Ijeremaya 4:21 - IWE ỌNỊNỊ

²¹ Ọ kà, ịzị ọnị vaa maanị sị eyi re ịrẹkụ ọnọnị nee tu? Ịzị ọnị vaa maanị wụ ịkakanchị ịrẹkụ ịrẹyị naa za?

Ijeremaya 4:21 Iomraidhean Croise

2 Ịtọpa 35:25

Ijeremaya ana vị ọnịsẹ ộ chẹrẹ ahẹ ọnị ọ sị zị ẹngụ anị. Ahẹ ọnọọ aza vị ana aa jị zị ẹngụ usu anị hụrị ụmẹ ọnọọ. Â chẹrẹ ahẹ ọnọnị tụ́ iwe ahẹ orere.

2 Ịtọpa 36:10

Ịnị ụmẹ ị̀rẹ̀sụ̀ Inebukadineza va sị sị Ijehoyakini na tụ́ ẹngwa Ịbabịrọnị, dị ọ kụ̀ ẹnya irehi Ohomorihi saasa a na nị. Dị Inebukadineza sị Ịzẹdẹkaya ọnyara anị rị ohinọyị tụ́ udi anị nị.

2 Ịtọpa 36:17

Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ.

2 Ịtọpa 36:3

Ịnị ụmẹ ọnọọ, ọnọrụ ọnya aanị ana a hị́ Ineko sị vị ohinọyị ẹtẹ Ijipiti nị, ọnị ọ va za Ijowahazi dị ộ jị ọ ẹngwa, dị ộ mẹ̀ ka Anijuda nịnị e si isiriva ikirogirami ohurẹẹwụ tụra ẹẹna va jị ọ nị.

Ijeremaya 4:19

Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 4:20

Ịrẹyị odivi ẹnyị aa mẹ vaa tụra ọsa. Asị avaba ẹkụra gara ha. Obonobono a va gara avaba ajẹngụ ọnịrị irehi ẹnịị va ha nị.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 42:14

Wàa ka ụ waa naa ra ẹtẹ Ijipiti nịnị, ka ịzọọ u wè yị vee re ịrẹkụ nịnị nị, à vị ka wa wụ ọpanyị ịrẹyị nịnị nị. Wèe roo ka ịzọọ ụngwẹ ẹ̀ yị vaa kụ̀ wụ nịnị dị ụ ka waa na ra ịzọọ nịnị nị,

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.