Ijeremaya 47:4 - IWE ỌNỊNỊ

⁴ ka, ụmẹ o si tu ka è vu Ihwirisitiya ẹtẹ. Dị aa wụ̀ avaba aza ana vẹtẹ ana yaanị aa mẹ ọgụvọọ yị ẹkụra Ịtaya ọnịrị Ịsịdọnị. Ẹnẹyịmavara kà ọnị vee vu Anihwirisitiya ẹtẹ dị ọnị vu avaba aza ana hụrị utenyi ẹtẹ Ikerete vẹ ẹtẹ.

Ijeremaya 47:4 Iomraidhean Croise

Oyinyima 10:15

Ezi ọnị Ikanaani ma yị. Ozi ọzọkụ anị ọ̀ vị Ịsịdọnị nị. Ana vọ ẹ vị Iheti,

1 Ịtọpa 1:12

ipatirusi, Ikasiruhimi, ọnịrị Anikereti nịnị (ịpa ẹnịị Anihwirisiti nịnị chị hụrẹ nị).

Ijoovu 9:13

Àa kụ ayị ọ mā va. Ọnịvị anị ana kụ tu ọ venee vú ẹtẹ.

Ahẹ Ụgama 37:13

Aza edivi ẹ̀ẹ vavọọ mẹ, dị Ẹnẹyịmavara nyị wa unyi kẹnẹ Ộ yẹ ka ọ yị jẹẹ dị a wụ̀ wa va ha.

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ayịsaya 14:31

Ẹwụ nịnị Anihwirisiti, tụ́ ụvọ kú ịrẹsụ wee nowu nịnị. Ẹngụ awụ nịnị ọ̀ọ da ẹgahị. Ezirẹkụ ệ kọmị hụrẹ eyi ẹbẹẹba aa vẹ, vị ẹ sị mẹẹ anka areyi avọọ ẹ mẹ̀ rụrụ nị. Ẹ yị nyị ikonya ẹnịnị ana vị anangwahi.

Ayịsaya 20:6

Ịnị ụmẹ ọnọọ aza ana ra hi ụtọ oku Ihwirisitiya vaa dà ẹngụ igege dị ẹ ka wéē re ịsị e tù aza ẹnị ẹyị rẹ sị ayị tụra. Ẹnị ẹyị vịdị zwe ne tù ka ẹ̀ dọ yị tụ́ hụụnị ụvọ ohinọyị Anasiriya nọ! Ẹyáá kụkụ zụ há aanị?

Ayịsaya 31:8

Ịrẹkụ ọ vaa wụ̀ Anasiriya nị, ama ẹ yị vị ẹmịrị ọzarẹyịrẹsụ ọ vaa kụ̀ ịrẹkụ ọnọọ. Mị ka ịrẹkụ ọ vaa wụ̀ wa nị, ama ẹ yị vị ịrẹkụ ọzarẹyịrẹsụ. Ịrẹkụ vị ana vaa dụ wa, di a za ozwọọmụha ẹnịnị ọrịhị.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ezikẹẹrị 21:25

Ẹwụ ọza ọhịmị anaa mẹ ohinọyị yị Anisirẹrị nịnị aanị, ụmẹ o si tu ka wa rị ụya awụ ana vọ.

Ezikẹẹrị 21:29

Ọ kà ẹtẹ ọnị wee ré nịnị vị apẹ. Ịsẹ ọnị waa kà nịnị vị ireche osusu. Ọza ọhịmị ụ vị nịnị nị. Wee divi nịnị. Ama ụmẹ awụ nịnị aa vẹ, ọnị ụ vaa rị ụya awụ nịnị ọdịrẹma. A vaa sị ụhwọọ tụra awụ nịnị ọrọkọ.

Ezikẹẹrị 25:16

Avọọ, ọnị vaa kwẹẹtẹ tu Anihwirisitiya nịnị, dị ọnị wụ̀ wa va ha. Avaba Anikereti nịnị ọnịrị aza ana ra hi ụtọ irehu vị ọnị vaa wụụ ha.

Ezikẹẹrị 30:8

Ẹnẹyịmavara kà ịjị ọnị ọọ́ ra jị ịra da Ijipiti, dị a raa wụ̀ avaba aza anaa kụ̀ ịrẹkụụ yị ọ nị, ẹnịnị vaa yẹ ka ọnị ọ vị Ẹnẹyịmavara nị.

Ezikẹẹrị 7:12

Ọ kà ụmẹ ọọ vẹ, ẹkụhị o si tu. Navọ asị aza anaa hị́ ịsa hine ayị ka ọọ mẹ yị ọnị, asị aza anaa ná ịsa du ayị ka ẹ́ yị gụụ yị ọnị, agụvị ka avaba ịsa vị ọnị ọnị vaa sị ọyịkụ-ọyịkụụ vú ẹtẹ.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Emọsị 9:7

Ẹnẹyịmavara kà aro ọnị ọnị nyị Anisirẹrị ọnị rẹ nyị yị Anetiyopiya nị. Ọnị ọ kụ Anihwirisiti hụrẹ ẹtẹ Ikiriti ọnịrị Anisiriya hụrẹ ẹtẹ Ikiri nị. Avọọ ọnị mẹ rẹ kụ Anisirẹrị hụrẹ Ijipiti nị.

Iruuku 21:22

Ẹkụhị ana a vaa sị sị ụyaa rị ọza ọ vị nị, agụvị dị ịrẹyị ana a chẹrẹ tụ́ ini Iwe Ohomorihi ọ̀ zụ sẹ.

Iwe Ọhụhị Imosiisi ana aa hị́ Ọyịvatụrọda 2:23

Ẹngụ ịrẹyị ọnọọ o re tu Avimi ana ra ẹkụra ana gụrị Igaza nị. Anịkahụtọ ana vị Anikereti ọ̀ hụ wa ẹkụra ẹnịnị dị ẹ sị ẹtẹ ẹnịnị nị.

Ijosuwa 22:30

Ịjị Ihwinihasi, ohirẹsụ irehi Ohomorihi ọnịrị ohirẹsụ Anisirẹrị nịnị beri azọkụ-azọkụ ịrẹsụ-ịrẹsụ Anisirẹrị nịnị wụ́ ịrẹyị ọnị ezi Irubẹnị nịnị, ezi Igadi, ne beri achẹva ezi Ịmanasẹ nịnị ka, ô hine wa.