Ijeremaya 48:2 - IWE ỌNỊNỊ

² Avaba ụbanyị ọnị Imowabi vịdị nyị vaa ta. Ọnịvị ọza ọ sị ẹtẹ Ịhẹsịbọnị za. Ẹyaa gẹ eyi ẹ́ mẹmẹ vee vú ẹtẹ Imowabi ẹtẹ. Ọkụrẹkụ nịnị vaa kwẹẹtẹ tu ẹkụra Ịmadịmẹnị, dị ẹ mẹ̀ ẹ sisisi.

Ijeremaya 48:2 Iomraidhean Croise

Ayịsaya 15:1

Ịrẹyị ọnị Ohomorihi ka o vee tù Animowabi. Ẹkụra Ari ọnịrị Ikiri ene hi ịnị ẹtẹ Imowabi vi ene vú ẹtẹ ịnị ịrahụ ẹkụhị ọnya.

Ayịsaya 15:5

Ẹmị ịnyẹmba ọnị raa jị òrèrè agụvị ịrẹyị Imowabi. Ẹnịnị vi ene zwe huu na ngụ ẹkụra Izowa ọnịrị Egirati Iserisiya. Ẹnịnị e zi zwe pooro na ngụ Iruhiti ọnịrị Ihoronayimi. Avọọ ẹnịnị màa jịị jị oreree vàa tụra oze na nị, agụvị ka vị a nyayịnẹ wụ̀ wa và ha nị.

Ayịsaya 16:14

Ẹnẹyịmavara rẹ ka ịnị ịrayị ẹẹta tụ́ ọ, avaba ogu Animowabi vaa ta. Aza chẹkẹẹ aanị ọ vaa vẹtẹ ịnị aza otomiroku ene hi ịzọọ nị. Ọkụmị-ọkụmị aza ana vọ vaa vị bẹẹ nị.

Ayịsaya 25:10

Ẹnẹyịmavara vee sere ataba Ịzayọnị. Ama Imowabi vị ọnị ọ vaa kụ́ ahụụ hii za ẹtẹ, dị ọ mẹ̀ ụhị nyị ọ ẹtẹẹtẹrẹ.

Ijeremaya 25:15

Ẹnẹyịmavara, Ohomorihi Anisirẹrị ộ kà a yị Ijeremaya ka, ọ̀ dọ ịpa eche ọnị ọnị và ọyịkụ anị hi aanị hụrẹ ọnị ụvọ. Ọ kà Ijeremaya ọ̀ sị ọ ne tu avaba anẹkụra ọnị ọnị ọọ tụ ọ hi, dị ọ̀ mẹ ka ẹnịnị è hú ọ.

Ijeremaya 25:17

Ijeremaya ka, ịzẹyịza dị ọnị dọ ako ọnọọ hụụnị ụvọ Ẹnẹyịmavara nị. Ọnị ộ sị ọ ne tu avaba anẹkụra ọnị Ẹnẹyịmavara tụ́ ọnị hi, dị ọnị mẹ ka ẹnịnị è hú ịnị anị nị.

Ijeremaya 31:36

Ọ kà avaba ịsị ọnị maanị mẹ aanị òo zụ vu, hụrị ọnị eyi, ịjọnọọ Anisirẹrị vee vu dị ọza ẹ́ yị maa vana hị́ wa ẹkụra paa nị.

Ijeremaya 33:24

Ọnị ọ́ọ́ si ụtọ pe ẹtẹ dị ọnị ọ wụ̀ aza maa kà a ka Ẹnẹyịmavara o re yị Anisirẹrị ọnịrị Anijuda, ovwoovu ẹyịva ọnị ọ nyị tịtẹ? Agụvị avọọ dị ẹ kụkụ aa sị eyii wụ̀ wa dị ẹnịnị sị eyi ẹkụra ọyịvụrụ rẹ wa nị.

Ijeremaya 46:28

Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ijeremaya 48:17

Avaba ẹwụ nịnị ana rá kara ẹtẹ Imowabi, dị ụ yẹ́ ọ́ mẹmẹ vịdị ngụrẹyị nịnị ọọ́ zị ẹngụ yị ọ nịnị. Waa kà a nịnị ka te! ohinọyị ọnị ọ maanị aa sị ụkata-ụkata mẹ ọ sị gara o. Avaba ụbanyị anị ọnịrị ụkata anị ộ ta ee!

Ijeremaya 48:42

Ẹnẹyịmavara kà, e vee vu avaba Imowabi ẹtẹ agụvị ka ẹnịnị ẹ́ yị sị ụbanyị ọnị. (Ẹnịnị ẹ́ yi saasa ịrẹyị anị.)

Ijeremaya 48:45

Aza ene zwè ka ẹnị ẹ̀ na tẹ̀ ẹkụra ana aā hị́ Ịhẹsịbọnị jẹẹ, é yị re aza mẹ ọgụvọ yị wa, agụvị ka ẹkụra ọnọọ aa rị ịra. Ẹkụra Isihoni ana vị ohinọyị aa rị ịra; ịra ọ sị da hụụ ịzọọ va ngụ ẹtẹ Imowabi. Ọ sị ọvịdị-ọvịdị ẹkụra ẹnịnị ọnịrị ataba ẹnịnị rị ịra.

Ijeremaya 49:3

Ẹwụ nịnị Anihesiboni, wa jị òrèrè boro-boro nịnị! Asị ẹkụra ana aā hị́ Ayị vú ẹtẹ o! Ẹwụ nịnị ana ra hi Ịraba, waa jị òrèrè boro-boro nịnị. Waa zị ẹngụ nịnị di wa kụ́ ịta suku-suku hi ẹngụ nịnị. We zwèe zịịzị nịnị agụvị ka wẹ yị yẹ ịsị aa mẹ nịnị. A vaa sị ori awụ nịnị Imorẹkị beri ohirẹsụ irehi anị, ori ẹnị ọdọvịdị anị naa tụ ẹkụra ọsa.

Ijeremaya 49:37

Ọ kà, ọnị vaa mẹ ka Anerami ee hí angwa ọnịvị ẹnịnị enee sì wa isu. Ayị anaa kụ ọnị, ọnị vaa kụ ẹngụkata tu Anerami, dị ọnị tụ isoja ịrẹyị tu wa nee tu ọnị ọ sị wa vú ẹtẹ kwooze.

Ịrịka 32:37

Dị Anirubẹnị nịnị ẹnị re tenyi dà ẹkụra Ịhẹsịbọnị, Erire, Ikiriyatayimi,