Ijeremaya 48:10 - IWE ỌNỊNỊ

¹⁰ Ọza ọnị ẹ̀ yị kụ ẹngụ hi ụkọrọ Ẹnẹyịmavara mẹ, o du ọọ ku. Ọza enee yi ka ọnị tọ̀ ọza ụnava dị ọnị ọ̀ wụ̀ aza, o du waa ku huuu.

Ijeremaya 48:10 Iomraidhean Croise

1 Ohinọyị 20:39

Ịjị ohinọyị aa paraahu, di ọnịsẹ ọnọọ nowu hị́ ohinọyị, dị ọ ka, “Ẹmị ozi ịda awụ vị ana jịnẹ na kụ̀ ịrẹkụ. Di a nyị isoja ọnya aanị ana si ọza ịnya zwe ve tù mị nị. Dị ọ ka ma sị eyi pe ọza ọnọọ nị. Ọ kà òo vú, ụhwẹ amị a vaa sị dọ ụhwẹ anị ịrẹsụ nị, à yị vị avọọ a vaa dà mị ẹkẹhị enyusẹ akawụrakahị.

1 Ohinọyị 20:40

A va nyị ịsa ẹnyị-ẹnyị aanị ana dọ mi oro, dị ọza ọnọọ si vu nị.” Di ohinọyị Anisirẹrị tụ́ ohi dị ọ ka, “Ọkarẹyị awụ ọ vị vị ọnọọ nị, wa sị ọkarẹyị ẹngụ awụ mẹ.”

1 Ohinọyị 20:42

Dị ọnịsẹ ọnọọ ka, “Ẹnẹyịmavara kà ọza ọnị ọnị ka a wụ̀, wa raà hụrẹ ẹ ụvọ ka ọ̀ọ na, agụvị avọọ ụhwẹ awụ a vaa sị dọ ụhwẹ anị ịrẹsụ nị. Aza awụ vị ana a rẹ vaa sị dọ aza anị ịrẹsụ.”

2 Ohinọyị 13:19

Ịrẹyị ọnọnị ọ raà kụ Erisa ayị, dị ọ kà a yị ohinọyị Ísirẹrị ka: Ẹ̀hụ ụpẹ ẹẹhị à vị ịhịnọnyị avọọ ụ yaanị sị nya ẹtẹ, dị ụ yaanị nyị ẹbẹẹba Anisiriya nịnị saka-saka nị. Ama booro aanị, ụpẹ ẹẹta kẹnẹ ụ vaa nyị ẹbẹẹba ẹnịnị wàa nọ ịrẹkụ nịnị nị.

Ijeremaya 11:3

Ọnị Ẹnẹyịmavara, Ohomorihi Anisirẹrị. O ree chì hị́ avaba aza ẹnẹ ẹ yị saasa ịrẹyị ọnị ẹnị dọ beri ẹngụ tụ ịnị anị.

Ijeremaya 47:6

Ẹwụ nịnị Anihwirisiti ka, kaaa! Ẹnẹyịmavara ọ̀ raa kụ́ ịrẹkụ tu wu nịnị. Ụ ka ịzị ọ vaa maanị tọ̀ wụ nịnị ụnava nee tu? Ịhị ụ vaa nyị ụhwọtụ nịnị da?

Ijeremaya 47:7

Ama ịrẹkụ ọnọnị mẹmẹ zụ ji ịrẹma ọnị Ẹnẹyịmavara sị ọda mẹ ka aa kụ̀ ọ? Ọnị ọ mẹ ọda ka a kụ́ ịrẹkụ ne tu Asikeroni ọnịrị aza ana ra hi utenyi nị.

Ijeremaya 50:25

Ọ kà ọnị ọ raa na oze ịzị ọnị kụ ẹnya ịrẹkụ anị hi. Ayị maa kụ ọnị, ọnị ọ raa kụ ẹnya ịrẹkụ anị hi ẹhẹ, agụvị ka ọnị Ẹnẹyịmavara Ochẹtẹẹngụ Ochẹtẹngụ, ọnị ọọ nyị ụkọrọ ọnị ọnị ee sì ka ọnị ọ̀ mẹ ẹtẹ Ịbabịrọnị.

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijosuwa 10:19

Dị ọ ka aza ana vọ ẹ kụ chire isoja ọnịvị ẹnịnị dị asị e re oze ngụ ẹkụra ẹnịnị ana jị ọvọ kara. Asị a nyị ọza ẹnịnị ene zwe agụvị ka Ẹnẹyịmavara Ohomorihi vaa gu Anisirẹrị nịnị ụvọ dị ẹ wụ̀ wa saka-saka.

Ọdọvịdị 5:23

Anggẹẹrị Ẹnẹyịmavara kà a tụ́ ozirenu hi Imerozi. Nyayịnẹ tụ́ ozirenu hi aza ana ra ịzọọ, Ẹnịnị ẹ yị vaa gụ Ẹnẹyịmavara ụvọ, anka isoja, dị ẹẹ kụ́ ịrẹkụ yọ.

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

1 Ịsamụwẹrị 15:9

Ịsọọrụ ọnịrị isoja anị ẹ rẹ vaa wụ̀ Agagị ọnịrị atẹmẹ ne beri imaaru ẹnịnị ene zoza dị ọ banyị. Avaba ịsa ene zoza vị ẹnị ẹ navọ, ẹ yị zẹẹ ka ẹnị ẹ̀ wụ̀ wa va ha saka-saka. Ama avaba ịsa ẹnẹ ẹ̀ yi zee ọza eyi ana ahịka ọkụmị ẹ vị nị vị ẹ wụ̀ va ha saka-saka.