Ijeremaya 4:2 - IWE ỌNỊNỊ

² Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 4:2 Iomraidhean Croise

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

1 Ohinọyị 3:6

Di Isoromọnị ka, “Wa raà vayị Idevidi ada amị ana vị ozi ahụ awụ ẹtẹẹtẹrẹ anka ọnị ịnyẹmba mẹ̀ mẹ̀ ebira ini eyi awụ. Wâ yẹ ka ộ mẹ̀ ịzẹyịza ọnịrị ịsa ana vọrọ, dị ọ rẹ nyị ayị ana vọrọ ini eyi awụ nị. Avọọ ẹwụ mẹ̀ rẹ nyayịnẹ vayị anị dị u si ozi yọ ka ọ̀ rị ohinọyị tụ́ udi anị ajịnị nị.

Ahẹ Ụgama 72:17

Ohomorihi, navọ kwogwo asị ịrẹha ohinọyị vú pàá. Navọ àa tịị tamayị anị pooro zịna. Navọ ahịka vị anẹhẹ vaa kà a ka ò zee yị ẹnị anka o mè zee yị ohinọyị nị. Dị ẹ̀ rẹẹ mẹ̀ aduwa ka ò zee yị ohinọyị.

Ahẹ Ụgama 99:4

Ohomorihi ohinọyị vị ana nyị ụkata, oō sì ka asị a mẹ apẹ. Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.

Ayịsaya 45:23

Ẹnẹyịmavara kà ọnị ọ raà hị́ eku, ọnọ ẹ yị vara ayị. Avaba idunku o vee ku ẹtẹ yị ọnị nị. Avaba aza ọ vaa hẹkẹ ọnị nị.

Ayịsaya 45:25

Ọnị vaa sị Anisirẹrị nịnị nyị ẹbẹẹba, dị ẹ yaa ga ọnị.

Ayịsaya 65:16

Ọza tụra ọza ene èe sị̀ ka ọnị ọ̀ mẹ̀ aduwa ịnị ẹtẹ ọnọnị, vị ana vaa sị ịrẹha Ẹnẹyịmavara Ohomorihii mẹ̀ ẹ. Ịrẹha Ẹnẹyịmavara Ohomorihi, ọzọza kụkụ vaa sịị hị́ eku ịnị ẹtẹ ọnọnị nị.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ijeremaya 12:15

Ama, ọnị ọọ raa kụ wa kwooze, ọnị varẹma vaa vayị ẹnịnị. Ọnị varẹma vaa kụ anẹkụra ọzọzaa vaa vẹ eehi ẹnịnị, ịnị ẹkụra ẹnịnị.

Ijeremaya 12:16

Ọ kà, ẹnịnị ẹ̀ẹ sị avaba ayị ẹnịnị aa hẹkẹ ọnị anka aza anị maa hẹkẹ ọnị, ọnị vaa sị wa anka aza anị. Ẹnịnị àa sị ịrẹha anịị hị́ eku anka ẹ mẹ vịdị kọ aza anị ka, ẹẹ sị Ịbaarị hị́ eku, o vee zee yị wa.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijeremaya 5:2

Dị ụ daka aa yịị kà a nịnị ka waa hẹkẹ Ẹnẹyịmavara nịnị aanị, ireche u we che nịnị nị.

Ijeremaya 7:5

Wàa vara ebira awụ nịnị dị ụ hụụnị ịsa ọnị waa mẹ nịnị nị, waa mẹ ịzẹyịza hi ẹngụ nịnị;

Ijeremaya 9:24

Ama àa nyị ọza enee wo oto, oo wo oto ka ọnị ọọ yẹ ọnị Ohomorihi, ka vị ọnịị̄ sì ịrẹyị ọza pooro nị. Ịzẹyịza ọnịrị ana vọrọ ọnịị mẹ nị. Ịsa ẹnẹnị oo hine ọnị nị.

Ihoseya 2:19

Ẹnẹyịmavara kà ọnị vaa sị Isirẹrị mẹ̀ ose anị pooro zịna-zịna. Ọnị vaa mẹ̀ ịzẹyịza ka a na, dị ọnị nyayịnẹ sì ịrẹyị anị, dị ọnị vayị anị.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ịzakaraya 8:8

Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

1 Anịkọrịntị 1:31

Agụvị avọọ, anka a mẹ̀ chẹrẹẹ tụ́ ini Iwe Ohomorihi: “Ọza ana àa ka oni ee wo oto, ọ̀ọ sị Ananyị yịị woo oto.”

2 Anịkọrịntị 10:17

Ọza ana àa ka ọnị ee wo oto, ọ̀ọ sị Ananyị yịị wo oto.

Anigaratiya 3:8

O si kù oni Iwe Ohomorihi kà a tịtẹ ka agụvị ka aza ẹnẹ ẹ̀ yị vị Aniju ẹ́ẹ dọ wụ́, Ohomorihi vaa sị jị ịhị yị wa nị. Agụvị avọọ dị Iwe Ohomorihi jintu kà enube ọyịza yị Abụrahamị tịtẹ nị ka, “Agụvị awụ Óhomorihi vaa mẹ ka ò zé yị avaba anẹhẹ nị.”

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Iwe Ọhụhị Imosiisi ana aa hị́ Ọyịvatụrọda 4:30

Ụmẹ ọnị ụya aa rị wa, dị ẹngụkata ẹnẹnị ee tù wa nị, ịjọnọọ ẹ vaa varẹma ka Ẹnẹyịmavara na, dị ẹ wụ̀ chire e.

Iwe Ọhụhị Imosiisi ana aa hị́ Ọyịvatụrọda 6:13

Hi angwa Ẹnẹyịmavara ana vị Ohomorihi awụ, dị wa hẹkẹ ẹ, dị wa sị ịrẹha kẹnẹ hị́ eku.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Iruutu 3:13

Yà ịzẹnị tù ẹnẹnẹ ụhwọọ, dị ma họ̀ ọ use ka ọ́ọ́ dọ ka ọnị ọ̀ kụ wụ ogu. Ọ̀ọ dọ, o zoza, dị ọ kụ wụ ogu. Ama àa vị ọ̀ yị dọ nị, Ẹnẹyịmavara ọ̀ọ yà ịzọọ, mị vaa kụ wụ ogu. Na hụtẹtẹ tù ẹnẹnẹ ụhwọọ.”

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”