Ijeremaya 3:3 - IWE ỌNỊNỊ

³ Ọ kà, agụvị avọọ ọnị za orihi jẹẹ, di orihi ịrẹsụ ẹ yị zụ nị. Vị ụ sị mẹ nịnị anka ọsẹrẹka avọọ nị, ụhị ẹ yị nyị ụ nịnị.

Ijeremaya 3:3 Iomraidhean Croise

Oyinyima 19:34

Eyinẹhẹ anị, dị ana vị ọzọkụ rẹ kà a yị ana vị ozweyi dị ọ ka: ọ̀ọ yẹ ka ọnịrị ada anị ọ sụ ẹẹrị nị. Ọ̀ vẹ dị ẹnị ẹ̀ rẹ kà a eche ịrahụ ajịnị, dị ọnịrị ọ ọ̀ rẹ sụ, dị ẹnị ẹ zụ nyị ọza ana vaa dọ ẹnị ịrẹsụ.

Inehemaya 9:17

Ẹnịnị ệ sị ịrẹyị Ohomorihi mẹ̀ iribatọ, di e hí ayị avaba ịvọpa oni Ohomorihi mẹ̀ yị wa nị. Ệ sị akamawụ nyị ọdọvịdị yị ẹngụ ẹnịnị ka ọ̀ kụ́ ẹnị varẹma na vị ọrịhị tụ ẹtẹ Ijipiti. Ama Ohomorihi ọ vị anayamva, dị Ọọ̄ ngwayị ọza nị. Ọnị ọọ̄ mẹ̀ ẹvaguu yị ọza dị ọ̀ yị ma hụra kụ ayị nị. Oō sì ịrẹyị ọza ẹnẹmẹhị. Agụvị avọọ, ẹ yị va ịrẹma ẹnịnị,

Ụhịrẹyị 21:29

Ọza odivi vana mẹ̀ eyidaku ama ọnịzẹyịza ọ yị jị ẹngụ anị ịrẹka.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ijeremaya 14:1

Ịrẹyị ọnị Ẹnẹyịmavara kà yị Ijeremaya ịnị ịpa ọyọjị anaa vẹ yị.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 14:3

Aza ẹbanyị ẹnịnị ẹẹ tụ ezida ẹnịnị ka ẹ̀ na dà enyi vẹ, ệ nọ ịnị ịkangga, ẹnịnị e yi re enyi dà. Ụnọkọ osusu ẹ́ sị vavẹ nị. Ụhị aa nyị wa, ó si hí wa irenu, dị ẹ kụkụ aa sị eyi tẹ̀ nị.

Ijeremaya 14:4

Ka orihi ẹ yị zụ̀, ẹtẹ ọ sị wụ, ayị ọkụrẹkụ nịnị e si du; ẹnịnị kụkụ aa sị eyi tẹ.

Ijeremaya 36:2

Ọnị ọ̀ sị iwe ọgọdọ ana aā kara, dị ọnị ọ̀ chẹrẹ avaba ịrẹyị ọnị ọnị kà yị ọnị ịnị ịpa Isirẹrị ọnịrị Ijuda ọnịrị avaba ẹkụra ana vọ tụ ọ. Ọ kà ọnị ọ̀ chẹrẹ ẹ avaba ịrẹyị ọnị ọnị kà yị ọnị hụrị ụmẹ Ijosaya sị vị ohinọyị huuu va ngụ ajịnị.

Ijeremaya 5:24

Ẹnẹyịmavara kà we yị ma daba ka a nịnị ka waa sị ụbanyị yị ọnị nịnị, ọnị anaa zụ̀ orihi yị wụ nịnị ịnị avaba ụmẹ, dị ọnị aa mẹ ka ịsị ịnị aarẹ awụ nịnị ọọ mẹ.

Ijeremaya 5:25

Ọ kà ebira odivi awụ nịnị ọ raa mẹ ka asị ụ kuku re ịsa ọyịza ẹnẹnị nịnị.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ijeremaya 9:12

Ijeremaya ka ọnị ộ họ̀ Ẹnẹyịmavara use ka, sị ẹ vẹ dị ọ maanị vu ẹkụra ọnọnị ẹtẹ dị ọ kụkụ tịtẹ ụnọmị avọọ? Sị ẹ vẹ dị ẹ yị kụkụ nyị ọza anaa zị oze ịnị anịị parahu? Áá nyị ọza ana yẹ ịrẹyị ana yẹ ọsọnị? Áá nyị ọza ọnị Ẹnẹyịmavara kà a zụ ka ọ vaa kà a yị aza ana vọ kẹ?

Ezikẹẹrị 3:7

Ama Anisirẹrị nịnị ẹ yị vaa wụ́ ịrẹyị anị, agụvị ka ẹnịnị ẹ́ yị hyakụ tenyi ẹngụ ọ̀ yị wụ́ ịrẹyị ọnị Ohomorihi. Ayị avaba Anisirẹrị nịnị vị ana katẹngụ ẹnịnị ẹ yị ma wụ́ ịrẹyị ọza.

Ireevi 26:19

Ọ kà ọnị vaa gara ụkata ẹnẹ ẹnịnị vavọọ è sii wùu zị avọọ ha; ọnị vaa mẹ ka à sị orihi zụ̀ yị wa, dị ẹtẹ ẹnịnị wụ, dị ọ katẹngụ anka enyusẹ avọọ.

Emọsị 4:7

Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa;

Emọsị 4:8

enyi ana zwọ, aza ee si enyi woowo hụrẹ ẹkụra ẹnyị na ngụ ọsa, di e yi re ana hụụ wa hu. Ama ẹnịnị ẹ yị va hụvị avọọ ro ịnẹ dị ẹ ka Ẹnẹyịmavara na.

Ịzẹhwanaya 2:1

Dị Ẹnẹyịmavara kà, ẹnịnị anẹkụra ọnị ụhị ẹ yị mā nyị aanị, ẹ́ẹ́ kụ ẹngụ gụ di ee ro ịnẹ varẹma?

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Ịhagayị 1:11

Ohomorihi ộ mẹ̀ ọda ka ọyọjị ọ̀ wara avaba ịsa ene hi inozi ọnịrị ịrẹsụ ataba, dị ộ zàmà ịsa ịnị aarẹ ọnịrị ụbazị ịvayịnị anaā sịị mẹ̀ eche ọwọọwa ne beri ọchị orivi anaā sịị mẹ angwẹ. Dị ụngwẹ kụ avaba aza ọnịrị uye, di ô du avaba ịsa ẹnị ẹ rị ụya tụra ịrẹsụ ha.

Iwe Ọhụhị Imosiisi ana aa hị́ Ọyịvatụrọda 28:23

Orihi ẹ yị vaa zụ̀ụ yị wụ nịnị, eteesu awụ nịnị vaa katẹngụ anka enyusẹ.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?