Ijeremaya 49:3 - IWE ỌNỊNỊ

³ Ẹwụ nịnị Anihesiboni, wa jị òrèrè boro-boro nịnị! Asị ẹkụra ana aā hị́ Ayị vú ẹtẹ o! Ẹwụ nịnị ana ra hi Ịraba, waa jị òrèrè boro-boro nịnị. Waa zị ẹngụ nịnị di wa kụ́ ịta suku-suku hi ẹngụ nịnị. We zwèe zịịzị nịnị agụvị ka wẹ yị yẹ ịsị aa mẹ nịnị. A vaa sị ori awụ nịnị Imorẹkị beri ohirẹsụ irehi anị, ori ẹnị ọdọvịdị anị naa tụ ẹkụra ọsa.

Ijeremaya 49:3 Iomraidhean Croise

2 Ịsamụwẹrị 11:1

Ịrayị mẹ̀ rẹ sị gẹ, o si tù ụmẹ oni ohinọyị nịnịị̄ sịị naa kụ̀ ịrẹkụ. Di Idevidi tụ́ Ijowabi ọnịrị aza ohinọyị ne beri avaba isoja Anisirẹrị ka ẹ̀ nọ ịrẹkụ Anamọnị nịnị, dị ẹ wụ̀ wa nị. Di isoja Anisirẹrị nịnị kụ́ na kara ẹkụra Ịraba nị. Idevidi ọnị yà Ijerusarẹmị ịjọnọọ.

1 Ohinọyị 11:33

Ọ kà ọnị ộ vavọọ mẹ agụvị ka ẹnịnị ẹ sị và ị́rẹma anị, e kuku ee kú ẹtẹ yị Asẹra ori Anisidoni ọnịrị Ikimosi ori Animowabi. E re yee kú ẹtẹ yị Imirikomi ori Anamọnị. Ọ kà ẹnịnị ẹ yị zị ụsẹ ini oze anị, ẹnịnị ẹ yị mẹ̀ ebira ana vọrọ ini eyi anị. Ẹnịnị ẹ yị rẹ sị eyi pè ọda ọnị ọnị mẹ anka Idevidi ada anị.

1 Ohinọyị 11:5

Isoromọnị kụkụ aa dụ ori Anisirẹrị ana aā hị́ Asịtọrẹtị ọnịrị ori ana aā nyị ọza ịhyẹrẹ ana vị ori Anamọnị zị. Aā hị́ ori ọnọọ Imirikomi.

2 Ohinọyị 23:13

Avọọ Ohinọyị Ijosaya mẹ rẹ du aha ori irenyi-irenyi ọnị Isoromọnị dà hi ịrẹsụ ataba ene hi eyi ịzị ọyịị̄ vẹ Ijerusarẹmị akẹtẹ ataba Orivi. Ịrẹsụ ataba ẹnẹẹ a yaa hẹkẹ Asịtọrẹtị, ori ọnẹẹ Anịsayịdọnị ọnịrị Ichemosi, ori Animowabi ne beri Imorẹkị, ori Anamọnị nịnị.

Ẹzịra 2:28

Anịbẹtẹrị ọnịrị Aneyayị vị ịrẹka tụra ẹẹva (223).

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

Ayịsaya 14:31

Ẹwụ nịnị Anihwirisiti, tụ́ ụvọ kú ịrẹsụ wee nowu nịnị. Ẹngụ awụ nịnị ọ̀ọ da ẹgahị. Ezirẹkụ ệ kọmị hụrẹ eyi ẹbẹẹba aa vẹ, vị ẹ sị mẹẹ anka areyi avọọ ẹ mẹ̀ rụrụ nị. Ẹ yị nyị ikonya ẹnịnị ana vị anangwahi.

Ayịsaya 15:2

Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị.

Ayịsaya 16:7

Animowabi vee sụ ùnè agụvị ụya ana vaa rị wa. Ẹ̀ẹ tamayị ẹ mẹmẹ vidii ree rị ẹkụra Ikiri-Ihareseti, ẹnịnị vee ro ịrẹyị dị ẹ yaa jị òrèrè.

Ayịsaya 23:1

Ẹwụ nịnị ana aā ngụ ẹpaa nọ Itasisi, và ụvọ kú ịrẹsụ dị waa jị òrèrè nịnị. Wéē re a mẹ̀ za avaba ẹkụra Itíre dị a chaka a va ha, hyakụ kụkụ nyị irehi ikonya ana vọ jẹẹ. Avaba ịzị ẹpa vịdịị jẹẹ ệ ta saka-saka. Mâ yẹ ka mâ wụ́ ózee nịnị ẹpa awụ nịnị mẹ̀ hụrẹ Ikitimi aa vẹ.

Ayịsaya 23:6

Kụ́ ẹnya awụ we zwee nọ Itasisi ẹwụ nịnị Anitaya.

Ijeremaya 4:8

Avọọ, va ẹngụ hi nịnị, waa jị òrèrè dị waa ka ẹgọ nịnị, agụvị ka Ẹnẹyịmavara maa kụ ayị hi Anijuda, ẹẹ yị vaa va o.

Ijeremaya 46:25

Ẹnẹyịmavara Ochẹtẹẹngụ, Ohomorihi Anisirẹrị ka, ọnị vaa sị ụyaa rị ori Anitebesi ana aā hi Amọnị. Ọnị vaa sị ụyaa rị Ijipiti ori anị nịnị beri ohinọyị ẹnịnị ọnịrị avaba aza ana sị ayị tụra ohinọyị ọnọọ.

Ijeremaya 48:2

Avaba ụbanyị ọnị Imowabi vịdị nyị vaa ta. Ọnịvị ọza ọ sị ẹtẹ Ịhẹsịbọnị za. Ẹyaa gẹ eyi ẹ́ mẹmẹ vee vú ẹtẹ Imowabi ẹtẹ. Ọkụrẹkụ nịnị vaa kwẹẹtẹ tu ẹkụra Ịmadịmẹnị, dị ẹ mẹ̀ ẹ sisisi.

Ijeremaya 48:20

Ẹnịnị vaa kà a wụ nịnị ka, asị ụhị mẹ nyị Imowabi, asị ọ gara ha. Agụvị avọọ waa jị oreree yị ọ nịnị. Và tụra oze ana a zịị nọ ịnị irehu ana aā hi Arinọnị, dị wa nọ̀ọ nịnị ka, asị ụhị mẹ nyị Imowabi nịnị o.

Ijeremaya 48:37

Avaba ẹnịnị ẹ́ sị ịrẹsụ ẹnịnị ọnịrị ịrẹwa ẹnịnị kụ́ hụyẹ-hụyẹ. Avaba ụvọ ẹnịnị vị ẹnẹ tọ̀ ụnava chọ̀vọ-chọ̀vọ, dị ọzọza kụkụ vụ ịta suku-suku nị.

Ijeremaya 48:7

Ẹ ka, agụvị ka waa sị ayị tụra aha ụkata awụ nịnị ọnịrị ogu awụ nịnị, ẹwụ nịnị nyẹmba vị ana a rẹ vaa za. Ori awụ nịnị ana aā hị́ Ikemosi vị ana za ọrịhịị nọ aha ọsa. A vaa za wa beri ohirẹsụ irehi ori ẹnịnị ọnịrị ọdọvịdị ẹnịnị.

Ijeremaya 49:1

 nyị ẹkụra ana aā hị́ Amọnị. Ịrẹyị anẹkụra ọnọọ ọnị Ẹnẹyịmavara kà yị. Ẹnẹyịmavara kà, ịzị Anisirẹrị nịnị hi? Aanị ka ẹ́ yị nyị ọza ana vọrọ ka óó sere ẹtẹ Isirẹrị? Sị ẹ vẹ dị ẹ navọ ka aza anaa mẹ ori ana aā hị́ Imorẹkị ẹ̀ va ra ịnị ẹtẹ ịrẹsụ ana aā hị́ Igadi?

Ijeremaya 51:8

Ụvọ ô ku Ịbabịrọnị, asị o vú ẹtẹ. Waa jị òrèrè anị nịnị. Ne sì ahọ̀nọ va tụ ịnị ụnava anị yọ nịnị ka ẹyịyara ọ vaa vị.

Ijeremaya 6:26

Ẹnẹyịmavara ọọ kà a yị aza anị ka, ẹ̀ kụ ịta suku-suku hi ẹngụ, di è ku ẹngụ ẹnịnị atịtọ. Ọ kà, ẹnịnị ẹẹ jị òrèrè ọngwọọngụ anka ozi ikonya ọnị ọza ma oo sú avọọ, agụvị ka evu-ẹtẹ vị ana vaa sụ̀ wa avaavo.

Emọsị 1:15

Ẹnẹyịmavara kà, ohinọyị ọnịrị ọdọvịdị Anamọnị nịnị vi ana vaa za ọrịhị nọ ẹkụra ọsa.

Ịzẹhwanaya 1:5

Ọ kà avaba aza ana hịrẹ tụ ịrẹsụ irehi na hẹkẹ ọyị ọnịrị ụhwẹ neberi ụzọmị nịnị ẹ yị vaa ha. Ẹnẹyịmavara kà ọnị vaa pa ịva yị aza ana mẹ ayị ẹẹva, dị ẹ yaa hẹkẹ ọnị, dị ẹ ya sị ịrẹha anị hị́ eku, dị ẹ rẹ yaa hẹkẹ ori ana aā hi Imorẹkị.

Ijemiisi 5:1

Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị.

Ijosuwa 7:2

Ịrẹma ọnị Anisirẹrị ra rị Ijeriko, Â nyị ẹkụra ọnya aanị ana hị́ Eyayị ana gụrị Ịbẹtẹrị Aveni, ana ya eyi ịzị ọyị zị hụrẹ vẹ. Ijosuwa ô tu anọrụ ẹnyị ka ẹ were-were re ẹkụra ọnọọ va ka yị ọnị nị, ịzẹyịza, dị aza ẹnẹẹ na ịzọọ nị.

Ijosuwa 8:1

Ẹnẹyịmavara ộ hị́ Ijosuwa, dị ọ̀ ka asị o hí angwa ọ kụ́ avaba isoja Anisirẹrị nọ ịrẹkụ Eyayị, ộ kà ọnị vaa za ohinọyị Eyayị ọnịrị aza anị chire wa ụvọ. Avọọ ọnị mẹ rẹ vaa dọ ẹtẹ ẹnịnị yị wa nị.

Ijosuwa 8:28

Avọọ Ijosuwa mẹ rị Eyayị ịra, dị ẹkụra ọnọọ jị eburu, dị ọ tụ́ osusu pooro ve tu ajịnị nị.