Ijeremaya 32:9 - IWE ỌNỊNỊ

⁹ Ijeremaya ka ọnị ộ hị́ ẹtẹ ọnọọ ana ya Anatọtị hụụnị ụvọ Ihanameri ọnị ọnịrị vị ezi ẹyịnyara, dị ọnị sị ọ ụta ịsẹkẹrị ẹwụrịhịmba nị.

Ijeremaya 32:9 Iomraidhean Croise

Oyinyima 24:22

Ịjị ịnyaakụmị ẹnẹẹ sị enyi hú, dị ozi ahụ ọnọọ sị ochirigege aahị ọkatarihi ọnya ana a sị igooru mẹ ne beri ịsụvọ ẹẹva ana a rẹ si igooru mẹ yọ nị. Ẹnya ẹnẹẹ vị ẹkẹhị-ẹkẹhị.

Oyinyima 37:28

Ịjị osohu Animidiya ẹnẹẹ aa parahu, dị ẹnẹbẹnị Ijosẹẹhụ nịnị na sị Ijosẹẹhụ hụụnị ọ̀ha dị ẹ ná ẹ yị Anisimẹrị ẹnẹẹ nị. Ẹkẹhị ụkọrọ ẹkụhị oohu ẹ ná a nị. Dị aza ẹnẹẹ sị Ijosẹẹhụ dị ẹ yaa nọ Ijipiti nị.

1 Ohinọyị 20:39

Ịjị ohinọyị aa paraahu, di ọnịsẹ ọnọọ nowu hị́ ohinọyị, dị ọ ka, “Ẹmị ozi ịda awụ vị ana jịnẹ na kụ̀ ịrẹkụ. Di a nyị isoja ọnya aanị ana si ọza ịnya zwe ve tù mị nị. Dị ọ ka ma sị eyi pe ọza ọnọọ nị. Ọ kà òo vú, ụhwẹ amị a vaa sị dọ ụhwẹ anị ịrẹsụ nị, à yị vị avọọ a vaa dà mị ẹkẹhị enyusẹ akawụrakahị.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Ẹsịta 3:9

Taarụ! Wàa dọ, mẹ ọda ka à wụ̀ aza ẹnịnị va ha. Mị vaa sị ẹkẹhị isiriva akawụ-akawụ oze ẹẹhị tụ́ ịzị aā sị ẹkẹhị ohinọyị tụ́, dị à sị mẹ̀ ụkọrọ ọnọọ.

Ọyịkụra 21:32

Àa vị ọrịhị ana vị ọnọrụ àa vị ọnẹẹ imaaru vavọọ tụ́ ọpanyị nị, ọza ana nyị imaaru ọnọọ vee si ẹkẹhị enyusẹ-enyusẹ ẹnya ịrẹsụ ọnya rị ẹjịjị yị ọga ọrịhị ọnọọ. Di a va sị ịrẹta wụ imaaru ọnọọ.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Ezikẹẹrị 4:10

Ọ kà ịsa ọnị ọnị vaa rị vị ana vaa ngọ yị ọnị. Ẹhwị ịsọyịrị ụrata ịrẹvụ ịkụha ẹẹna avọọ ọnị vaa rị ụpẹ ọnya ẹkụhị nị.

Ihoseya 3:2

Ọnị o si ụta anị isiriva ẹwụrẹhị ne beri ibaari ikirogirami ẹchẹhị tụra ẹvarẹwụ.