Ijeremaya 4:4 - IWE ỌNỊNỊ

⁴ Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ijeremaya 4:4 Iomraidhean Croise

2 Ịtọpa 34:25

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

Ayịsaya 10:17

Ohomorihi Anisirẹrị ana vị ọnịnị vaa vara ịra dị aa za giri-giri. Ịnị ẹkụhị ọnya ọ vaa za avaba avị ẹhịmị dị ọ rị wa ịra va ha nị.

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ayịsaya 51:17

Kwẹẹtẹ Ijerusarẹmị, ha kwẹẹtẹ, Ẹnẹyịmavara ọ raà ka wụ nịnị enyi ụya ịnị ọyịkụ anị. We reè hu ọ ẹnẹmẹhị ana mẹ ka ọọ mẹrị wụ, dị waa vanga nị.

Ijeremaya 15:14

Ẹnẹyịmavara kà ọnị vaa mẹ ka aza anị ẹ̀ naa hẹkẹ ọnịvị ẹnịnị ẹkụra ẹnẹ ẹnịnị ẹ̀ yị yẹ, agụvị ka ọyịkụ anị vana sị mẹ̀ ẹ anka ịra avọọ vị ọ́ vaa za pooro nị.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 21:5

Ẹnẹyịmavara kà ọnị vaa sị ọyịkụ-ọyịkụ sị avaba ụkata anị pe Ịzẹdẹkayaa zyaazị.

Ijeremaya 23:19

Re, Ẹnẹyịmavara àa kụ ayị, vị ọ sị mẹ anka opomi avọọ nị. Ọ vaa tụ́ ne ku aza edivi ịrẹsụ anka okoruwa avọọ nị.

Ijeremaya 36:7

Ijeremaya ka, ẹyịyara, ẹnịnị vaa dá ịpẹẹ ị Ẹnẹyịmavara, dị ẹnịnị và hụụnị ẹhẹ odivi ẹnịnị. Ọ kà, Ẹnẹyịmavara ọ raa sị ọyịkụ-ọyịkụ ee wo oto hi aza ẹnẹnị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ijeremaya 9:25

Ẹnẹyịmavara kà, ụmẹ aa vẹ ọnị ọnị vaa sị ụyaa rị aza ana a jị ụvẹvẹnẹ ama dị ẹnịnị ẹ yị mẹ̀ ebira aza ana jị ụvẹvẹnẹ.

Ijeremaya 9:26

Anijipiti nịnị, Anijuda nịnị, Anedomi nịnị, Anaamọnị nịnị, Animowabi nịnị ẹnịrị avaba aza ana ra hi ịnị ụnọmị rọnyị-rọnyị. Ka avaba aza ẹnẹnị ẹ yị jị ụvẹvẹnẹ, dị avaba Anisirẹrị nịnị ẹnị ẹ̀ yị rẹ mẹ̀ ebira aza ana a jị ụvẹvẹnẹ nị.

Arụwẹ 4:11

Ịjị ọyịkụ Ẹnẹyịmavara hịrẹ ụna tu wa, dị ọ rị ẹkụra Ịzayọnị ịra na ka ẹtẹ nị.

Ezikẹẹrị 16:38

Ọnị vaa sị ụyaa rị wụ agụvị ka waa sẹ̀ ịrẹka, ọnịrị agụvị ka waa wụ̀ ọza. Ọnị vaa sị ọyịkụ-ọyịkụụ sị ụyaa rị wụ, dị ọnị wụ.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ezikẹẹrị 20:33

Ẹnẹyịmavara kà àa vị ọnị ọ yị vị Ohomorihi ana yara nị, ọnị vaa rị ohinọyị tụra awụ ịnị ịrẹsụ, ọnị vaa mẹ ọyịkụ hi wu nịnị; ọnị vaa tana ụvọọ za awụ nịnị, dị ọnị sị ụkata anị zụ wụ nịnị.

Ezikẹẹrị 21:17

Ọnị Ẹnẹyịmavara kà, ọnị rẹ vaa kụ̀rà ụvọ anị, dị ọnị ọ̀ mẹ ọyịkụ anị ta.

Ezikẹẹrị 24:13

Ẹwụ nịnị Anijerusarẹmị, ebira ịrẹkọyịsẹ awụ nịnị ọ raa mẹ ka asị ụ kụkụ nị nịnị. Ọnị ộ sị vụrị ka ọnị ọ̀ dụ wụ hụụnị anị nịnị, ama vị waa yịị mẹẹ nịnị nị. Wẹ́ yị vaa hụụnị ịrẹkọyịsẹ nịnị ẹ̀ yị vị ọ̀ọ raa sị ọyịkụ anị zụ̀ wụ nịnị ẹtẹẹtẹrẹ.

Ezikẹẹrị 24:8

Ẹnẹyịmavara kà ọnị ộ navọ ọnọọ tụ ịzọọ ka asị ọ tẹ̀. Anya ọnọọ yà ịzọọ aa kà a ka ọnị sị ọyịkụ-ọyịkụ họ̀ oponu ịrẹyị ẹnịnị.

Ezikẹẹrị 44:7

Ọ kà ẹnịnị ẹ́ yị sị ụbanyị irehi anị. Ẹnịnị maa sị ịsọyịrị, ụhị, ọnịrị vaa mẹ̀ ịsọvọ hi ọnị, ệ navọ ka anẹkụra ọsa ẹnẹ ẹ̀ yị và ebira odivi ẹnịnị ha, dị ẹ̀ yị ma saasa ịrẹyị anị è hi ịnị irehi anị. Ọ kà ẹnịnị ẹ raa sị ahụ jịnẹ ịrẹyị ọnị ọnịrị wa ka beri avaba enyisi ẹnẹ ẹ́ vịdị aa mẹ.

Ezikẹẹrị 6:12

Aza ene hi aha onoze vị ọnị ụkụ vaa wụ̀. Aza ana gụrị ẹtẹ vị ana a vaa kụ́ ịrẹkụ vaa wụ̀, dị ụngwẹ wụ̀ aza ana vẹtẹ.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ireevi 26:28

Ọnị rẹ vaa mẹ̀ ịsa ọnị ẹnịnị è yi sii hi wa, dị ọnị ụvọta sị ụya ịvị ẹnịnị rị wa hu avọ oze ịhịmba.

Ireevi 26:41

ana mẹ ka ọnị ọ̀ rẹ mẹ ịsị ẹnẹ ẹnịnị è yi sì hi wa, dị ọnị kụ wa ve hi ịnị ẹtẹ ọnịvị ẹnịnị nị. Ọ kà, ẹnịnị ẹ̀ẹ sị ayị ẹnịnị và ẹngụ ẹnịnị nẹtẹ, dị ẹnịnị dọ ka ẹnị ẹ̀ rị ụya ịvị ẹnịnị nị.

Emọsị 5:6

Ẹnẹyịmavara kà Isirẹrị ẹ varẹma ka ọnị vẹ. Agụvị avọọ ọnị vee hị́ wa hụrẹ ẹtẹ anka ịra mẹ rị ịsa avọọ nị. Ịbẹtẹrị ẹ yị vee re ọza ana vọrọ ka ọ dọ ọ tụ

Ịzẹhwanaya 2:2

Ẹ yị jẹẹ dị eyi ọ nị hi wa ụvọ, dị Ẹnẹyịmavara ọ va eyi ịrazị ka wa. Ọ́ vaa dụ wa tụ ẹhẹ anka ahị mẹ kụ azịzẹ avọọ.

Aniroomi 2:25

Wàa sị eyi pe ọda Ohomorihi, ụvẹvẹnẹ ọnị ụ jị nịnị ọ́ọ nyị ọgụ. Ama wẹ̀ yị sị eyi pe ọda Ohomorihi, vụ ụ kụkụ sị mẹẹ anka ọza ẹnẹ ẹ̀ yị jị ụvẹvẹnẹ avọọ nị.

Iwe Ọhụhị Imosiisi ana aa hị́ Ọyịvatụrọda 10:16

Agụvị avọọ, wụ̀ chire Ẹnẹyịmavara, dị asị ụ mẹ̀ ayị ọkatẹngụ hụrị ụmẹ tụ ọvịdị na.

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 32:22

Ọ kà, ọyịkụ anị vaa sị mẹẹ anka ịra ana za giri-giri avọọ nị. Avaba ịsa ene hi ịrẹsụ ẹtẹ vi ana rị ịra na ngụ ini eku. Avọọ avaba iruvo ataba mẹ vaa rị ịra bemi-bemi nị.

Anikorasi 2:11

Ẹwụrị Ikirisiti ọ̀ọ sị vị ọnya nịnị, Ohomorihi ọ raà jị wụ nịnị ụvẹvẹnẹ; ọsọnị ọyị vị ẹngụ ụvẹvẹnẹ ana aā sị ụvọọ jị. Ikirisiti ọ̀ọ jị ọza ụvẹvẹnẹ, ọnị ọ vị ka ọ raà sị ebira anị ịyẹẹyẹ anaā mẹ ịvị kwooze.