Ijeremaya 39:16 - IWE ỌNỊNỊ

¹⁶ Ọ̀ na kà a yị ọnọrụ ana aā hị́ Ebedi-Ịmẹrẹkị ana vị Anetiyopiya ka; Ẹnẹyịmavara Ochẹtẹẹngụ, Ohomorihi Anisirẹrị nịnị ka: Ré; ọnị vaa mẹ avaba ịrẹyị ọnị ọnị ka ịnị ịpa Ijerusarẹmị. Ịrẹyị ọhịmị ọ vaa vị nị, ẹ́ yị vaa vị ọyịza. Ọ kà, eyi awụ ọ vaa vị ịhị ọnọọ nị.

Ijeremaya 39:16 Iomraidhean Croise

2 Ịtọpa 36:21

Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a.

Ahẹ Ụgama 92:11

Aza ana kwẹẹtẹ tù mị ẹ kụ hyẹdụ éyi amị. Ma sị wụ́ ọnịvị amị nịnị mẹ̀ và angga.

Ijeremaya 26:15

Ọ kà, ama ẹnịnị ẹ̀ yẹ ọsọnị ka, ẹnịnị ẹ̀ẹ wụ ọnị ẹnịrị avaba Anijerusarẹmị vaa rị ịvị ka ẹnị ệ wụ̀ ọza ẹnẹ ẹ̀ yị nyị ịsị ọ mẹ. Ẹnẹyịmavara ọ ka ọnị ọ̀ va maanị kà wa ọnọ nị.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 26:20

 nyị ọnọrụ ọnya aanị ana aā hị́ Uriya, ozi ọnọrụ ana aā hị́ Isemaya ọvị nị, dị ọ rẹ vị anẹkụra ana aā hị́ Ikiriyati-Ijeyarimi nị. Ọnị ọ rẹ vịdị va maanị kà ịsẹ da, dị ọ ka Ẹnẹyịmavara ọ tụ ọnị nị. Ẹngụ ịrẹyị ọnị Ijeremaya kà gẹdẹ-gẹdẹ ịnị oze irehi Ohomorihi ọnịrị ẹkụra (Ijerusarẹmị) ọnọnị aanị ọnị rẹ kà nị.

Ijeremaya 34:22

Ẹnẹyịmavara kà ọnị vaa mẹ ọda, dị ọnị kụ wa vavẹ Ijerusarẹmị. Ẹnịnị vee pee kụ ịrẹkụ, dị ẹkụra ene hi Ijuda ẹtẹ, dị ẹ́ yị ma vana nyị ọza ana ra ịzọọ.

Ijeremaya 35:17

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị vaa sị ụyaa rị ẹwụ nịnị Anijuda ọnịrị Anijerusarẹmị anka ọnị mẹ kà a tịtẹ. Ọ kà ọnị vavọọ aa mẹ wụ nịnị agụvị ọnị ộ kà ịrẹyị yị wụ nịnị ama wẹ yị wụ; ọnị ộ hị́ wụ nịnị, we yi tụ́ ohi.

Ijeremaya 36:31

Ẹnẹyịmavara kà ẹwụrị ezi ewu beri ọdọvịdị ana kara awụ, vị ọnị ọnị vaa sị ụyaa rị agụvị avaba ebira odivi ẹnẹ ẹ mẹ. Ọ kà ẹwụrị aza ene hi Ijerusarẹmị ọnịrị Ijuda ẹ́ yị wụ́ ịrẹyị anị ọnị maa kà wụ, nịnị ọnọ. Agụvị avọọ, avaba ụya ọnị ọnị wo oto ka ọnị vaa sịị rị wụ nịnị, vị ọnị ọnị vaa sịị rị wụ nịnị ịzẹyịza.

Ijeremaya 40:3

Ọ́ va sị ọ mẹ booro aanị, ka waa mẹ̀ ebira odivi hi ọ nịnị, wẹ́ yị saasa ịrẹyị anị nịnị avaba ẹsẹnị maanị sị mẹ nị.

Ijeremaya 44:27

Ọ kà, ọnị ẹ́ yị ma vana zẹẹ ka ò zé wụ nịnị, ama ọnịvị awụ nịnị vị ene vee vu wu nịnị ẹtẹ. Avaba awụ nịnị vị ene vee su, dị ẹ yị nyị ọza ana vẹtẹ. Ọza ọnị ịrẹkụ ẹ̀ yị wụ, dị ụkụ wụ ọ.

Ijeremaya 5:14

Ijeremaya ka, agụvị avọọ, dị Ẹnẹyịmavara Ohomorihi Ochẹtẹẹngụ va kà a yị ọnị ka, agụvị ẹngụ ịrẹyị ọnị aza ẹnẹnị aa kà aanị, ọnị vaa mẹ ka avaba ịrẹyị anị ọnị ọnị Ijeremaya vaa ka ọ̀ sị mẹẹ anka ịra avọọ, dị aza ẹnịnị ẹnị ẹ̀ sị mẹẹ anka ọkụ avọọ, dị ịra ọ̀ rị wa ịra va ha.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Emọsị 9:4

Ọnịrị ẹnịnị ẹ daka za wa ọrịhị ne hi ẹtẹ Anikinami ọnị va mẹ ọda ka a wụ̀ wa ịzọọ. Ẹnẹyịmavara kà ọnị o tenyi ẹngụ ka ọnị e vu wa ẹtẹ, ọnị ẹ yị vaa gụ wa ụvọ.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”