Ijeremaya 4:23 - IWE ỌNỊNỊ

²³ Ijeremaya ka ọnị ô ré ẹtẹ, ẹtẹ vana tịtẹ juguu kẹnẹ, dị ọ rẹ vị osusu nị. Ọnị ô ré ẹbẹẹba, ẹ yị kụkụ nyị ẹtohweyi.

Ijeremaya 4:23 Iomraidhean Croise

Oyinyima 1:2

Ẹtẹ vị ana vịdị tịtẹ juguu kẹnẹ, di o vi osusu nị. Enyi ọbanyị vi ene kú avaba ẹtẹ, dị avaba ẹtẹ vị ịrahụ ruma-ruma nị. Dị Ụhwẹ Ohomorihi yà ẹbẹẹba enyi ọnọọ, dị aa mẹ nanana nị.

Ayịsaya 13:10

Avaba ụzọmị ene hi ẹbẹẹba ẹ yị kụkụ vaa zẹtẹ. Ọ yị ana hụrẹ vi ene vee hozi, dị ụhwẹ ọ yị zẹtẹ.

Ayịsaya 5:30

Ịhị ẹkụhị ọnọọ òo si tù, avọọ e mè vee nowu ịnị avaba Isirẹrị anka òkū ana sụrẹyị avọọ nị. Ọza ọ̀ọ kana eyi ịnị ẹtẹ ọnọọ, ịsị o vee re kẹnẹ ọ vị etohozi ọnịrị ẹngụkata nị. Eguhi vị ana vaa mẹ ka avaba ẹtẹ ò hozi.

Ijeremaya 2:12

Ẹnẹyịmavara kà, agụvị avọọ ọnị ka ịrẹyị ọnọnị ọ̀ za avaba ịsị e hị́ ẹbẹẹba zizi nị. Ịrẹyị ọnọnị òo hi wa eyi, dị o re hi wa irenu,

Ijeremaya 9:10

Ẹnẹyịmavara kà ọnị vaa hụvị ataba nịnị ọnịrị ịzị ịsụpa nịnị naa rịị jị òrèrè, agụvị ka ẹ sị wụ. Ọza ẹ yị kụkụ zị avọọ para hu. Ọza ẹ yị kụkụ wụ̀ ịsụpa nịnị owu; inomi nịnị ẹnịrị uye ịnị avị ẹ kụ zwe si hu.

Arụwẹ 3:2

Ộ dụ ọnị na ngụ ịrahụ ruma-ruma ka asị ọnị re ẹtẹ.

Ijowẹrị 2:10

Dị ẹtẹ ọnịrị ẹbẹẹba ee ziizi; dị ọyị ọnịrị ụhwẹ ẹ yị re oze sị ẹtẹ hweyi, dị ụzọmị nịnị ẹ yị kụkụ zẹtẹ nị.

Emọsị 8:9

Ịnị ụmẹ ọnọọ, dị Ẹnẹyịmavara Ohomorihi mẹ ka ọyị ọ ngụ ẹtẹ, dị ẹtẹ hozi ịnị ọọdụ ọnọọ.

Ịzakaraya 14:6

Ẹkụhị ịhị ọnọọ ẹ yị vaa nyị ọyị, ahị ẹ yị vaa za, ẹ yị nyị etohozi.

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.