Ijeremaya 3:9 - IWE ỌNỊNỊ

⁹ Isirẹrị ọ sị ẹkụra du. Ịrẹta ọnịrị ọchị ọnị ọ naa hẹkẹ vị ịrẹka ọyị sẹ yọ. Ịrẹka ọyị sẹ vị ịsa oweyi eyi anị.

Ijeremaya 3:9 Iomraidhean Croise

Ayịsaya 57:3

Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa.

Ayịsaya 57:6

Wâ sị ịrẹta ana swa hụụ ịzọọ nịnị, dị ụ sị mẹ ori ọnị ụ waa hẹkẹ nịnị nị. Waa sị echee mẹ ịsọvọọ yị wa, dị ụ ka a hi ẹtẹ yị wa. Dị ụ rẹ sị akụ àa vị apaapa va mẹ̀ ịsọvọ yị wa nịnị. Ví u wéé ro ka ayị amị ô hine tụ ịnị avaba ẹsẹnị nị?

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 16:18

Ọ kà ọnị vaa sị ụya avaba ebira odivi ẹnịnị ọnịrị akụvị ẹnịnịị rị wa oze ẹẹva, agụvị ka ẹnịnị ẹ́ raa sị ori ẹnẹẹ yị nyị ụhwẹ anka oku ene su avọọ du ẹtẹ anị ha. Ẹtẹ anị kụkụ vị ohihi yị ori ana ahịka ireche kẹnẹ ẹ vị nị.

Ijeremaya 2:27

Ụhị ọ vaa nyị ẹwụ nịnị ana a kà ọchị ọ va ada awụ nịnị, dị ịrẹta vị ọnyị awụ nịnị nị. Ọ kà aanị ọ mẹ vaa yaa wụ nịnị nị, agụvị ka wa sị ịrẹma và ka ọnị nịnị, we yị và eyi ka ọnị nịnị. Ama ịjị ẹngụkata ọọ ka wụ nịnị vẹ dị ụ ka ọnị ọ̀ kwẹẹtẹ dị ọnị ọ̀ dọ wụ nịnị tụ.

Ijeremaya 2:7

Ọ kà ọnị ộ kụ ụ nịnị ve hi ịnị ẹtẹ ọyịza-ọyịza ka wa va rị ẹtụtụ ọnịrị ịsa ozoza-ozoza ene hi ịzọọ. Ama ịjị ụ tù ịzọọ nịnị wa sị ẹtẹ ọnọọ du ha nịnị. Ẹkụra ọnị ọnị sị yị wụ nịnị we si o du ẹngụ nịnị.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ezikẹẹrị 16:17

Ọ kà igooru ọnịrị isuu ọnị ọnị sị wụ vị ọnị ụ sị, dị ụ sị mẹ ịsị e vene ọnọrụ jẹẹ, dị waa hẹkẹ wa.

Ezikẹẹrị 23:10

Ẹnịnị ệ tụ ọ ahwaahụ, dị ẹ ku ezi anị anọrụ ọnịrị anẹẹ nị. Dị ẹnịnị si ụ̀hwọ̀ wụ̀ ọnị ụvọta nị. Ireyi ene tu ọ aanị vị ọnị avaba anyẹnẹẹ ana vọ kụkụ aa kà avaba aha.

Ezikẹẹrị 23:21

Ohoriba, ụ kụkụ è yii si ka wa sẹ̀ ịrẹka anka ịjị ọnị ụ vị ozweyi ịnị ẹtẹ Ijipiti? Anijipiti vị anaa sị ụvọ za wụ ịrẹva ịzọọ ịjọnọọ, dị ẹ sị wụ hụ.

Ezikẹẹrị 23:3

Ụmẹ ẹnị ẹ ra ẹtẹ Ijipiti, ozweyi ẹ́ vị dị a sị wa hụ nị; dị ẹnịnị kụkụ aa sẹ̀ ịrẹka nị.

Ihoseya 2:2

Dị Ẹnẹyịmavara kà Isirẹrị ọ yị kụkụ vị ose anị, dị ọnị ọ yị rẹ kụkụ vị ọva anị nị. Ộ kà ẹnịnị ẹ da ịpẹ yị ọnyị ẹnịnị ka asị ọ rẹ kụkụ sẹ̀ ịrẹka. Dị ọ hụrẹ ụvọ onyeehi ẹnẹẹ ọnị ọ za ku ayị.

Ihoseya 4:12

E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị.

Ijowẹrị 1:19

Dị Ijowẹrị na owu na za Ẹnẹyịmavara ka avaba avị ọnịrị ọchị ẹ sị wụ̀ za ẹtẹ anka ọrịra ò rere rị ịsa avọọ.

Ihabaku 2:19

Ọza ana kàa yị ọchị a vị ịrẹta ka ọ̀ kwẹẹtẹ, ọ̀ nyarị iruwa. Áá nyị ịsị ẹẹmẹ ẹnẹẹ zụ sị zụ ọza? A zụ wụ́ igooru ọnịrị isiriva ku ọ, ama ori ọnọọ ẹ yị nyị ụhwẹ.

Imatiwu 5:32

Ama ẹma kà a wụ nịnị nị ka ọza ene èe yi ose anị, ẹ̀ yị vị ọ hụhụ sẹ̀ ịrẹka, ọ́ọ mẹ̀ ẹ ka ọ̀ sẹ̀ ịrẹka, ọ̀ọ na nyị ọnọrụ ọsa. Ọza ana àa nyị ọnẹẹ ọnọọ ene e yi, vị ana rẹ sẹ̀ ịrẹka.”