Ijeremaya 44:1 - IWE ỌNỊNỊ

¹ Ijeremaya ka, Ẹnẹyịmavara ộ kà ịrẹyị yị ọnị ịnị ịpa avaba Anisirẹrị ene hi Ijipiti. Ẹnịnị vị ene hi ẹtẹ Imigidori, Itehahwinehesi, Imemihwisi ọnịrị eyi ụvẹtẹ Ijipiti.

Ijeremaya 44:1 Iomraidhean Croise

Oyinyima 10:14

Anipatirusimi ọnịrị Anikasiruhimi, beri Anikahwitorimi. Anihwirisiti nịnị vị ana chị hụrẹ Ikasiruhimi vẹ.

Ọyịkụra 14:2

“Kà ẹ yị Anisirẹrị ka ẹ̀ varẹma dị ẹ̀ na kụ́ udi tụ́ Ipi-Ihahiroti ana yà ịnị akakana Imigidori ọnịrị òkū. Ẹnịnị ẹ kú udi gụrị oku dị ẹ̀ maanị và eyi ka Ịbaarị-Izehwọnị gẹdẹ-gẹdẹ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 19:13

Ọdọvịdị Anizowanị ọnịrị Ijipiti vị ọnụra. Ẹnị ana a ka ẹ̀ si oze zụ̀ aza, ẹ raà kụ́ wa nyeeyi.

Ijeremaya 2:16

Anẹkụra anaā hị́ Imemuhweri ọnịrị Itapanihesi ẹ sị ịsa ana Anisirẹrị nịnị aa sịị mẹ ụbanyị gara ha.

Ijeremaya 24:8

Ẹnẹyịmavara kà, Ịzẹdẹkaya ohinọyị Ijuda, ẹnị ọdọvịdị ana kara a ọnịrị avaba Anijerusarẹmị ana vọ ẹtẹ, ẹ̀ẹ ya Ijerusarẹmị, èe zwe na ra Ijipiti, vị ọnị ọnị vaa mẹ anka ihwigi ọyịvụ-ọyịvụ ẹnẹ ẹ̀ yị wụra rị aanị.

Ijeremaya 43:13

Ẹnẹyịmavara kà, ọhẹ ana a sị ịrẹta mẹ tụ ịzị aā hị́ Iheriyoporisi ẹtẹ Ijipiti, ẹnẹ ẹ yaa hẹkẹ avọọ, vị ọnị ohinọyị Ịbabịrọnị vaa chaka rugu-ruguu vàa ha. Dị ọ rị irehi ori Anijipiti nịnị ịra va ha.

Ijeremaya 44:15

Ijeremaya ka, dị avaba aza ana yẹ́ ka ose ẹnịnị ệ mẹ̀ ịsọvọ hi ori, avaba anyẹnẹẹ ana jẹẹ ịzọọ beri Anisirẹrị nịnị ana ra hi eyi ụvẹtẹ Ijipiti, ẹnịnị aa gigirigi aanị, dị ẹ tu ọnị ohi ka:

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 46:19

Ọ kà ẹwụ nịnị Anijipiti ò tenyi ka aa vaa za awụ nịnị ọrịhị. E vee vú Imemihwisi ẹtẹ. A vaa jị ọ eburu dị ẹ yị nyị ọza ana kụkụ ra ịzọọ.

Ezikẹẹrị 29:10

ọnịvị ẹwụrị irehu ọnọọ ọnị kụkụ vị nị, ọnị vaa tụ avaba ẹtẹ Ijipiti osusu; hụrị ẹkụra ana aā hị́ Imigidọrị eyi ẹbẹẹba, na ngụ ịzị aā hị́ Asiwanị eyi ụvẹtẹ, huu na ngụ ẹhwị ẹtẹ Anisudani nịnị.

Ezikẹẹrị 29:14

Ọnị vaa navọ wa ka ẹ̀ ra hi eyi-ụvẹtẹ Ijipiti, ana vị eehi ẹnịnị obooro. Ọkụmị ẹnịnị kụkụ vaa vị̀ị hi ịzọọ nị.

Ezikẹẹrị 30:13

Ẹnẹyịmavara Ochẹtẹẹngụ ka, ori apaapẹ ene hi ẹtẹ Imemihwisi vị ọnị ọnị vee duu ha. Ẹ́ yị ma vana nyị ọza ana vaa mẹ ohii tụra Anijipiti nịnị ịrẹsụ. Avaba aza ene hi ẹkụra ọnọọ vị ọnị ọnị vaa mẹ angwaa hí.

Ezikẹẹrị 30:14

Eyi-ụvẹtẹ Ijipiti ana aā hị́ Ipatirosi vị ọnị ọnị vaa jị eburu, dị ọnị rị ịzị aā hị́ Izowanị ịra, Izowanị vị ana yà eyi ẹbẹẹba ịnị ẹtẹ Ijipiti. Ọnị vaa sị ụyaa rị aza ene hi ẹtẹ Itebesi.

Ezikẹẹrị 30:16

Ọnị vaa jị ịraa da Ijipiti, dị Aniperusiyumi nịnị ee rimanya. Ọvọ ana a jị kara Itebesi vị ọnị ọnị vaa chakaa vaa hi ẹtẹ, dị ọhaara enyi vá kụ́ ẹkụra ọnọọ. Aza ene hi Imehwisi vị ana vaa ra ini angwahi ọnịvị ẹnịnị pooro.

Ezikẹẹrị 30:18

Ẹnẹyịmavara kà ịrahụ vaa za ẹkụra ana aā hị́ Itehahwinehesi ịjị ọnị ọ raa gara ụkata Anijipiti nịnị ha; dị ọnị mẹ ka ụkata ene e yee sii wuu zi avọọ ọ́ ta nị. Ọ kà eguhi vaa da ku ẹtẹ Ijipiti, dị a za avaba ene hi ẹkụra-ẹkụra anị ọrịhị.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.