Ijeremaya 48:12 - IWE ỌNỊNỊ

¹² Ẹnẹyịmavara kà, ụmẹ aa vẹ ọnị ọnị vaa tụ aza dị ẹ va dụ Animowabi va hi ẹhẹ anka a mee và echee ha avọọ. A vaa tụ ẹkụra ẹnịnị osusu, dị aa jị ọ eburu anka a mẹẹ và eche hụụnị okoko, di a chaka okoko ọnọọ avọọ.

Ijeremaya 48:12 Iomraidhean Croise

Ahẹ Ụgama 2:9

Ịjọva ọkatẹngụ ụ vaa mẹẹ tụra wa nị di waa chaka waa vaa ha anka ụnọkọ avọọ.

Ayịsaya 16:2

Anyẹnẹẹ Animowabi ana a navọ hi ụtọ okuha Arinọnị vị ana sị mẹẹ anka inomi ana a dụ hụụnị ịrẹngwẹ anị avọọ. Ẹnịnị vị ana aa doodo zị kẹnẹ.

Ayịsaya 30:14

Avọọ ụ mẹ̀ vaa sẹ̀ rugu-rugu anka irura avọọ dị ọza ọ yị hyakụ re sị ịnị anị na nyị ịra hụụnị arasị. Ọza ọ yị hyakụ vee re ana hụ kụ́ enyi hụụnị okunsere va ha.

Ijeremaya 14:3

Aza ẹbanyị ẹnịnị ẹẹ tụ ezida ẹnịnị ka ẹ̀ na dà enyi vẹ, ệ nọ ịnị ịkangga, ẹnịnị e yi re enyi dà. Ụnọkọ osusu ẹ́ sị vavẹ nị. Ụhị aa nyị wa, ó si hí wa irenu, dị ẹ kụkụ aa sị eyi tẹ̀ nị.

Ijeremaya 19:10

Ijeremaya ka, dị Ẹnẹyịmavara vaa kà a yị ọnị ka ọnị ọ̀ chaka ụnọkọ ọnọọ eyi aza ana saasa ọnị aanị nị.

Ijeremaya 25:34

Ẹnẹyịmavara kà, ẹwụ nịnị ọdọvịdị enee sere aza anị anka oseratẹmẹ avọọ ọọ jị òrèrè boro-boro. Waa zị ẹngụ nịnị dị wa kụ ẹngụ awụ nịnị muna ezi. Ụmẹ ana a va sii wụ̀ wụ nịnị o si tù. Vị a vaa wụ̀ wụ nịnị anka ịdẹba avọọ nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 48:11

Ẹnẹyịmavara kà, Animowabi nịnị vị anaa mẹ ẹhẹ ẹnịnị ẹngwọọrọ-ẹngwọọrọ, ọza ẹ́ yị za wa ọrịhị nọ ẹkụra ọsa da. Ẹnịnị vị ana sị mẹ anka eche ana nẹtẹ di ọza è yi zizi ọ avọọ; ọza ẹ́ yị và a hụụnị apori ẹnyị hi ịnị ọsa da. Ẹ́ yị nyị ịsị ẹ kanyị uhine anị, vị́ ọ nyayịnẹ yị hine ẹtẹẹtẹrẹ nị.

Ijeremaya 48:13

Ịjọnọọ dị ụhị ori Animowabi nịnị ana aā hị́ Ikẹmọọsị aa nyị wa. Avọọ ụhị mẹ nyị Anisirẹrị nịnị ẹ́ mẹ sị ayị tụra Ịbẹtẹrị nị.

Ijeremaya 48:15

Ohinọyị ana aā hị́ Ẹnẹyịmavara Ochẹtẹẹngụ ka, ẹtẹ Imowabi ọnịrị avaba ẹkụra ene hi ịnị anị vị enee vee vú ẹtẹ. Ezwọọmụha ọyịza-ọyịza ene hi ịzọọ vị ana vaa wụ̀ ha.

Ijeremaya 48:38

Ẹnẹyịmavara kà, wèe tu avaba enoze irehi Imowabi ọnịrị ịnị orere ẹnịnị, wé yi re ịsị ọsa huni ka ọzọza aa zị ẹngụ. Ẹyaa zị ẹngụ agụvị ka ọnị ọ sị Imowabi gara ha anka ụnọkọ ọnị ọzọza ka ẹ́ yị nyị ịsị ọnị aa sịị mẹ avọọ.

Ijeremaya 48:8

Ẹnẹyịmavara kà, ọnịvị ọza vaa kwẹẹtẹ tu ẹkụra ikonyi ikonya, ẹ́ yị ẹkụra ana vaa ha. Inozi ọnịrị ụnọmị vị ene vee vú ẹtẹ.

Ịnahụmị 2:2

Ẹnẹyịmavara aa vaa va Anisirẹrị nọ udi ụbanyị ọnịrị ụkata anka ẹ mẹ vịdị ya dị ọnịvị ẹnịnị vaa sị ịrẹkụ hụ́ wa.