẹtẹ bemi-bemi. Ọ kà ọnị vaa kà a yị wa ka ẹ̀ na avọ́ ọchị ẹnịnị ha, agụvị ka ẹ yị vị ọnị ọ nyị avọ ẹnẹ.

Ijeremaya 5:10 Iomraidhean Croise

2 Ịtọpa 12:4

Isisaki ộ rị avaba ẹkụra anaa jị ọvọ kara ene hi ẹtẹ Ijuda huuu na Ijerusarẹmị.

2 Ịtọpa 36:17

Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.

Ijeremaya 39:8

Anibabironi nịnị ệ rị irehi ohinọyị Ijuda ọnịrị irehi aza ana vọ ịra, dị ẹnịnị wú ọvọ ana jị kara Ijerusarẹmị và hi ẹtẹ nị.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 46:28

Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ijeremaya 5:11

Ẹnẹyịmavara kà, Anisirẹrị ọnịrị Anijuda nịnị ẹ sị ọnị vene saka-saka.

Ijeremaya 5:18

Ẹnẹyịmavara kà, ịjị ụmẹ ọnọọ ọọ vavọọ tu, ọnị ẹ yị vee vu aza anị ẹtẹ saka-saka.

Ijeremaya 5:9

Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?

Ezikẹẹrị 12:16

Ẹnẹyịmavara kà, ama, ọnị vaa navọ aza chee ka ẹ̀ vọ. Ịrẹkụ ẹ́ yị vaa rị wa, ụngwẹ ọnịrị ụkụ ẹ́ yị vaa wụ̀ wa, ẹkụra tụra ẹkụra ene ee ne hi, ẹnịnị ẹẹ dọ irenu ka ẹnị ệ mẹ ịsị anaa nyị ọnị ịhyẹrẹ; dị ẹnịnị ẹ̀ rẹ yẹ ka ọnị ọ vị Ẹnẹyịmavara nị.

Ezikẹẹrị 14:17

Ọnị ọ̀ọ va mẹ ka à kụ́ ịrẹkụ na ngụ ẹkụra ọnọọ, dị a wụ̀ aza ọnịrị ịsụpa nịnị va ha nị,

Ihoseya 1:9

Dị Ẹnẹyịmavara yị ozi ọnọọ ịrẹha ka Iro-Amị ọnị iruvo anị vị “Wẹ yị vị aza amị”. Dị ọ kà Anisirẹrị nịnị ẹ yị vị aza anị, dị ọnị ẹ yị rẹ vị Ohomorihi ẹnịnị nị.

Emọsị 9:8

Ẹnẹyịmavara, Ochẹtẹẹngụ ka ọnị ô re avaba udivi Anisirẹrị nịnị. Agụvị avọọ ọnị vee vu wa ẹtẹ dị ahịka aza chee ẹnịnị kẹnẹ ọnị navọ tụ́ ẹhẹ nị.

Imatiwu 22:7

Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị.