Ijeremaya 4:9 - IWE ỌNỊNỊ

⁹ Ẹnẹyịmavara kà ịhị ọnọọ, ohinọyị nịnị ẹnịrị ẹnị ọdọvịdị vị ana ayị vaa hụrẹ ịnẹ. O vee hi ẹnị ohirẹsụ irehi Ohomorihi ẹnịrị ọnịsẹ nịnị eyi.

Ijeremaya 4:9 Iomraidhean Croise

2 Ohinọyị 25:4

Dị a chaka ọvọ ana kara ẹkụra, dị isoja nịnị tụ́ jịnẹ hụụnị ịnị ẹkụra ịrahụ. Ẹnịnị vị ana zị oze ịnị ụbazị ohinọyị zị oze ọbanyị ana ya ịnị akakana ọvọ ẹẹva, zwe zi oze eyi Ijodani. Ụmẹ ọnọnị isoja Anibabironi nịnị vị ana yịị kara Ijerusarẹmị.

Ahẹ Ụgama 102:4

Ê tụ́ mi pooro, mị kụkụ tịtẹ anka avị ana sị wụ avọọ, mẹ yị hyakụ kụkụ zụ rị ịsa.

Ayịsaya 19:16

Ụmẹ ọnya aa vẹ. Ịhị ọnọọ Anijipiti vee re ka Ẹnẹyịmavara Ochẹtẹẹngụ ọ sị kwẹẹtẹ ka ọnị ọ̀ sị ụya rị ẹnị Ẹnịnị vee hí angwa anka ọnyẹnẹẹ avọọ.

Ayịsaya 19:3

Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ayịsaya 28:19

Avọọ ịrẹyị odivi mè vee tù wu ẹnẹnẹ-ẹnẹnẹ ọnịrị oruva-oruva nị. Ịrẹyị ọnọọ vị ana vaa rị wụ. Wàa yẹ iruvo ụtụ oni Ohomorihi tụ́ hi wu, ẹgahị vị ana vaa ngụ wụ ẹngụ.

Ijeremaya 2:26

Ẹnẹyịmavara kà ụhị mee nyị oyi àa sị ọ za avọọ, avọọ ụhị mẹ vaa nyị avaba Anisirẹrị nịnị ẹnịrị ohinọyị ẹnịnị, ọdọvịdị ẹnịnị, ẹnị ohirẹsụ irehi Ohomorihi beri ẹnị ọnịsẹ ẹnịnị nị.

Ijeremaya 25:34

Ẹnẹyịmavara kà, ẹwụ nịnị ọdọvịdị enee sere aza anị anka oseratẹmẹ avọọ ọọ jị òrèrè boro-boro. Waa zị ẹngụ nịnị dị wa kụ ẹngụ awụ nịnị muna ezi. Ụmẹ ana a va sii wụ̀ wụ nịnị o si tù. Vị a vaa wụ̀ wụ nịnị anka ịdẹba avọọ nị.

Ijeremaya 37:19

Ọnị ộ họ̀ ọ use ka, ịzị ọnịsẹ anị nịnị ana kà a yọ ka ohinọyị Ịbabịrọnị ẹ yị ma vana kụ́ ịrẹkụ ve tu ọnịrị ẹkụra anị hi kẹ?

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 52:7

Ẹnịnị ệ zị oze eyi ọnya dị ẹ chaka ọvọ ana a kara Ijerusarẹmị, dị avaba isoja ẹnịnị zị avọọ zwe tụ ẹhẹ ịrahụ nị. Isoja Anibabironi nịnị vị ana yị họ̀ kara Ijerusarẹmị ụmẹ ọnọọ. Isoja Anijerusarẹmị ệ zi oze ịnị ụbazị ohinọyị, dị ẹ zị oze ịnị oze ọbanyị ana yà ịnị akakana ọvọ ẹẹva jịnẹ tụ ẹhẹ nị. Ẹnịnị ee zwè, dị ẹ sị ịrẹsụ ka oze inozi Ijodani aa na nị.

Odeyi 13:41

“Re nịnị, ẹwụ nịnị onisiya, Ò hí wu nịnị irenu, di u we vu ẹtẹ nịnị! Ịsa ọnị mị vaa mẹ ịnị ụmẹ awụ nịnị, wẹ yị vaa dọ ọ wụ́ nịnị, àa daka kà a zụ̀ wụ nịnị.”