Ijeremaya 42:2 - IWE ỌNỊNỊ

² dị ẹ ka, aarịhịnị, ọnị ò pè ẹnị mẹ̀ aduwa hi Ẹnẹyịmavara Ohomorihi ẹnịnịị de. Ẹ ka, ọnị ee ré ka ẹnị ệ vịdị rụrụ, ama ẹnị chee ọ vị booro aanị nị. Ọnị ọ̀ mẹ̀ aduwa yị ẹnị ana vẹtẹ anị de.

Ijeremaya 42:2 Iomraidhean Croise

1 Ohinọyị 13:6

Di ohinọyị aa dá ịpẹẹ yị ọza Ohomorihi dị ọ ka, “Aarịhịnị da ịpẹ yị Ẹnẹyịmavara Ohomorihi awụ dị wa mẹ̀ aduwa yọ agụvị amị dị ọ̀ và ụvọ amị vẹ mị.” Ịzẹyịza dị ọza Ohomorihi ọnọọ dá ịpẹ yị Ẹnẹyịmavara, dị ọ và ụvọ ohinọyị vavẹ yọ, dị ụvọ ana rẹ yà anka ọ́ mẹ̀ vịdị yà nị.

Ahẹ Ụgama 119:170

Navọ wa wụ́ ịpẹ ọnị maa dá, dị wa dọ mị tụ́ anka ụ mẹ̀ kà a ka ụ vaa mẹ.

Ọyịkụra 8:28

Di Ihwarawo ka ọnị aa navọ wa dị ẹ̀ na mẹ̀ ịsọvọ yị Ẹnẹyịmavara ana vị Ohomorihi ẹnịnị ịnị ụnọmị. Ama asị ẹ zị noze kẹnẹ. Dị ọ ka aarịhịnị Imosiisi ọ̀ dá ịpẹ ka à kụ́ ịsị ẹnẹnị kwooze yị ọnị.

Ọyịkụra 9:28

Dị ọ ka aarịhịnị Imosiisi ọ̀ dá ịpẹ yị Ẹnẹyịmavara kà opomi ọnịrị ata orihi ọnọnị ô zee ọgọnị. Ọ kà ọnị aa hụrẹ wa ụvọ ka ẹ̀ẹ na. Ọ kà asị ẹ kụkụ yà ịzọọ.

Ayịsaya 1:15

Wàa kụkụ kụ́ ụvọ hi ẹba dị waa mẹ̀ aduwa nịnị nị, di mi jesi eyi kwooze. Òo zee e eyi wa mẹ̀ aduwa nịnị pooro, me yi vee tụ́ ohi, agụvị ka wa sị aza wụ̀ ha baaba.

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Ayịsaya 42:20

Ẹwụ Anisirẹrị wê re ẹtẹ ọrụrụ-ọrụrụ, ama sị́ ẹtẹ ọnị ụ re va vị yị wụ nịnị? Waa ha ụtọ awụ nịnị ha, ama sị́ ụ daka va wụ́ nịnị?”

Ijeremaya 15:11

Ọ kà, Ẹnẹyịmavara, àa vị ka ọnị ẹ yị hẹkẹ wụ a mẹ vọrọ, dị ahịka, ẹ́ yị vị ọnị aa dá ịpẹẹ wụ ọnịvị anị nịnị mẹ hi ịnị ẹngụkata ọnịrị eyovi nị, avaba ozirenu ẹnịnị ẹ va za ọnị ịzẹyịza.

Ijeremaya 2:27

Ụhị ọ vaa nyị ẹwụ nịnị ana a kà ọchị ọ va ada awụ nịnị, dị ịrẹta vị ọnyị awụ nịnị nị. Ọ kà aanị ọ mẹ vaa yaa wụ nịnị nị, agụvị ka wa sị ịrẹma và ka ọnị nịnị, we yị và eyi ka ọnị nịnị. Ama ịjị ẹngụkata ọọ ka wụ nịnị vẹ dị ụ ka ọnị ọ̀ kwẹẹtẹ dị ọnị ọ̀ dọ wụ nịnị tụ.

Ijeremaya 21:2

Ẹnịnị ê ne tu Ijeremaya dị ẹ́ ka, aarịhịnị, ò pe ẹnị pe Ẹnẹyịmavara kà ịrẹyị agụvị ka Inebukadineza ohinọyị Ịbabịrọnị ọnịrị Isoja anị ẹ́ raa kụ ịrẹkụ ee vee tu Ijerusarẹmị. Ẹ ka ẹyịyara, Ẹnẹyịmavara vaa mẹ ịvọpa yị ẹnị dị ọ dụ Inebukadineza varẹma.

Ijeremaya 36:7

Ijeremaya ka, ẹyịyara, ẹnịnị vaa dá ịpẹẹ ị Ẹnẹyịmavara, dị ẹnịnị và hụụnị ẹhẹ odivi ẹnịnị. Ọ kà, Ẹnẹyịmavara ọ raa sị ọyịkụ-ọyịkụ ee wo oto hi aza ẹnẹnị.

Ijeremaya 37:20

Dị ọnị ka yị ohinọyị Ịzẹdẹkaya ka, ọ̀ navọ ọ wụ ịpẹ ọnị ọnị aa dáa yọ booro aanị. Aarịhịnị, asị ọ kụkụ sị ọnị varẹma na tụ ịnị ẹngwa ịnị ịdị Ijonatani. Ẹyịvavọọ vị ọnị ee sú u tu ịzọọ nị.

Ijeremaya 37:3

Ijeremaya ka, ohinọyị Ịzẹdẹkaya ộ tụ ọnọrụ ọnya aanị ana aā hị́ Ijehukari, ozi Iseremaya beri Ịzẹhwanaya ozi Imaseya ve tu ọnị. Ịzẹhwanịya ọnị vị ohirẹsụ irehi Ohomorihi. Ọ kà, aarịhịnị, ọnị ò pe ẹnị mẹ̀ aduwa hi Ẹnẹyịmavara, Ohomorihi ẹnịnị de.

Ijeremaya 38:14

Ijeremaya ka, â nyị ẹkụhị ọsa, dị ohinọyị Ịzẹdẹkaya yà enoze ọhụta irehi Ohomorihi, dị ọ́ ka asị ọnị vẹ nị. Ọnị ô tu ịzọọ, dị ọ ka, ịrẹyị ọnị ọnị aa vaa họ̀ ọnị use aanị, ọnị ee sị ka ọnị ọ̀ kà avaba ịzẹyịza anị yị ọnị.

Ijeremaya 40:15

Dị Ijohananị ozi Ikareya wèrè kà a yị Igidarịya Imizipa ka, ọ̀ jẹẹ dị ọnị ọ̀ na wụ Isimẹrị, dị asị á yẹ ọza ana vavọọ mẹ nị. Ọ kà sị ẹ vẹ dị ẹnị aa vaa navọ ka Isimẹrị ọ̀ va wụ Igidarịya kẹnẹ-kẹnẹ? Ijohananị ka, ọ̀ọ vavọọ yà, vị aa mẹ ka avaba Aniju ana gụ kara Igidarịya ẹ̀ gara, dị ọ kụ ẹngụkata ọbanyị tu avaba aza ana vẹtẹ hi Ijuda nị.

Ijeremaya 42:20

eyi ọnị wee nyee nịnị aanị, ẹhẹ awụ nịnị u ve sii sí ụta anị o, ọnị ka, ẹwụ nịnị ọ tụ ọnị ka ọnị ọ̀ na mẹ̀ aduwa hi Ẹnẹyịmavara, Ohomorihi ayị nị, dị ụ kà a nịnị ka ụ vaa mẹ avaba ịsị ọọ ka nị.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Ezikẹẹrị 12:16

Ẹnẹyịmavara kà, ama, ọnị vaa navọ aza chee ka ẹ̀ vọ. Ịrẹkụ ẹ́ yị vaa rị wa, ụngwẹ ọnịrị ụkụ ẹ́ yị vaa wụ̀ wa, ẹkụra tụra ẹkụra ene ee ne hi, ẹnịnị ẹẹ dọ irenu ka ẹnị ệ mẹ ịsị anaa nyị ọnị ịhyẹrẹ; dị ẹnịnị ẹ̀ rẹ yẹ ka ọnị ọ vị Ẹnẹyịmavara nị.

Ihoseya 8:10

Ẹnẹyịmavara kà ẹnịnị ẹ̀ẹ daka ná ẹngụ ẹnịnị yị anẹkụra nịnị, ọnị vaa kụ wa gụ. Ẹ yị vaa jẹẹ dị ohinọyị ọnịrị ọdọvịdị Anisiriya nịnị pa ẹva yị wa.

Ireevi 26:22

Ọ kà ọnị vaa tụ uye edivi vaa ngụ ịnị akakana ẹnịnị, dị ẹ wụ ezi ẹnịnị va ha. E vee vú ịsụpa ẹnịnị ẹtẹ, dị ahịka aza che ẹ kụkụ vọ nị. Ọsọnị vaa mẹ ka oze ẹnịnị ẹ̀ tụ osusu.

Emọsị 7:2

Ịjị akụvarịva raa rị avaba avị za ọchị avaba aha, dị Emọsị da ịpẹ yị Ẹnẹyịmavara kà ọ vagu Anisirẹrị nị. Dị ọ ka asị ọ vu wa ẹtẹ ka ẹnịnị ẹ yị nyọya.

Imatiwu 24:22

Ẹ̀ yị vị Ohomorihi nyị hụụnị ẹkụhị ẹnẹẹ, ẹ yị hyakụ nyị ọza ikonya ana aa há. Ama agụvị aza oni Ohomorihi sị nyị, ộ nyị hụụnị ẹkụhị ẹnẹẹ.

Odeyi 8:24

Di Ịsayịmọnị kà a yị Ipita ọnịrị Ịjọọnụ dị ọ ka, “Aarịhịnị, mẹ̀ aduwa hi Ananyị yị yị mị, agụvị asị a nyị ene tù mi ịnị avaba ịsị ụ kà aanị!”

Iwe Ọhụhị Imosiisi ana aa hị́ Ọyịvatụrọda 28:62

Ọ̀ọ daka vị ka wâ vịdị rụrụ nịnị anka ụzọmị nịnị, aza chee ọ̀ vanaa vẹtẹ ịnị awụ nịnị nị, agụvị ka wẹ yị wụ́ chire Ẹnẹyịmavara Ohomorihi awụ nịnị.

Iwe Ọhụhị Imosiisi ana aa hị́ Ọyịvatụrọda 28:63

Ó mè hine Ẹnẹyịmavara dị ọ mẹ ka ò ze wụ nịnị, dị ụ wa rụrụ nịnị, avọọ gẹdẹ-gẹdẹ o mè re vee hine e ọyị vu wu nịnị ẹtẹ, dị ọ wụ̀ wụ nịnị va ha nị. Vị e vee hu wu nịnị hụrẹ ẹtẹ ọnị ụ waa naa ra ịnị anị nịnị aanị anka a meē hu ọchị ọnịrị ẹpaa hụrẹ ẹtẹ avọọ nị.

Iwe Ọhụhị Imosiisi ana aa hị́ Ọyịvatụrọda 4:27

Ẹnẹyịmavara vị ana vaa gara wa hi ịrẹsụ ẹhẹ, dị ahịka aza chee ẹnịnị kẹnẹ ọ ha nị.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

1 Ịsamụwẹrị 12:19

Dị avaba ẹnịnị kà yị Ịsamụwẹrị ka aarịhịnị ọ̀ dá ịpẹ yị Ẹnẹyịmavara ana vị Ohomorihi anị agụvị asị ẹnị sú. Ệ kà ẹnị ẹ sị yẹ ka ohinọyị ọnị ẹnị ka ẹnị ee sì avọọ vị ọnị ẹnị sị dà ẹnya tụ́ ịnị ịvị ọnị ẹnị vịdị mẹ.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

1 Ịsamụwẹrị 7:8

Dị ẹ ka, “Ịsamụwẹrị, aarịhịnị wee nowuu hị́ Ẹnẹyịmavara ana vị Ohomorihi ayị, asị ụ jẹẹ. Wee nowu hị́ ọ ịsavọọ ọ̀ dọ yị tụ́ hụụnị ụvọ Anihwirisiti nịnị.”