Ijeremaya 42:1 - IWE ỌNỊNỊ

¹ Ijeremaya ka avaba ẹnị ọdọvịdị isoja, beri Ijohananị ozi Ikareya ọnịrị Azariya ozi Ihosaya, ệ kụ aza irenyi-irenyi ve tu ọnị,

Ijeremaya 42:1 Iomraidhean Croise

2 Ohinọyị 25:23

Ịjị ọdọvịdị Anịjuda ọnịrị isoja ẹnẹ ẹ yị va ẹnya ịrẹkụ hi ẹtẹ wụ́ ka ohinọyị Ịbabịrọnị ọ raà sị Igidarịya mẹ̀ Ịgọvọnọ, dị ẹnịnị va ụvọ beri ọ Imizipa nị. Ọdọvịdị ẹnẹẹ ẹ vị Isimẹrị ozi Inetanaya, Ijohananị ozi Ikareya, Iseraya ozi Itanihumẹtị hụrẹ ẹkụra Inetohwa, ọnịrị Ijaazanaya ozi Imaaka.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ayịsaya 48:1

Batọ ịrẹyị ọnọnị, ẹwụnị Anisirẹrị ana vị evere Ijuda ana sị ịrẹha Ẹnẹyịmavara hị́ eku. Ẹ ka ẹnị aa hẹkẹ Ohomorihi Anisirẹrị ama ireche osusu.

Ijeremaya 37:3

Ijeremaya ka, ohinọyị Ịzẹdẹkaya ộ tụ ọnọrụ ọnya aanị ana aā hị́ Ijehukari, ozi Iseremaya beri Ịzẹhwanaya ozi Imaseya ve tu ọnị. Ịzẹhwanịya ọnị vị ohirẹsụ irehi Ohomorihi. Ọ kà, aarịhịnị, ọnị ò pe ẹnị mẹ̀ aduwa hi Ẹnẹyịmavara, Ohomorihi ẹnịnị de.

Ijeremaya 40:13

Ịrẹma ọsọnị, Ijohananị ọnịrị ẹnị ọdọvịdị isoja nịnị ẹnẹ ẹ yị hụrẹ ẹngụ ẹnịnị ụvọ yị Anibabironi ee ve tu Igidarịya Imizipa.

Ijeremaya 40:8

 nyị anọrụ ẹnẹẹ ana aā hị́ Isimẹrị ozi Inetaniya, Ijohananị ozi Ikareya, Iseraya ozi Itanihumẹtị, ẹnị ezi Ehwayi ana vị Aninetohuwa, ọnịrị Ijezaniya ana vị Animaaka. Dị ẹnịrị aza ẹnịnị ve tu Igidarịya Imizipa nị.

Ijeremaya 41:11

Ijohananị ọnịrị ẹnị ọdọvịdị isoja ene hi ịzọọ pe e ệ wụ̀ ebira odivi ọnị Isimẹrị mẹ̀.

Ijeremaya 41:16

Dị Ijohananị ọnịrị ẹnị ọdọvịdị isoja ọnị ọnịrịị zị kụ avaba aza ọnị Isimẹrị za ọrịhị hụrị Imizipa nị. Isimẹrị ộ vịdị sị Igidarịya wụ. Aza ẹnẹ kụ varẹma hụrị Igibiyọnị yị: Isoja nịnị, anyẹnẹẹ, ezweyi, ẹnịrị ẹnị ọnụkọrọ ịnị ikootu nịnị.

Ijeremaya 41:18

Ẹnịnị ee zwee yị Anibabironi. Angwa ẹnịnị ee hí wa agụvị ka Igidarịya ọnị ohinọyị Ịbabịrọnị sị mẹ Ịgọvọnọ ẹkụra (Ijuda), Isimẹrị ọ sị ọ wụ.

Ijeremaya 42:20

eyi ọnị wee nyee nịnị aanị, ẹhẹ awụ nịnị u ve sii sí ụta anị o, ọnị ka, ẹwụ nịnị ọ tụ ọnị ka ọnị ọ̀ na mẹ̀ aduwa hi Ẹnẹyịmavara, Ohomorihi ayị nị, dị ụ kà a nịnị ka ụ vaa mẹ avaba ịsị ọọ ka nị.

Ijeremaya 42:8

Dị ọnị Ijohananị, ọnịrị avaba ọdọvịdị isoja anaa saasa a beri avaba aza ana vọ nị.

Ijeremaya 43:2

Dị ọnọrụ ọnya ana aā hị́ Azarịya ozi Ihosaya, ọnị Ijohananị ozi Ikareya ọnịrị ẹnị enee wù zị, nee tụ́ ohi ka, ireche oni ee che nị. Ẹ ka, Ẹnẹyịmavara, Ohomorihi ẹnịnị, ẹ́ yị tụ ọnị ka, ọnị ọ̀ kà a ka asị ẹnị na ra Ijipiti.

Ijeremaya 44:12

Avaba Anijuda ana vọ, dị ẹ ka vị ẹnị aa naa ra Ijipiti nị, ọnị vaa mẹ ka è vú avaba ẹnịnị ẹtẹ. Avaba ẹnịnị vị ene vee su vaa hi Ijipiti, ẹ̀ẹ vị ọzọkụ, ẹ̀ẹ vị ozweyi. Enee su ịnị ịrẹkụ, dị ụngwẹ wụ̀ wa. Angwa vị ene vee hi aza enee re wa. Vị a vanaa si eyii wụ̀ wa, dị aza aa sị ịrẹha ẹnịnịị chi hi aza nị.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ezikẹẹrị 11:1

Ezikẹẹrị ka ụhwẹ Ohomorihi ộ sị ọnị tụ ẹba, dị ọ sị ọnị na tụ oze ọbanyị ana a zịị̄ ngụ ịnị Irehi Ohomorihi nị. Oze ọnọọ vị ana và eyi ka ịzị ọyịị̄ hụrẹẹ vẹ. Ọ̀ sị gụrị oze ọbanyị ọnọọ ịzọọ, ọnị ô re aza ẹnị ohurẹẹhị. Ọnọrụ ana aā hị́ Ijaazaniya ozi Azuri ọnịrị Iperatiya ozi Ịbẹnaya yà ịnị aza ẹnẹẹ. Ẹnị ẹyịva ẹnẹnị vị ọdọvịdị ẹkụra Ijerusarẹmị.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ezikẹẹrị 8:11

Ezikẹẹrị ka, ọnị ô re ọdọvịdị Anisirẹrị nịnị, ẹnị ẹtarẹwụ ka ẹ jẹẹ va eyi ka ịsa ẹnẹnị ịzọọ ọnọrụ anaā hị́ Ijazanịya ozi Isahwani yà ịnị ẹnịnị bẹẹ. Ọzọza ộ sị ịsị a sịị̄ rị eturare ịraa rị ụvọ, dị areyi eturare ọnọọ aa daa vaa hịrẹ nị.

Imatiwu 15:8

‘Irenu kẹnẹ aza ẹnẹnị sị gụrị mị nị, irenu kẹnẹ ẹ sị sị ụbanyị yị mị nị. Ama ẹnịnị ẹ yị dọ ịrẹyị amị tụ́ ịnị ayị ẹnịnị.

Odeyi 8:10

Avaba anẹkụra ọnọọ saka-saka vị ana sị ụtọ pe e. Ẹ ka ọnị ọ vị Ụkata Ohomorihi ọnọọ ana aā hị́ “Ụkata Ọbanyị” nị.