Ijeremaya 3:6 - IWE ỌNỊNỊ

⁶ Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ijeremaya 3:6 Iomraidhean Croise

1 Ohinọyị 14:23

Ẹnị ẹ rẹ da aha ọnẹba, di e hi ọhẹ, dị ẹ rẹ nyị ori ana aā hi Asẹra hi avaba ịnị ataba ọnẹba ọnịrị hi avaba iruvo ọchị ana avị anị vị ohwoohu nị.

2 Ịtọpa 34:1

Ịrayị ịhịnta Ijosaya vị, dị ọ rị ohinọyị Ijuda, dị ọ mẹ̀ ẹ ịrayị ohurẹẹwụ tụra ọnya Ijerusarẹmị.

Ahẹ Ụgama 106:39

Ẹ raà sị ebira ẹnị ẹ yaa mẹẹ du ẹngụ ẹnịnị ẹngụ, ẹnịnị ẹ yị kụkụ sị ayị ọnya yị Ohomorihi.

Ayịsaya 57:3

Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa.

Ayịsaya 57:7

Waa nọ ịrẹsụ ataba na mẹ̀ ịsọvọ nịnị, dị ẹwụrị ayẹnẹẹ aa sụ̀ ara ịzọọ nịnị.

Ijeremaya 1:2

Ịrẹyị ana tụ ọ ịrayị ẹwụrẹta ọnị Ijosaya ana vị ozi Amọnị sị rị ohinọyị Ijuda Ẹnẹyịmavara maanị kà ịrẹyị yị Ijeremaya nị.

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 17:2

Aza awụ nịnị anaa mẹ ahẹkẹ ịzị ụta ọnọọ yà, dị ụ raa nọ iruvo avaba ọchị ọnịrị ịrẹsụ ataba ịzị asị ụmọmọ ori ọnyẹnẹẹ ana aā hị́ Asẹra tụ nịnị nị.

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ijeremaya 31:22

Ẹnẹyịmavara kà, ịzị ụ vaa mẹ ọsọọsa nee tu, ẹwụ nịnị ẹnẹ yị nyị ịzẹyịza aanị? Ọ kà ọnị vaa mẹ̀ ịsa ọwọọwa ana vị irenyi ọ̀ mẹ ịnị ẹhẹ. Anisirẹrị nịnị vee sì ịrẹyị Ohomorihi ẹnịnị.

Ijeremaya 5:11

Ẹnẹyịmavara kà, Anisirẹrị ọnịrị Anijuda nịnị ẹ sị ọnị vene saka-saka.

Ijeremaya 7:24

Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ezikẹẹrị 16:31

Utoze-utoze vị ọnị ụ da ịzị aa mẹ orii hi, di waa sẹ̀ ịrẹkaa ngụ ịzọọ zị nị. Ama wẹ́ yị sẹ̀ ịrẹka ka wa sị nyị ẹkẹhị anka ọsẹrẹka ana vọ.

Ezikẹẹrị 16:35

Avọọ, ẹwụ Ijerusarẹmị, ọsẹrẹka odivi ọnọnị, wụ́ ịrẹyị ọnị Ẹnẹyịmavara aa ka.

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

Ezikẹẹrị 23:11

Ọyịnyara anị Ohoriba ộ maanị re e ama vị ọ da ụvọ tụ ịnị ụvọ ịnị ịrẹkọyịsẹ huni Ohora nị.

Ezikẹẹrị 23:4

Ịrẹha ana vị ọzọkụ ọ rị Ohora nị, dị ịrẹha ana vị ozweyi rị Ohoriba nị. (Ohora vị ana jẹẹ yị Anịsamarịya nịnị, dị Ohoriba ọnị jẹẹ yị Anijerusarẹmị nịnị nị.) Ẹnẹyịmavara kà ọnị ộ nyị wa, dị ẹnịnị ma ezi yị ọnị nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 4:13

Ẹ yaa mẹ̀ ịsọvọ ịrẹsụ ataba ọnịrị otutu zịịzị, ẹ yaa mẹ̀ iruvo ọchị oki ọnịrị aha tụra aha ọnị uhuhu anị zoza. Agụvị avọọ, ezi ẹnịnị anẹẹ ọnịrị ose ezi ẹnịnị aa sẹ̀ ịrẹka nị.

Ọdọvịdị 2:17

Ẹnẹyịmavara mẹ maanị ẹ̀ wa, ẹnịnị ẹ yị wụ́ chire ọdọvịdị ẹnịnị nị. Ẹnịnị vị ana yịị dụ ori zị, dị ẹ yaa hẹkẹ wa. Ẹ ra va hụrẹ ịrẹma ohiku ẹnịnị ana saasa ọda Ẹnẹyịmavara. Ẹnịnị ẹ yị hama wa vụrụ-vụrụ.