Ijeremaya 4:11 - IWE ỌNỊNỊ

¹¹ Ụmẹ aa vẹ ana a vaa kà a yị Anijerusarẹmị ka aa nyị ahị ịrịịra ana tụ́ hụụnị ụnọmị aa ka wáa vẹ. Ẹ yị vị ahị ana vaa kụ ẹchịchị kwooze kẹnẹ ọ́ vaa vị.

Ijeremaya 4:11 Iomraidhean Croise

Ahẹ Ụgama 11:6

Ẹnẹyịmavara vị ana vaa zụ̀ orihi ịrịịra hi aza edivi ịrẹsụ Ịra ana a sị ohuru kà ọnịrị ahị ịrịịra ọ vaa vẹ ịrẹsụ aza edivi nị.

Ayịsaya 22:4

Navọ mị maa jị òrèrè aza amị ana a wụ. Asị ụ kà mị ka me kú irenu.

Ayịsaya 27:8

Ẹnẹyịmavara ộ mẹ̀ ka ịrẹkụ ọ̀ va kụ́ aza anị. Anka opomi ọbanyị mẹ̀ẹ tụ́ hụrẹ oze ọnị ọyịị̄ zị̄ị vẹ avọọ, avọọ Ẹnẹyịmavara mẹ̀ jị ayị dụ aza anị jịnẹ nị.

Ayịsaya 41:16

di o hira a hi ịnị ahị, dị ahị kụ ọ ne hu, di opomi gara a hi ozi. Ịjọnọọ ayị ẹnịnị vee hine agụvị ka ọnị ọ vị Ohomorihi ẹnịnị nị. Ẹnịnị vaa ga ọnị, Ẹnẹyịmavara Ohomorihi ọnịnị Anisirẹrị.

Ayịsaya 64:6

Avaba ayị ọ sị ịvị mẹ; ebira ozoza ene hu ọnị mẹ vị ọnịrị ịdọtị anka ụsẹ avọọ. Agụvị ebira odivi ayị, vị́ ị kụkụ sị mẹẹ anka avị ana wụ, dị ahị hì wa kwooze avọọ nị.

Ijeremaya 13:24

Ẹnẹyịmavara kà, ọnị vaa gara ụ nịnị hi anka azịzẹ ana ahị kụ na và hi ịnị ọpaapara avọọ.

Ijeremaya 14:17

Ijeremaya ka, Ẹnẹyịmavara ộ kà a yị ọnị ka, ọnị ọ̀ kà a yị Anijuda nịnị ịsị ẹ vị ayodu anị, dị ọnị ọ̀ kà a ka, aanị eyi anị mẹ vaa ka ẹgọ, ọọdụ ọnịrị ịrahụ nị, ọnị ẹ yị hụụnị orere ọ̀ yị jị, agụvị ka aza anị ẹ́ raa tụ ụnava ngọtọọ, ịrẹyị odivi ô tù wa.

Ijeremaya 23:19

Re, Ẹnẹyịmavara àa kụ ayị, vị ọ sị mẹ anka opomi avọọ nị. Ọ vaa tụ́ ne ku aza edivi ịrẹsụ anka okoruwa avọọ nị.

Ijeremaya 4:12

Ahị ọnọọ vaa nyị ụkata ẹtẹẹtẹrẹ. Ẹnẹyịmavara ọ vaa tụ ọ nị. Ẹnẹyịmavara ụvọta aa mẹ̀ ọkarẹyị yị aza anị nị.

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Ijeremaya 9:7

Avọọ, Ẹnẹyịmavara Ochẹtẹẹngụ ka, re, ọnị vee tenyi aza anị ka ẹ zoza hu avọọ anka a mẹẹ tenyi enyusẹ avọọ, dị ọnị ọ̀ zama wa re. Ọ kà, aza anị ẹ sị odivi mẹ, ọnị mẹ vaa mẹ wa.

Arụwẹ 2:11

Ọnị o jị òrèrè pooro eyi aa zị ọnị, ayị anị ộ ta du, ọ ta ngụ ọnị ẹngụ ọnị maa zị ẹngụ aza anị ene vú ẹtẹ. Ewu ọ kụ ezweyi-ezweyi ẹnịrị ezinụvọ zá va hi ẹtẹ ụngwẹ maa kụ wa.

Arụwẹ 3:48

Ẹgọ vị enee si ịnị eyi amị wuuru agụvị ka a kụ aza amị vú ẹtẹ.

Arụwẹ 4:10

Ẹngụkata ana vẹ, vị ana kụ odivi gẹ ẹngụ. Anyẹnẹẹ ana ahịka ẹẹ ngwayị ezi ẹnịnị ẹtẹẹtẹrẹ, vị ana kụkụ vana sị ezi ẹnịnị mẹ ịsọyịrị, dị ẹ yaa chịnẹ wa rị nị.

Arụwẹ 4:3

Irezi ịnị enyi kịị kà ezi anị ịrẹva, ama aza amị vị ana sị mẹẹ anka inomi ana aā hị́ igonggo ana chamayị yị ezi avọọ.

Arụwẹ 4:6

Ụya ana aa sị rị aza amị, óo divi huni ụya ọnị Anisodọmị nịnị rị. Isodọmị ọ vị ẹkụra ọnị Ohomorihi vú ẹtẹ avaavo nị.

Ezikẹẹrị 17:10

Re, ịzẹyịza, â dàa hị́ de, ama, ọ́ọ́ vaa hụ́? Aanịka, ahị ọ̀ọ tụ hụrẹ eyi ọnị ọyị zịị vẹ ve ku ọ, ẹ́ yị vaa wọ̀rọ̀ ọ vàa ha ịzị e chire e tụ?

Ezikẹẹrị 19:12

Ama aza anaa kụ ayịị hi ọ, ê hu ọnịrị ẹpa, dị é ne e nyẹtẹ nị. Ahị anaaa tụ́ hụrị eyi ọnị ọyị zịị vẹ, ộ mẹ̀ ka ẹtụtụ anị ẹ̀ wụ. Â na avọ anị haa, dị ẹ wụ nị. Ịjị ẹ sị wụ, dị á rị wa ịra nị.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Ihoseya 13:3

Avọọ, ẹnịnị vị ene vee vú ẹtẹ anka ọyị mẹẹ̄ wụ́ eguhi ẹnẹnẹ, a vị ewuri avọọ nị. Ẹhẹ ẹnịnị sị mẹ anka azịzẹ ana ahị aa kụ́ para ịzị eē tụ́ ayị avọọ, ọ rẹ sị mẹ anka areyi ọnị ahị aa kụ́ avọọ nị.

Ihoseya 4:19

A vaa kụ wa kwooze anka ahị ọbanyị mẹẹ kụ ịsa avọọ. Ụhị vaa nyị wa agụvị ịsọvọ ọnị ẹ yaa mẹ yị ori.

Ihabaku 1:11

Ẹnịnị ẹ rẹ́ anka ahị. Ẹ̀ẹ raa rị ẹkụra, dị ẹ vaa yaamị na ngụ aha ọsa. Ẹnịnị e si eyi tụra ụkata ọnị ẹ nyị huu Ohomorihi.

Ihabaku 1:6

Ẹnẹyịmavara kà ọnị vaa kụ́ Anibabironi nịnị kwẹẹtẹ ka ẹ dọ̀ avaba ẹkụra ene hi ẹtẹ ọnọọ, dị ẹẹ mẹ ịjọva tụra wa ịrẹsụ. Anibabironi ẹnẹẹ ẹ divi. Ẹ yị nyị aza ene hi wa ụhwẹ.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Iruuku 3:17

Aa vaa tụ́ azịzẹ ahịị hụụ nị akụ obooro, di asị a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịnị ụhwọ, ama dị ọ kụ́ azịzẹ hi ịnị ịra ene è yi mē mi pooro.”