Ijeremaya 39:5 - IWE ỌNỊNỊ

⁵ Ama dị isoja Anibabironi dụ wa, dị ẹ za Ịzẹdẹkaya ịnị orere ẹtẹ Ijeriko nị. Ẹnịnị ệ sị ọ ne tu Inebukadineza ẹkụra ana aā hị́ Iribira ịnị ẹtẹ Ihamati. Dị Inebukadineza mẹ̀ ọkarẹyị yị Ịzẹdẹkaya ịzọọ nị.

Ijeremaya 39:5 Iomraidhean Croise

2 Ịsamụwẹrị 8:9

A rẹ nyị ohinọyị Anihamati ọnya aanị ana aā hị́ Ịtọyi. Ộ wụ ọ ka Idevidi o reè hú avaba isoja Ihadadeza ẹtẹ.

2 Ohinọyị 17:24

Ohinọyị Anisiriya ộ kụ aza hụrẹ ẹkụra Ịbabịrọnị, Ikuta, Awa, Ihamati, ọnịrị Isehwaveyimi, dị ọ kụ wa va ra Ị́samarịya ịzị Anisirẹrị nịnị vịdị hi nị. Ẹnịnị ệ sị avaba ẹkụra ọnọọ, dị ẹ ra hi ịnị anị nị.

2 Ohinọyị 23:33

Ohinọyị Ineko vana za a, dị ọ jị ọ ẹngwa tụ́ Iribira ịnị ẹtẹ Ihamati, dị ọ mẹ ka Anijuda ẹẹ sị isiriva ikirogirami ọ jị akata ha ịnị akawụ-akawụ oze ẹẹva ọnịrị igooru ikirogirami ohurẹẹwụ tụra ẹẹna vaa yị ọnị.

2 Ohinọyị 25:6

Dị isoja Anibabironi ẹnẹẹ za ohinọyị Ịzẹdẹkaya na yị ohinọyị Inebukadineza ana ya ẹkụra ana aā hị́ Iribira. Ịzọọ ọ ya kà a ka a na wụ̀ ọ nị.

2 Ịtọpa 33:11

Avọọ, dị Ẹnẹyịmavara navọ ka ọdọvịdị Anasiriya nịnị ệ kụ́ ịrẹkụ ngụ Ijuda. Dị ẹ za Ịmanasẹ, dị ẹ ka a ẹka, dị ẹ tụ wụ ịchẹkẹchẹkẹ, dị ẹ sị ọ na Ịbabịrọnị nị.

Ayịsaya 22:3

Avaba ọdọvịdị awụ nịnị vi ene zwe. Ọza o yi ne ọpa ikonya dị a za wa. Avaba ẹwụ nịnị ene zwe ọnịvị vị màa vẹ ẹ́nẹẹnẹ vị ana a za vabẹ.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 24:8

Ẹnẹyịmavara kà, Ịzẹdẹkaya ohinọyị Ijuda, ẹnị ọdọvịdị ana kara a ọnịrị avaba Anijerusarẹmị ana vọ ẹtẹ, ẹ̀ẹ ya Ijerusarẹmị, èe zwe na ra Ijipiti, vị ọnị ọnị vaa mẹ anka ihwigi ọyịvụ-ọyịvụ ẹnẹ ẹ̀ yị wụra rị aanị.

Ijeremaya 38:18

Ama wẹ̀ yị hụrẹ ẹngụ awụụ ụvọ, ẹkụra ọnọnị vị ana vaa hụrẹ ụvọọ yị Anibabironi, dị ẹ rị ọ ịra. Ẹwụ ụvọta ẹ́ yị vaa há o.

Ijeremaya 38:23

Ijeremaya ka ọnị ộ rẹ kà a yị ohinọyị Izedekaya ka; a vaa kụ avaba ese ewu ẹnịrị ezi ewu tụ ẹhẹ yị Anibabironi nịnị. Ẹwụ ụvọta ẹ́ yị vaa haa hụrẹ wa ụvọ, ohinọyị Ịbabịrọnị vị ana vaa za awụ, dị aa rị ẹkụra ọnọnịị ịra.

Ijeremaya 4:12

Ahị ọnọọ vaa nyị ụkata ẹtẹẹtẹrẹ. Ẹnẹyịmavara ọ vaa tụ ọ nị. Ẹnẹyịmavara ụvọta aa mẹ̀ ọkarẹyị yị aza anị nị.

Ijeremaya 44:30

Ọ kà, ọnị vaa sị Ihohwira, ohinọyị Ijipiti chire ọnịvị anị enee si ọ usu ụvọ, anka ọnị mẹ sị Ịzẹdẹkaya, ohinọyị Ijuda chire Inebukadineza, ohinọyị Ịbabịrọnị ụvọ. Ọnịvị anị ọ̀ vị, dị ee si ọ usu nị.

Ijeremaya 49:23

 nyị ẹkụra ana aā hị́ Ịdamasịkọsị. Ịrẹyị anị ọnị Ẹnẹyịmavara kà yị: Ọ kà, Anẹkụra ana aā hị́ Ihamati ọnịrị Aripadi nịnị aa hụrẹ ayịnẹ, ẹngụkata ô tu wa agụvị ka ẹnịnị ệ wụ enube ịrẹyị odivi. Ayịhụrịnẹ ọ sị wa vazi anka enyi ịnị oku avọọ, ẹnịnị ẹ́ yị zụ tụhwọ.

Arụwẹ 1:3

A sị Anijuda nịnị dụ hụrẹ ẹkụra ẹnịnị. Ẹyaa rị ụya. Ẹnịnị ẹ sị vara ọrịhị. Ẹnịnị vị ana kụkụ ra ẹkụra ọsa ịzị ẹnịnị ẹ̀ yị nyị ẹtẹ tụ. Aza anaa dụ wa vị ana kara wa okiri-okiri, ẹnịnị ẹ yị re oze zwè zị.

Arụwẹ 4:20

Ẹ raà za ohinọyị ọnị Ẹnẹyịmavara nyị yị yị ka ya sị eyi tụra. Ọnị ọ vị ọza ọnị ị sị ayị tụra ka ọ vaa dọ yị ha hụnị ụvọ anẹkụra tụra anẹkụra anaa vị eyi ịrazị ka yị nị.

Ezikẹẹrị 23:24

Ẹnịnị vaa kwẹẹtẹ tu wu nịnị hụrị eyi ẹbẹẹba. Ẹ̀ẹ yaa vẹ dị ẹ kụ isoja tatarata beri ụkẹkẹ-ịrẹkụ ọnịrị umoto ịrẹkụ za. Ẹnịnị va kụ ogonto rị ụvọ, dị ẹ sị amu enyusẹ-enyusẹ ku, dị ẹ ta kara wụ nịnị, Ẹnẹyịmavara kà ọnị vaa hụrẹ ụvọ yị wa, dị ẹnịnị sị ọda ẹkụra ẹnịnị mẹ̀ ọkarẹyị yị wụ nịnị.

Ihabaku 1:7

Aza vị ana nyayịnẹ ee hí angwa ẹnịnị. Agụvị avọọ dị ẹ yaa mẹ kẹnẹ o me zee wa eyi nị.

Ịrịka 13:21

Ịzẹyịza dị ẹnịnị re ẹtẹ ọnọọ hụrị ụnọmị Izini na ngụ ẹhwị ẹtẹ Anihamati nị.

Ijosuwa 13:5

ẹtẹ Anigebari; avaba ẹtẹ Ịrẹbanọnị na ngụ eyi ịzị ọyịị̄ zịị vẹ hụrẹ Ịbaarị-Igadi ana ya eyi ụvẹtẹ ataba Ihamọnị na ngụ oze Ihamati.

Ijosuwa 4:13

Ẹnị ọkụrẹkụ ẹnẹẹ vị ẹhụ akahị oze ẹbẹẹva ene tenyi ẹngụ ịrẹkụ. Dị ẹ jịnẹ tu akẹnẹ tụ́ inozi Ijeriko, Dị Ẹnẹyịmavara jẹẹ wa ịrẹma nị.

Ijosuwa 5:10

Dị Anisirẹrị kụ́ udi tu Igirigari ana vị inozi Ijeriko. Ịzọọ Anisirẹrị ya rị eche ọyịparahu oruva ẹkụhị ẹwụrẹna ịnị ụhwẹ ọnọọ nị.

Ọdọvịdị 3:3

Anẹkụra ọnị Ẹnẹyịmavara navọ ẹ vị: Anihwirisiti ana nyị ohinọyị ẹẹhị, avaba Anikenaani, Anịsayịdọnị, Ihivitiana ra ịrẹsụ ataba Ịrẹbanọnị hụrẹ ataba Ịbaarị Ihamọnị huu na ngụ oze Irebo-Ihamati.