Ijeremaya 42:4 - IWE ỌNỊNỊ

⁴ Ijeremaya ka, dị ọnị tụ́ ohi ka, oo zoza de. Ọnị vaa mẹ̀ aduwaa hi Ẹnẹyịmavara, Ohomorihi ẹnịnị, anka ẹ́ mẹ tụ ọnị. Ịsa tụra ịsa ọọ ka, ọnị vaa kà a yị wa, ẹ́ yị nyị ọnị ọnị vaa sịị tẹ̀ yị wa.

Ijeremaya 42:4 Iomraidhean Croise

Ahẹ Ụgama 40:10

Maa kà a zị ka wâ dọ yị tụ Mị ka ọza ọ zụ sị ayị tụra awụ, ka ẹwaa dọ ọzaa há nị Aza ệ ta wara gụ dị maa kà a yị wa ka vi ụụ̄ sì ịrẹyị ọza pooro nị, We mē vene ọza.

Ọyịkụra 8:29

Di Imosiisi ka ọnị ọ̀ọ sị hụụ ịda Ihwarawo ịzẹnị kẹnẹ, ọnị aa naa dá ịpẹẹ yị Ẹnẹyịmavara. Ọ kà ụhwọọ ịsị ẹnẹẹ vaa hụrẹ ẹ ẹngụ ọnịrị anụkọrọ anị ne beri aza anị. Ọ kà ama asị o kuku vene ọnị kẹnẹ, o. Ọ kà òo si tù asị ọ rẹ na kà a ka ọnị ọ yị zẹẹ ka aza ẹnẹẹ ẹ̀ na mẹ̀ ịsọvọ yị Ẹnẹyịmavara.

Ijeremaya 23:28

Ẹnẹyịmavara kà, ọnịsẹ anaa ra ụra ọ̀ ka a ka ọnị ọ ra ụra, ama ọnịsẹ ọnị ọnị ọọ tụ ụtụ ẹ̀ sị ịzẹyịza na ka ụtụ anị. Ọ kà, sị ebe ọnịrị akụ si vị ọnyọọnya kẹ?

Ijeremaya 23:35

Ama ọzọza ọ̀ naa họ̀ ọta anị ọnịrị anda ẹnịnị use ka, ohi sị Ẹnẹyịmavara va tụ da? Ọ́ mẹ vana va ka kẹ?

Ijeremaya 26:2

Dị Ẹnẹyịmavara kà a yị ọnị ka, ọnị ọ̀ na jẹẹ ịnị akakana irehi Ohomorihi nị. Ọ kà ọnị ọ̀ kà a yị aza anaa hụrẹ Ijuda vaa mẹ ahẹkẹ ịzọọ, avaba ụtụ ọnị ọnị tụ ọnị. Asị a nyị ọnị ọnị dà tịtẹ.

Ezikẹẹrị 2:7

Ẹnẹyịmavara kà, ịsị ọnị ọọ kà a yị ọnị kẹnẹ, ọnị vaa kà a yị wa nị, ẹẹ ka ẹnịị wù, ẹẹ ka ẹnị ẹ́ yị wụ. Asị ayị hi ọnị ka vị Anisirẹrị nịnịị kụ́ụ hịrẹ ọza nị.

Odeyi 20:20

Wa rẹ yẹ ka ẹ yị nyị ịsị mị sị tẹ wụ nịnị ịnị ịsa ẹnẹẹ ana zụ gụ wụ nịnị ụvọ, m màa zụ̀ wụ nịnị ịsa ịnị ịnọyị-ịnọyị, dị mị raa kà a ngụ irehi-irehii zị nị.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Aniroomi 10:1

Ẹwụ nịnị ẹyịnyara amị, maa mẹ̀ aduwa, ayị amị ee sì ọọ ẹtẹẹtẹrẹ ka ọ maa navọ Anisirẹrị nịnị ẹ̀ zụ há.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.