Ijeremaya 30:3 - IWE ỌNỊNỊ

³ agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 30:3 Iomraidhean Croise

Ẹzịra 3:1

Ịnị ụhwẹ ana tụ ọ ụhwẹ ịhịmba ọnị Anisirẹrị na ra ẹkụra ẹnịnị, dị ẹ kụ ẹngụ gụ Ijerusarẹmị.

Ẹzịra 3:12

Ama ọrụrụ-ọrụrụ azọkụ ohirẹsụ irehi Ohomorihi, ọnịrị Anireevi nịnị neberi azọkụ-azọkụ ovwoovu me re irehi ana kwẹẹtẹ, dị ẹ yaa jị òrèrè booboro ẹ mẹ tamayị irehi ana vịdị da tụ ịzọọ ịnị ịyẹẹyẹ. Dị aza ana vọ ẹnị ee nowu ịrajẹ nị.

Ẹzịra 3:8

Ịnị ụhwẹ ana tụ ọ ụhwẹ ọhụva ịnị ịrayị ọhụva ọnị Anisirẹrị hụrẹ Ịbabịrọnị vaa ve eehi, ẹ nyima e tenyi irehi Ẹnẹyịmavara Ohomorihi da nị. Dị Izerubabẹrị ozi Isiritiyẹrị, Ijesuwa ozi Ijozadaki, ohirẹsụ irehi Ohomorihi nịnị ọnịrị Anireevi neberi avaba aza ana ve eehi nọ Ijerusarẹmị ne nyima ụkọrọ ọnọọ nị. Dị ẹ nyị ezi Ireevi ana sị gụ ịrayị oohu va hịrẹ ka e si eyi pe ụkọrọ ọnọọ nị.

Ahẹ Ụgama 126:4

Ẹnẹyịmavara, và yị nọ udi ayị ịyẹẹyẹ anka orihi mẹ̀ẹ zụ̀, di okuha ana vịdị sị wụ kụkụ aa kụ́ ọhaara avọọ.

Ahẹ Ụgama 53:6

Ọ maa navọ Ohomorihi ọ̀ hụrẹ vẹ dị ọ va mẹ ka Anisirẹrị ẹ̀ nyị ẹbẹẹba ọnịvị ẹnịnị Ịjị Ohomorihi ọ̀ọ rẹ raà mẹ ka òo zee yị Anisirẹrị, ẹnịnị vaa dàa jẹ kẹnẹ.

Ijeremaya 16:15

Ama ẹnịnị vaa sị ọnịị hị́ eku ka: Ohomorihi ana kụ Anisirẹrị nịnị hụrị ẹtẹ Ịbabịrọnị ọnịrị avaba ẹkụra ịzị ọnị dụ wa ne hi vavẹ ẹkụra ọnị ọnị sị yị ohiku ẹnịnị, ọ̀ọ yị yà ịzọọ.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Ijeremaya 27:11

Ẹnẹyịmavara kà ama, anẹkụra anaa dọ ka ẹnị aa dọ ọkẹkẹrẹ ohinọyị Anibabironi, dị ẹnị ẹẹ kụụ hẹkẹ ẹ, ọnị vaa navọ wa ka ẹ̀ ra ịnị ẹtẹ ẹnịnị, dị ẹyaa kụ ịrụkụ ịzọọ.

Ijeremaya 27:22

Ẹnịnị vị ana vaa kụ nee hi Ịbabịrọnị, dị ẹ kụkụ yà ịzọọ pooro nee tù ụmẹ ọnị ọnị ọọ sị va eyi vẹ ịnị ịrẹyị ẹnịnị. Dị ọnị kụ wa vavẹ va tụ aha anị ịzẹnị.

Ijeremaya 29:10

Ẹnẹyịmavara kà, ịjị waa raa mẹ ịrayị ẹtarẹwụ Ịbabịrọnị nịnị, ọnị vaa va eyi vẹ ịnị ịrẹyị awụ nịnị, dị ọnị kụ wụ nịnị và vẹ eehi anka ọnị mẹ vịdị kà a.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 30:18

Ọ kà, ọnị vaa kụ Anijerusarẹmị vàa vẹ eehi, dị ọnị và ogu ẹnịnị ịrẹma yị wa. Ọnị vaa vayị ovwoovu ikonyikonyara ẹnịnị. Ọ kà, e vènee tenyi Ijerusarẹmị da, dị a da irehi ohinọyị ẹnịnị varẹma tụ aha anị.

Ijeremaya 30:4

Ẹnẹyịmavara ộ kà a yị Anisirẹrị ọnịrị Anijuda nịnị ka:

Ijeremaya 31:16

Ẹnẹyịmavara kà, hụụnị orere ọ̀ yị jị dị we nyee ẹgọ hụụnị eyi awụ, agụvị ka ụ vaa dọ ọgụ ụkọrọ awụ. Ezi ewu vanaa vàa hụrị ẹtẹ ọnịvị ẹnịnị ve eehi.

Ijeremaya 31:23

Ẹnẹyịmavara Ochẹtẹẹngụ, Ohomorihi Anisirẹrị ka, ịjị ọnị ọọ raa varẹma kụ aza anị vaavẹ eehi ẹnịnị, ẹnịnị vanaa kà a ịnị ẹtẹ Ijuda ọnịrị avaba ẹkụra ene hi ịnị anị ka, Ẹnẹyịmavara ọ̀ mẹ ka ò zé yị ataba anị ana yà Ijerusarẹmị, aha ọnịnị ịzị ọnị ụvọta ra.

Ijeremaya 31:27

Ẹnẹyịmavara kà, ọnị ka ụmẹ aa vẹ ọnị ọnị vaa mẹ ka ẹtẹ Isirẹrị ọnịrị Ijuda ẹ vị ohihi yị aza ọnịrị ịsụpa.

Ijeremaya 31:31

Ẹnẹyịmavara kà, re, ụmẹ aa vẹ ọnị ọnịrị Anisirẹrị beri Anijuda nịnị vaa zẹẹ oto ọwọọwa.

Ijeremaya 31:38

Ẹnẹyịmavara kà ụmẹ aa vẹ ene e vee tenyi Ijerusarẹmị dà anka ẹkụra. A vaa dà a hụrị ohurohuro Ịhananẹrị eyi ọnị ọyịị̄ zị naa ngụ ẹtẹ naa ngụ oze ovwoovu ẹkụra ana yà ịnị ịkọna.

Ijeremaya 32:37

Ọ kà, re, ọnị vanaa kụ wa gụ hụrị avaba ẹkụra ọnị ọnị sị ọyịkụ-ọyịkụ dụ wa ne hi. Ọnị vanaa kụ waa vaavẹ ịzị ẹnị, dị ọnị mẹ ka ẹnịnị ẹ̀ ra ẹngwọọrọ-ẹngwọọrọ.

Ijeremaya 32:44

Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ijeremaya 51:60

Ijeremaya ka ọnị ộ chẹrẹ avaba ụya ọnị Anibabironiya nịnị vaa rị beri ịrẹyị ana vọ ịnị ịpa Ịbabịrọnị tụ ịnị iwe.

Ezikẹẹrị 20:42

Ịjị ọnị ọọ raa kụ wụ nịnị vavẹ ẹtẹ Isirẹrị ọnị ọnị kà a ka ọnị vaa sịị yị ohiku awụ nịnị, ụ vaa yẹ nịnị ka ọnị ọ vị Ẹnẹyịmavara nị.

Ezikẹẹrị 34:13

Ọnị vaa kụ waa gụ hụrị ẹkụra ọsa, dị ọnị kụ wa vavẹ eehi ẹnịnị. Ọnị vaa kụ wa varẹma naa rị ịzị avị ọyịza-ọyịza hi ịnị ataba Isirẹrị, dị ọnị aa kụ wa nee hú enyi ịnị okuha ene hi Isirẹrị.

Ezikẹẹrị 36:24

Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị.

Ezikẹẹrị 47:14

Ọ kà ọnị ộ vịdị sị eku hị́ ka ọnị vaa sị ẹtẹ ọnọnịị yị ohiku awụ nịnị. Ẹwụ nịnị ọ vanaa nyị nị. Gà a ẹbẹẹbẹ yị ẹngụ nịnị.

Ijowẹrị 3:1

Ẹnẹyịmavara kà ọnị vaa mẹ̀ ka ọ varẹma zee yi Anijuda ọnịrị Anijerusarẹmị nịnị.

Ịzẹhwanaya 2:7

Ẹnẹyịmavara kà ọnị vaa sị ịzọọ yị Anijuda nịnị ana vọ ka ẹ ra ịzọọ, dị ẹẹ kụ ịsụpa ẹnịnịị̄ rị ịzọọ, dị ẹẹ sụ ịnị irehi Anasikeroni nịnị, Ẹnẹyịmavara ana vị Ohomorihi ka ọnị vaa tẹsị ẹnịnị, dị ọ varẹma ze yị wa.

Ịzẹhwanaya 3:20

Ẹnẹyịmavara kà, ụmẹ aa vẹ ọnị ọnị vaa kụ́ aza ana gara hi ẹhẹ vavẹ eehi ẹnịnị. Ọnị vaa mẹ̀ ka ẹ ngụrẹyị ịnị avaba ẹhẹ Ẹnẹyịmavara kà ọnị vaa mẹ̀ ka ọ varẹma zee yị avaba ẹnịnị.

Iruuku 17:22

Dị ọ rẹ kà a yị ezirẹma anị ka, “Ụmẹ aa vẹ oni u vee sì ka we re ẹkụhị ọnya ịnị ẹkụhị ẹmị Ozi ọza onigirima, di u we yi zụ re e nịnị.

Iruuku 19:43

Ẹkụhị aa vẹ ọnị ọnịvị vaa kụ́ ezii pe ugene ana kara wụ, dị ẹ rẹ kara wụ okiri-okiri ka asị u re oze zị.

Iruuku 21:6

“Avaba ịsị u wee re nịnị aanị, ụmẹ aa vẹ ana ahịka ịrẹta ẹnẹnị, ọnyara ọ yị vaa vọ tụ́ ịrẹsụ ọsa; vi e vee wú waa ha saka-saka nị.”

Iwe Ọhụhị Imosiisi ana aa hị́ Ọyịvatụrọda 30:3

Ẹnẹyịmavara Ohomorihi ẹnịnị vaa vayị ẹnịnị, ọ vaa ku wa varẹma hụrẹ ẹkụra irenyi-irenyi ọnị ọ ga wa hi, dị ọ mẹ ka o zee yị wa.

Iwe Ọhụhị Imosiisi ana aa hị́ Ọyịvatụrọda 30:5

Ẹnẹyịmavara vaa vavọọ mẹ agụvị dị ụnanka ẹnịnị ẹ dọ ẹtẹ ọnị ohiku ẹnịnị vịdị ra varẹma. Ọ vaa mẹ ka o zee yị wa, dị ẹ rụrụ hụụnị ohiku ẹnịnị mẹ vịdị ya.

Anihiburu 8:8

Ama Ohomorihi ô re ka aza anị ệ nyị ohuvọ, agụvị avọọ dị ọ kà a ka: Ụmẹ aa vẹ, ọnị ọnị ve sii tenyi oto ọwọọwaa zẹẹ Anisirẹrị ọnịrị anovwoovu Ijuda.