Ijeremaya 3:8 - IWE ỌNỊNỊ

⁸ Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ijeremaya 3:8 Iomraidhean Croise

2 Ịtọpa 21:11

Ộ da aha irenyi-irenyi ịzị aa hẹkẹ ori tụ́ aha ọrụrụ-ọrụrụ ana nẹba ịnị ẹtẹ Ijuda, dị ọ kụ́ Anijuda ọnịrị Anijerusarẹmị nịnị na rị ịvị Ẹnẹyịmavara.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 3:1

Ẹnẹyịmavara kà, ọza ọ̀ọ jị ose anị ịjẹvụ, dị ose anị ọnọọ hụụ ịdị anị, dị ọ na va ọnọrụ ọsa nị, ọza ọnọọ ẹ yị kụkụ zụ dọ ọ varẹma. Ọza ọnọọ ọ̀ọ dọ ọ varẹma, ọ sị ẹtẹ du saka-saka. Ama, ẹwụ nịnị Anisirẹrị, ẹwụrị onyeehi ọrụrụ ọ na ra sẹ̀ ịrẹka zịịzị. Ụ́ wáá kụkụ a vaa vàa ka mịị vẹ nịnị booro aanị nị?

Ijeremaya 33:24

Ọnị ọ́ọ́ si ụtọ pe ẹtẹ dị ọnị ọ wụ̀ aza maa kà a ka Ẹnẹyịmavara o re yị Anisirẹrị ọnịrị Anijuda, ovwoovu ẹyịva ọnị ọ nyị tịtẹ? Agụvị avọọ dị ẹ kụkụ aa sị eyii wụ̀ wa dị ẹnịnị sị eyi ẹkụra ọyịvụrụ rẹ wa nị.

Ijeremaya 5:7

Ẹnẹyịmavara kà, si ẹ vẹ ọnị ọnị aa sịị vagu ịvị aza anị ẹnẹnị? Ẹnịnị ẹ raa hụrẹ ọnị ụvọ, dị ẹ naa hẹkẹ ori ẹnẹ ẹ yị nyị ịsị ẹ vị nị. Ọ kà, ọnị ộ sị avaba ịsị e yee si yị wa, ama vị ẹ yị naa sẹ̀ ịrẹka dị ẹ yaa hara nọ ịnị eehi ọsẹrẹka nịnị nị.

Ezikẹẹrị 16:46

Ẹtẹ Isamariya beri ẹkụra oweyi-oweyi ene hi ịnị anị ọ vị onyeyiza awụ ana vị ọzọkụ nị. Eyi ẹbẹẹba awụ ọ́ ya nị. Isodọmị ọnịrị ẹkụra oweyi-oweyi ene hi ịnị anị ọ vị ọhụva awụ ana vị ozweyi nị. Eyi ụvẹtẹ awụ ọnị yà nị.

Ezikẹẹrị 16:47

Ụ ka ebira ẹnịnị ẹ́ yị hụ wụ ọ̀yị saasa, dị waa hama waa mẹ ịsị eenyisi ẹnẹ ẹyaa mẹ nị. Éyiye, ụmẹ chee ọnị ụ nyị, ebira kẹnẹ-kẹnẹ ọnị waa mẹ ọ sị huna ẹẹnịnị ịnị avaba oze tụra oze.

Ezikẹẹrị 16:51

Anịsamarịya ẹ́ yị mẹ achẹva ebira odivi ọnị ụ mẹ nịnị. Ebira ọnị ụ mẹ nịnị ọ́ nyị ọza ịhyẹrẹ hu avaba ịsị ẹ mẹ da nị. Ebira kẹnẹ-kẹnẹ ọnị waa mẹ nịnị, ọ́ kụkụ raa mẹ ka ee re ka ẹyịnyara awụ nịnị aa mẹ̀ ịsa ana vọrọọ, ọza oo ré ẹwụ nịnị ẹyịva nị.

Ezikẹẹrị 23:44

Ọnọrụ ẹnẹnị ệ sẹ̀ ịrẹka ịjị ẹnyị, ịjị ọsa. Avọọ ẹ maa nọ ịdị Ohora ọnịrị Ohoriba naa sẹ̀ ịrẹka nị.

Ezikẹẹrị 23:9

Avọọ ọnị Ẹnẹyịmavara ộ hụrẹ ẹ ụvọ yị onyeehi Anasiriya nịnị ọnị ọ vavọọ aa dụ gògògò avọọ.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Iwe Ọhụhị Imosiisi ana aa hị́ Ọyịvatụrọda 24:1

Ọnyẹnẹẹ ọnị ọva ịpaapa jị ịjẹvụ agụvị ka ọ mẹ̀ ebira ene e yi ze eyi. Dị ộ sị iwe ẹnẹ ẹ sị ha ẹngụ hi yọ, dị ộ dụ ọ hụụnị eehi anị, vị ụhị yọ.

Iwe Ọhụhị Imosiisi ana aa hị́ Ọyịvatụrọda 24:3

ana rẹ jị ọ ịjẹvụ, a vị di o su nị.