Ijeremaya 48:3 - IWE ỌNỊNỊ

³ Wụ́ anẹkụra Ihoronayimi mee nowu ka Ezigi ọọ vẹ! Vị ẹnị ee vú ẹtẹ anị nọ!

Ijeremaya 48:3 Iomraidhean Croise

Ayịsaya 15:2

Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị.

Ayịsaya 15:5

Ẹmị ịnyẹmba ọnị raa jị òrèrè agụvị ịrẹyị Imowabi. Ẹnịnị vi ene zwe huu na ngụ ẹkụra Izowa ọnịrị Egirati Iserisiya. Ẹnịnị e zi zwe pooro na ngụ Iruhiti ọnịrị Ihoronayimi. Avọọ ẹnịnị màa jịị jị oreree vàa tụra oze na nị, agụvị ka vị a nyayịnẹ wụ̀ wa và ha nị.

Ayịsaya 15:8

Avaba ẹkụra ene hi ọkara Imowabi ệ wụ́ aza ẹnẹẹ mèe nowu. Anegirayimi ọnịrị Anibiya-Erimi ệ hyakụ wụ́ wa owu.

Ayịsaya 22:4

Navọ mị maa jị òrèrè aza amị ana a wụ. Asị ụ kà mị ka me kú irenu.

Ijeremaya 20:16

Ọza ọnọọ ọ̀ va sị mẹẹ anka ẹkụra ọnị Ẹnẹyịmavara ẹ yị vayị anị dị o vu ọ ẹtẹ avọọ. Ọza ọnọọ vana vaa jị òrèrè ẹnẹnẹ-ẹnẹnẹ pooro. Ọọdụ vị ọnị vaa wụ̀ ka aza ee na owu ịrẹkụ.

Ijeremaya 47:2

Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

Ijeremaya 48:34

Aza ana ra hi ẹtẹ Ịhẹsịbọnị ọnịrị Eriyare aa jị òrèrè booro-booro, dị aza ene hi ẹtẹ Ijahazi aa wụ́ ọngwẹ ẹnịnị ẹ́ maa jị òrèrè nị. Aza ene hi ẹtẹ Izowa ệ wụ́ orere ẹnịnị, dị á wụ́ ọ huu na ngụ Ihoronayimi ọnịrị ịzị aā hị́ Egirati Isirisiya nị. Okuha ana yà ẹtẹ Inimirimi vị ana hyakụ wụ.

Ijeremaya 48:4

Asị Imowabi vú ẹtẹ. Waa wụ ezweyi maa jị òrèrè.

Ijeremaya 48:5

Wụ́ aza mee sụ ùnèe vaa tụra oze ịzị aā hi Iruhiti, ẹyaa jị òrèrè vaa tụra oze Ihoronayimi agụvị ẹngụkata ene tu wa.

Ijeremaya 51:54

Ẹnẹyịmavara kà, wụ́ aza maa jị òrèrè Ịbabịrọnị, Eyee sụ ùnè agụvị ka ee du ẹkụra ẹnịnịị ha ẹtẹẹtẹrẹ.