Ijeremaya 47:2 - IWE ỌNỊNỊ

² Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

Ijeremaya 47:2 Iomraidhean Croise

Ahẹ Ụgama 24:1

Ẹnẹyịmavara ọ nyị ẹhẹ, ọnịrị avaba ịsa ene hi ini anị nị. Ọnị ọ rẹ nyị aza ene hị́ ịnị anị nị.

Ahẹ Ụgama 50:12

Ọ kà àa vị ụngwẹ aa kụ̀ nị, ẹ yị nyị ka ọnị ọ̀ va kà a wụ agụvị ka ọnị ọ nyị avaba ẹhẹ ọnịrị ịsa ene hi ịnị anị nị.

Ahẹ Ụgama 96:11

Ẹwụ nịnị ẹbẹẹba ọnịrị ẹtẹ ọ̀ọ jẹ. Òkū ọnịrị avaba ịsa ene hi ịnị anị èe nowu ịrajẹ.

Ahẹ Ụgama 98:7

Òkū ọnịrị avaba ịsị e hi ịnị anị ẹ̀ẹ sị ịrajẹẹ nowu, dị avaba ẹhẹ ọnịrị aza ene hí ịnị anị ẹnị ẹ̀ rẹ vavọọ jẹ

Ayịsaya 14:31

Ẹwụ nịnị Anihwirisiti, tụ́ ụvọ kú ịrẹsụ wee nowu nịnị. Ẹngụ awụ nịnị ọ̀ọ da ẹgahị. Ezirẹkụ ệ kọmị hụrẹ eyi ẹbẹẹba aa vẹ, vị ẹ sị mẹẹ anka areyi avọọ ẹ mẹ̀ rụrụ nị. Ẹ yị nyị ikonya ẹnịnị ana vị anangwahi.

Ayịsaya 15:8

Avaba ẹkụra ene hi ọkara Imowabi ệ wụ́ aza ẹnẹẹ mèe nowu. Anegirayimi ọnịrị Anibiya-Erimi ệ hyakụ wụ́ wa owu.

Ayịsaya 22:1

Ịrẹyị ene vee tù aza ana ra hi ini osusuu ịzị Ohomorihi yàa mẹ ka aza anị è re ẹtẹ yị. U mè re nịnị? Si u ne hi ịrẹsụ irehi aa jẹ ịrajẹ anị nịnị?

Ayịsaya 28:17

Avaba ịsị waa mẹ nịnị vị ana sị mẹẹ ọza òo rere aa dà irehi avọọ. Ohomorihi ka ọnị vaa sị ịrẹyịzaa pè e anka a mẹ̀ẹ si obo pè irehi di è re ọ mẹmẹ vọrọ avọọ. Ireche ọnị ụ sị jị ọvọ gu ẹngụ hi vi oni orihi vaa zụ̀ụ hị́ di enyi hì ọ na và ha. Ịzị ụ ka wa na tẹ̀ tụ́ vi eni enyi vaa kụ́ naa vàa ha.

Ayịsaya 59:19

Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị.

Ijeremaya 1:14

Dị Ẹnẹyịmavara kà hụrẹ eyi ẹbẹẹba ịsị edivi vaa gara vee ku avaba aza ene hi ịnị ẹtẹ ọnọnị nị.

Ijeremaya 46:12

Anẹkụra ana vọ ẹ raa wụ ka, á raa mẹ̀ ụhị nyị wụ nịnị. Avaba aza ệ wụ́ ụ mee nowu nịnị. Isoja awụ nịnị ọnya ộ vangga jịnẹ ọsa, dị ẹnị ẹyịva dudu sẹ ẹdụ va hi ẹtẹ nị.

Ijeremaya 46:13

Ijeremaya ka, ụmẹ ọnị Inebukadineza, ohinọyị Ịbabịrọnị sị kụ́ ịrẹkụ ve tu Anijipiti, Ẹnẹyịmavara ộ kà ịrẹyị yị ọnị, ọ ka

Ijeremaya 46:20

Ẹtẹ Ijipiti vị ana sị mẹ ụnọ ene zoza ẹtẹẹtẹrẹ avọọ. Ama dị ịsị enee che ọza kụ ịrẹkụ hụrị Ịbabịrọnị ve tu ọ nị.

Ijeremaya 46:24

Ẹnẹyịmavara kà ọnị ọ sị ọ ka: A raa mẹ̀ ụhị nyị Anijipiti nịnị da. Anibabironi ẹ̀ sị wa huna.

Ijeremaya 48:39

Ọ kà, asị Imowabi gara ha o! Waa jị òrèrè boro-boro nịnị ka, asị ụhị mẹ nyị Imowabi nịnị o!

Ijeremaya 6:22

Ẹnẹyịmavara kà, re, aza ẹ raa hụrị ẹkụra ọnya eyi ẹbẹẹba aa vẹ; Anẹkụra ana dẹngụ hụrị aha ẹnẹẹnẹ ee tenyi ẹngụ ịrẹkụ.

Ijeremaya 8:16

Ẹ ka ọnịvị ẹnịnị ẹ sị ngụ ẹkụra Ịdaanị, Ẹnị aa wụ ẹtẹ ịrẹyị umaata ẹnịnị maa sị tụ ụhwẹ ụkata-ụkata. Avaba ẹtẹ ee zizi ịjị umaata ẹnịnị è na owu, ọnịvị ẹnịnị ẹ zị vẹ ọyị ve vu ẹkụra ẹnịnị ọnịrị aza beri ịsa ene hi ịnị anị ẹtẹ.

Ịdanịyẹrị 11:22

Àa nyị isoja nịnị ana ka ẹnị ẹ yị dọ yọ, ọ̀ọ daka rẹ vị ohirẹsụ ọbanyị irehi Ohomorihi, ó vee hi wa hụrị ẹtẹ hụyẹ-hụyẹ nị.

Ịnahụmị 1:8

Ẹnẹyịmavara vi ene vee vu ọnịvị anị ẹtẹ anka ọhaara enyi mẹẹ̄ kụ ịsa avọọ. Dị ọ sị ọnịvị anị nịnị na gẹrẹ usu.

1 Anịkọrịntị 10:26

agụvị ka, “Ohomorihi ọ nyị avaba ẹhẹ ọnịrị avaba ịsa ene hi ịnị anị nị.”

1 Anịkọrịntị 10:28

Ama àa nyị ọza ana va kà a wụ ka vị a sị ịsa ọnọọ mẹ̀ ịsọvọ yị ori nọ; hụụnị anị, asị ụ kụkụ rị ọọ, agụvị ọza ana vavọọ va kà a wụ, ọnịrị agụvị ayị ọza;

Ijemiisi 5:1

Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị.

Ẹtore 17:1

Ọnya ịnị anggẹẹrị ịhịmba ana nyị ịchacha ịhịmba ẹnẹẹ, o ve tù mi, dị ọ ka, “Vẹ ịzẹnị, ka maa sịị zụ̀ wụ, a mẹmẹ vaa sị ụyaa rị ọsẹrẹka ọbanyị ọnọọ ana yà ịrẹsụ okuha ọrụrụ-ọrụrụ.

Ẹtore 17:15

Dị anggẹẹrị ọnọọ rẹ kà a mị ka okuha oni mi re avọọ ọnị ọsẹrẹka ọnọọ yaayịtẹ ịrẹsụ anị vị ana jẹẹ yị ẹkụra nịnị ọnịrị aza nịnị ne beri aza irenyi-irenyi ana aa kà ẹkụra irenyi-renyi.