Ijeremaya 49:12 - IWE ỌNỊNỊ

¹² Ẹnẹyịmavara kà, aza ẹnẹ ẹ̀ yị vọrọ ka ẹ̀ rị ụya ọnọnị eyee hú enyi hụụnị ako ụyọrị ọnọnị, ví u wéé ro nịnị ka ẹwụ nịnị vaa haa hụụnị anị nịnị nị? Éyiye de. Ẹ́ yị zụ nyị ka wẹ yị rị ụya nịnị.

Ijeremaya 49:12 Iomraidhean Croise

Ụhịrẹyị 17:5

Ọza anaā sịị onosiye mẹ enyinyi vị anaa kụ̀ Ohomorihi ana tụ ọ ụhụ. Ọza enee hine ayị agụvị ịrẹyị ọhịmị ene tu ọza vị ana vaa rị ụya anị.

Ijeremaya 25:15

Ẹnẹyịmavara, Ohomorihi Anisirẹrị ộ kà a yị Ijeremaya ka, ọ̀ dọ ịpa eche ọnị ọnị và ọyịkụ anị hi aanị hụrẹ ọnị ụvọ. Ọ kà Ijeremaya ọ̀ sị ọ ne tu avaba anẹkụra ọnị ọnị ọọ tụ ọ hi, dị ọ̀ mẹ ka ẹnịnị è hú ọ.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.

Ijeremaya 46:27

Ẹnẹyịmavara kà, ẹwụ nịnị aza anị, Anisirẹrị, asị ụ hí angwa nịnị. Asị ayị hụrẹ wụ nịnị ịnẹ. Ọnị vaa dọ wụ nịnị ha hụrị aha ẹnẹẹnẹ, ịzị a za wụ nịnị ọrịhị ne hi avọọ. Ụ vanaa và a vẹ eehi awụ nịnị, dị waa mẹ ẹhẹ awụ nịnị ẹngwọọrọ-ẹngwọọrọ. Ọ kà, ọnị vee sere wu nịnị, dị ọza é yi me vene chire wu nịnị angwa.

Ọbadaya 1:16

Anka ẹnịnị mẹ mẹ̀ aza Ẹnẹyịmavara ana ra ịrẹsụ ataba anị ẹsẹvẹsẹvẹ, avọọ gẹdẹ-gẹdẹ anẹkụra ana kara wa mẹ vaa sị eyi ẹnịnị re ẹẹva nị. Ẹnịnị vaa rị ụya ana ngụ ajẹ, di e su, dị ayị ẹnịnị hí ịnị ẹhẹ.

Imatiwu 20:22

ị Ijeesu tụ́ ohi, dị ọ ka, “Wẹ yị yẹ ịsị u wee họ̀ use nịnị. Wáá va zụụ sị akoo hú ụyọrị oni mi vee hú nịnị?” Dị ẹ kà a yọ ka, “Ya zụ mẹ̀ ẹ.”