Ijeremaya 39:4 - IWE ỌNỊNỊ

⁴ Ịjị Ịzẹdẹkaya ọnịrị isoja anị nịnị ré wa, dị e zwe ịrahụ nị. Ẹnịnị ê zwè zị oze ịnị ụbazị ohinọyị, dị ẹ́ na parahu zị oze ọbanyị ana kụ ọvọ ẹẹva gẹ nị. Ẹnịnị ê zwè aa nọ inoze Ijodani (ẹtẹ Araba).

Ijeremaya 39:4 Iomraidhean Croise

2 Ịtọpa 32:5

Dị ohinọyị Ihezekaya tenyi avaba ịzị ọvọ ya wu, dị ọ dà irehi ọgọdọ rụrụ ana va ẹkụra chire nị. Ịrẹma ẹnẹnị dị ọ tụra ọvọ ọsa kara ana vịdị jẹẹ, dị ọ rẹ tenyi aha ana va sị ụkata yị ẹkụra eyi ịzị ọyị hụrẹ vẹ ịnị Ijerusarẹmị ọkụkụ. Ộ rẹ mẹ ọda ka ê tu ọha ọnịrị ogonto rụrụ hi ẹtẹ.

Ayịsaya 22:11

Wê tenyi aha enyi tụ́ ịnị ẹkụra ka enyi ene ee sìi hụụnị imisi ọkụkụ òo si naa vàa hị́ ọ. Ama wẹ rẹ vaa sị ayịị nọ ịda Ohomorihi ana mẹ enyi ọnọọ hụrẹ ụmọrụmọ, ẹ yị hyakụ nyị ịzị ịrẹyị anị gẹ wụ.

Ayịsaya 22:3

Avaba ọdọvịdị awụ nịnị vi ene zwe. Ọza o yi ne ọpa ikonya dị a za wa. Avaba ẹwụ nịnị ene zwe ọnịvị vị màa vẹ ẹ́nẹẹnẹ vị ana a za vabẹ.

Ayịsaya 29:2

Ama yẹ ka Ohomorihi aa kụ́ ịrẹkụ vee tù wu nịnị, ẹwụ nịnị Anariyẹrị. U vee nowu nịnị, dị waa jị òrèrè. Vị Ohomorihi vaa mẹ wụ nịnị anka arasị ịzị a yàa rị ịsa ịsọvọ ịra avọọ nị.

Ijeremaya 32:4

Ẹnẹyịmavara kà, Ịzẹdẹkaya ohinọyị Ijuda ẹ́ yị vaa ha hụrị Anikaridi nịnị ụvọ. Ama a vaa za a nee chire ohinọyị Ịbabịrọnị ụvọ. Ọnịrị ọ vaa ha eyi tụra ẹngụ dị ẹyaa kà ịrẹyị.

Ijeremaya 32:5

Ọ kà, ọ vaa sị Ịzẹdẹkayaa nọ Ịbabịrọnị, dị ọ yà ịzọọ pooro nee tu ụmẹ ọnị ọnị ve sii tụ́ ohi ịrẹyị nị. Ẹnẹyịmavara kà Ịzẹdẹkaya ọọ daka gẹ Anikaridi ịrẹvụ, é yi ree mẹ.

Ezikẹẹrị 12:12

Ọdọvịdị ẹnị ene hi Ijerusarẹmị vaa kụ ẹnya anị tụra ịza, dị ọ zị oze ịnị uhwohwo ana a chị́ tụ ịnị ọvọ jịnẹ tụ ẹhẹ ịrahụ. Vị́ ọ́ vaa sị ụvọọ ku eyi anị, dị é yi re ịzị aa nọ nị.

Ezikẹẹrị 12:4

Ẹnẹyịmavara kà ọnị ọ̀ kụ ẹnya anị tụ ẹhẹ ọọdụ eyi avaba ẹnịnị anka ọza ana a dụ aa nọ ẹkụra ọsa avọọ, oruva dị ọnị ọọ na eyi ẹnịnị anka ọza ana a dụ a nọ ẹkụra ọsa avọọ.

Ireevi 26:17

Ọ kà ọnị vaa và eyirazịị ka wa; dị ọnịvị ẹnịnị nyị ẹbẹẹba ẹnịnị; aza anaa nyị ịhyẹrẹ ẹnịnị ẹ vaa mẹ ịjọva tụra wa ịrẹsụ nị. Angwa vee hí wa nee tu ka ẹnịnị vị ene vee zwe ẹ̀ yị daka nyị ọza anaa dụ wa.

Ireevi 26:36

Ọ kà ẹnịnị ana vọ hi ẹkụra vị ọnị vaa mẹ ayịị hụrị ịnẹ ẹtẹẹtẹrẹ, dị ẹ̀ẹ wụ ka ahị ọ́ọ kụ ẹchịchị kẹnẹ, dị ẹ kụ ahụ nya iruvo ee zwè. Ẹnịnị vị ene vee zwè anka èe rere aa dụ wa eyirẹkụ avọọ, dị ẹyaa sẹ ẹdụ ẹ̀ẹ yị daka nyị ọza ana aa dụ wa.

Emọsị 2:14

Ịzị ẹnịnị ẹẹ rẹ na za, ẹnịnị ẹ yị vaa ha. Ẹ yị nyị ẹ mẹmẹ nyị ụkata na za, ẹ vaa tụ ọkụmị. Ẹnịnị ẹ yị vaa zụ dọ ẹngụ ẹnịnịị ha.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.