Ijeremaya 4:13 - IWE ỌNỊNỊ

¹³ Ijeremaya ka, ré, ọnịvị awụ nịnị aa vẹ anka eguhi avọọ. Ụkẹkẹ ịrẹkụ anị vị ana sị mẹẹ anka okoruwa avọọ, umaata anị ẹẹ rẹ́ huni ukokoro. Ọ kà, ọ mẹ ya! Ẹnị e sị vu o! Ẹnịnị ọọ ta.

Ijeremaya 4:13 Iomraidhean Croise

2 Ịsamụwẹrị 1:23

Ịsọọrụ oo! Ijonatani oo! Ẹ́ mè yi yà ẹhẹ ệ sị̀ ayị yị ẹngụ Dị ẹ daka yi sú, ẹ yị hụrẹ ẹngụ ụvọ. Ệ rẹ huna irepe, ẹnịnị ệ nyị ụkata huna idu

Ayịsaya 13:5

Ezirẹkụ ẹnẹẹ vị ana hụrẹ avaba ẹhẹ vẹ. Ẹnẹyịmavara vaa kụ́ ịrẹkụụ vẹ dị ọ sị va wụ̀ avaba anẹkụra ẹnẹẹ.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ayịsaya 5:28

Ọpa ẹnịnị ệ rẹ, ọzọza vị ana tụra ọkịta anị. Ẹtụpa umaata ẹnịnị ộ katẹngụ hu ịrẹta. Ụkẹkẹ ịrẹkụ ẹnịnị oni umaata tụra ọnị ộ rẹ anka ahị.

Ayịsaya 66:15

Ẹnẹyịmavara vaa sị ịra hụrẹ ẹbẹẹba chi vẹ anka opomi avọọ. Ọ vaa sị ọyịkụ-ọyịkụ si atọ ayodu anị, dị ọ sị ịra rị aza ana aa kụ́ ayị hi.

Ijeremaya 10:19

Dị Anijerusarẹmị nịnị na owu zẹtẹ ka: ụnava ẹnịnị ọnọnị oo divi o! Ụnava ọnọnị ẹ yị zụ vị ọ. Vị ẹnị vịdị ro ka ịsị ẹnị zụ sị ẹngụ dọ yọ nị.

Ijeremaya 4:12

Ahị ọnọọ vaa nyị ụkata ẹtẹẹtẹrẹ. Ẹnẹyịmavara ọ vaa tụ ọ nị. Ẹnẹyịmavara ụvọta aa mẹ̀ ọkarẹyị yị aza anị nị.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ijeremaya 46:18

Ẹnẹyịmavara Ochẹtẹẹngụ ka, ọnị ọ vị ohinọyị nị. Ọ kà ọza ana kụ ịrẹkụ ee vee tu wu nịnị vị ana vaa nyị ụkataa hu wu nịnị anka ataba Ịtaabọ mẹ nẹba huni ataba ana vọ. É vee huna wụ nịnị anka ataba Ịkamẹrị mẹ dà jịnẹ oku avọọ nị.

Ijeremaya 48:40

Ẹnẹyịmavara ộ kà a ka ẹkụra ọnya vaa kụ́ ịrẹkụ vee tu Imowabi obonobono anka ukokoro me vee che ịsa avọọ. O vee hi wa eyi.

Ijeremaya 49:22

Ọnịvị Anibozira vaa kwẹẹtẹ tu ọ anka ukokoro mẹẹ gana avaka chii vẹ vee che ịsa obonobono avọọ. Ịhị ọnọọ angwa vee hí isoja Anedomi nịnị anka ọnyẹnẹẹ anaa barẹẹ avọọ.

Ijeremaya 6:23

Ẹnịnị ẹ raa kụ ọpa ọnịrị ọha; aza edivi ẹ vị nị, ẹnịnị ẹ ma vayị ọza. Ẹẹ tụra umaata aa vẹ dị ụ aa wụ́ ịrẹyị anka enyi ịnị oku anaa da vụụvụ avọọ. Ẹnịnị ẹ sị ẹngụ tenyi ọ yị ve pe Ijerusarẹmị kụ̀ ịrẹkụ.

Ijeremaya 9:19

Ẹ ka waa wụ a maa jị òrèrè. Ẹnị e si vu o! Asị ụhị mẹ nyị ẹnị saka-saka. O si tu ka ẹnị ẹ̀ hụrẹ ẹkụra ẹnịnị, agụvị ka a sị irehi ẹnịnị wú va hi ẹtẹ.

Arụwẹ 4:19

Ẹnịnị ẹ rẹ huni ọkasịmẹ, ẹ maa dụ ẹnị chi ataba. Ệ dụ yị na ngụ ịnị ataba. Ịnị ụnọmị ọnị yị ka ya na tẹ̀ vị ọnị aza anaa dụ aanị na tẹ̀ hí ee zi yị.

Ezikẹẹrị 26:10

Edudu ọnị umaata ẹnịnị vee chire ẹ́ yị vaa zẹẹ ka è re wu nịnị. Ọvọ awụ nịnị vee henyi ịjị umaata, ọnịrị umoto ịrẹkụ ẹnịnị beri ụkẹkẹ ịrẹkụ ẹnịnị aa ngụ ịnị ẹkụra awụ nịnị dị ẹyaa sụ́ ịrẹyị nị.

Ezikẹẹrị 38:9

Ọnị rị isoja anị nịnị beri avaba anẹkụra ọsa ana va vaka wa vaa kụ́ ịrẹkụụ tu Isirẹrị anka opomi mẹẹ tụ́ avọọ, dị ẹ chaka ku ẹtẹ anka eguhi avọọ.

Ịdanịyẹrị 11:40

Ịjị ụmẹ ohinọyị Isiriya àa vaa gụ, ohinọyị Ijipiti vaa kụ ịrẹkụ ne tu ọ, ohinọyị Isiriya ọnọnị vaa sị avaba ụkata nọ ọ́ ịrẹvụ, dị ọ kụ ịkẹkẹ ịrẹkụ anị, umaata anị nịnị ọnịrị ẹpa ọrụrụ-ọrụrụ. Ọ́ vaa ha na ngụ ẹkụra ọrụrụ-ọrụrụ anka ọhaara mẹ̀ ẹ ngụ ẹkụra avọọ nị.

Ịdanịyẹrị 7:4

Uye ịpaapa vị ana sị mẹẹ anka idu avọọ. Ama dị ọ nyị avaka ọkasịmẹ nị. Ịdanịyẹrị ka ọnị mẹ vavọọ e re e, dị a vana na avaka anị kwooze nị. Dị a sị uye ọnọnị vọrọ jẹẹ anka ọza avọọ nị. Dị a rẹ mẹ ka ọ̀ nyị ayị ọza nị.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Imika 2:4

Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.”

Ịnahụmị 1:3

Ẹnẹyịmavara ọ yị mā hụra kụ́ ayị ama ọ nyị ụkata ẹnẹmẹhị. Ọ yị vaa navọ ka ọza ọ mẹ̀ ebira odivi, ọ mẹ̀ ẹ sị rị. Òo hu ahụ kẹnẹ dị okorowa ọnịrị opomi ana aa tụ́. Eguhi ọ vị edudu ahẹtẹ anị nị.

Ihabaku 1:8

Umaata ịrẹkụ ẹnịnị ẹ rẹ hụụnị ẹzụ, dị ọkụrẹkụ ana tụra wa nyẹngụrẹyị hụụnị ẹzụ ene zi ube ịrahụ. Ẹnịnị vị anaa hụrẹ aha ẹnẹẹnẹ vee pe ọnịvị ẹnịnị kụ́ ịrẹkụ. Ẹ rẹ anka ọkasịmẹ ọnị ụngwẹ aa kụ̀ ana vẹ ẹtẹ vee che ịsa avọọ nị.

Ịzakaraya 6:1

Ịzakaraya ka ọnị ô re ẹtẹ ọsa. Ọnị ô re ịkẹkẹ ịrẹkụ ẹẹna ana aa tụ̀ hụụnị akakana ataba enyusẹ ẹẹva.

Imatiwu 24:30

Ịjọnọọ, dị a nyị apọtẹrẹwa ẹmị Ozi ọza onigirima ẹ́bẹẹba. Dị avaba anẹhẹ aa jị òrèrè, di e re ka ẹmị Ozi ọza onigirima aa vẹ ini eguhi ẹbẹẹba beri ụkata ọnịrị igirima.

Iwe Ọhụhị Imosiisi ana aa hị́ Ọyịvatụrọda 28:49

Ẹnẹyịmavara vaa hị́ anẹkụra ọnya hụrẹ aha ẹnẹẹnẹ vẹ, dị ẹ va eyirazị kà wụ nịnị. Anẹkụra ọnị wẹ̀ yị wụ ẹkụra ẹnịnị ẹ vị nị. Ẹ vaa ngụ wụ nịnị chire anka ọkasịmẹ mee che uye obonobono avọọ.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.