Ijeremaya 41:1 - IWE ỌNỊNỊ

¹ Ịnị ụhwẹ ọhụhịmba ịrayị ọnọọ gẹdẹ-gẹdẹ, Isimẹrị, ozi Inetaniya ọnịrị anọrụ ẹẹwụ, ê ve tu Igidarịya ozi Ahikami Imizipa. Isimẹrị ọnọnị vị aazị Erisama. Aza ohinọyị ọ vị nị, dị ọ vịdị ọza ịnya ịnị ọdọvịdị ohinọyị nị. Avaba ẹnịnị maa rị ịsa,

Ijeremaya 41:1 Iomraidhean Croise

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

2 Ohinọyị 11:1

 nyị ọnẹẹ ọnya ana aā hị́ Atarịya. Ọnị ọ vị ọnyị Ahaziya nị. Ịjị o re ka a sị ozi anị wụ, dị o tenyi ẹngụ ka ọnị aà wụ̀ avaba aza ohinọyị ana vọ nị.

2 Ohinọyị 25:22

Ohinọyị Inebukadineza Ịbabịrọnị ộ mẹ̀ Igidarịya Ịgọvọnọ Ijuda. Igidarịya vị ozi Ahikami, ozi Isahwani nị. Ọnị ọ nyị ka o si eyi pe avaba aza ana vọ tụ́ ẹkụra ọnị ẹ yị nọ Ịbabịrọnị nị.

2 Ohinọyị 25:25

Ama ịnị ụhwẹ ọhụhị ịrayị ọnọọ, Isimẹrị ozi Inetaniya, ozi Erisama, ana vị ọnya ịnị ovwoovu ohinọyị nọ Imizipa beri anọrụ ẹẹwụ ne tu Igidarịya dị ẹ wụ̀ ọ nị. Dị ọ wụ̀ Anisirẹrị ọnịrị Anibabironi nịnị ana ya pe ịzọọ.

2 Ịtọpa 22:10

Ịjị Atarịya ọnyị Ahaziya re ka ozi anị ô wusu, dị ọ wụ̀ avaba ezi ohinọyị Ijuda ha nị.

Ahẹ Ụgama 109:5

Màa mẹ wa ọyịza, dị ẹ sị ịsa odivi si mị atọ. Mê sì ịrẹyị ẹnịnị, ama dị ẹnị aa nyị ịhyẹrẹ amị nị.

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Ụhịrẹyị 27:4

Ọza anaā kụ ayị óo divi, ama ọza anaā kụ́ ụhị o divi hu nị.

Ijeremaya 36:12

Dị ọ́ nọ ịnị eehi ohinọyị nị. Ô tu ịzọọ dị ọ́ nọ ịnị akụ ọza anaā chẹrẹ ịsa nị. Avaba ẹnị ọdọvịdị yà ozukọrọ ịzọọ ụmẹ ọnọọ. Aza ẹnẹnị e hi ịzọọ ụmẹ avọọ nị: Erisama anaā chẹrẹ ịsa ịnị ikootu, Ịdẹraya ana vị ozi Isemaya, Ẹrinata ozi Achibọ, Igẹmarịya ozi Isahwani, Ịzẹdẹkaya ozi Ịhananịya, ọnịrị avaba ẹnị ọdọvịdị ana vọ.

Ijeremaya 36:20

Ọdọvịdị ệ sị iwe ọgọdọ ọnọnị tụ́ ịnị aku Erisama anaā chẹrẹ ịsaa yị ikootu, dị ẹ ngụ ịnị ohweje ohinọyị, dị ẹ kà avaba ịrẹyị ọnọnị hi ẹtẹ yị ohinọyị nị.

Ijeremaya 39:14

ệ va sị ọnị hụụnị ohweje ịdị ohinọyị. Ẹnịnị ệ sị ọnị chire Igidarịya ụvọ ka ò si eyi pe ọnị. Ẹ ka, Igidarịya ò re ka ọnị ọọ ngụ eehi ịnị ẹngwọọrọ. Ịzẹyịza, dị ọnịrị aza ana vọ yà ịzọọ nị.

Ijeremaya 40:13

Ịrẹma ọsọnị, Ijohananị ọnịrị ẹnị ọdọvịdị isoja nịnị ẹnẹ ẹ yị hụrẹ ẹngụ ẹnịnị ụvọ yị Anibabironi ee ve tu Igidarịya Imizipa.

Ijeremaya 40:5

Ijeremaya ka ọnị ee yi ve hu ahụ, dị Inebuzaradani ka, ọnị ọọ ka Igidarịya, ozi Ahikami na. Igidarịya ọnọnị vị aazị Isahwani. Ọnị Inebukadineza ohinọyị Ịbabịrọnị sị mẹ Ịgọvọnọ avaba ẹtẹ Ijuda nị. Ọ kà ọnịrị aza ana vọ ọ̀ na rá pe e. Ẹyịvavọọ, ịzị ee zé ọnị eyi kẹnẹ ọnị ọọ na. Dị Inebuzaradani mẹ̀ ọnị ẹyịza, dị ọ́ sị ịsọyịrị vakaa yị ọnị nị. Dị ọ́ hụrẹ ọnị ụvọ ka ọnị ọọ na nị.

Ijeremaya 40:6

Ijeremaya ka dị ọnị na ra pe Igidarịya ẹtẹ Imizipa nị. Ọnịrị aza ana vọ ana a navọ hị́ ịnị ẹkụra ẹ ra hi ịzọọ nị.

Ijeremaya 40:7

 nyị ẹnị ohirẹsụ isoja Anijudiya nịnị beri isoja ẹnịnị ẹnẹ ẹ yị hụrẹ ẹngụ ẹnịnị ụvọ yị Anibabironi. Ẹnịnị ệ wụ́ ka ohinọyị Ịbabịrọnị ọ raà sị Igidarịya mẹ Ịgọvọnọ ẹkụra ẹnịnị. Ệ wụ́ ka ọnị ọ kụkụ sị eyi pe avaba aza ana vọ ọnị ọza ẹ̀ yị kụ nọ Ịbabịrọnị nị. Oniruwa ene hu kere-kere á navọ hi ẹtẹ nị.

Ijeremaya 40:8

 nyị anọrụ ẹnẹẹ ana aā hị́ Isimẹrị ozi Inetaniya, Ijohananị ozi Ikareya, Iseraya ozi Itanihumẹtị, ẹnị ezi Ehwayi ana vị Aninetohuwa, ọnịrị Ijezaniya ana vị Animaaka. Dị ẹnịrị aza ẹnịnị ve tu Igidarịya Imizipa nị.

Ezikẹẹrị 17:13

Ộ sị ọza ịnyara hụụnị ẹngụ aza ohinọyị Ijerusarẹmị, dị ọnịrị ọ ka ịrẹyị ẹnẹ ẹ dọ beri ẹngụ tụ nị. Dị ohinọyị Ịbabịrọnị ka ọ̀ hị́ eku ka ọnị vaa saasa ịrẹyị anị pooro nị. Ohinọyị Ịbabịrọnị ộ za aza ọkọọka hụrị Ijerusarẹmị,

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’