Ijeremaya 3:21 - IWE ỌNỊNỊ

²¹ Aa wụ́ ka aza ee na owu ịrẹsụ ataba. Anisirẹrị nịnị aa jị òrèrè, dị ẹ yaa da ịpẹ nị, agụvị ka ẹnịnị ẹ sị ebira odivi-odivi mẹ. E reè hi ayị Ẹnẹyịmavara, Ohomorihi ẹnịnị.

Ijeremaya 3:21 Iomraidhean Croise

Ijoovu 33:27

Avọọ dị aa kà yị aza ka ọnị ọ mẹ̀ ịvị, dị ọnị mẹ̀ ịsị ẹ vọrọ, ama Ohomorihi ọ yị si ọnị atọ.

Ụhịrẹyị 10:9

Ẹ yị nyị ịsị ee chire ọza ana aā mẹ ịrẹyị ana vọrọ angwa ama ụvọ vee ku ọza ana a mẹ asuvu.

Ụhịrẹyị 19:3

Ọza ẹnyị ọọ raa sị ụra wụ ẹngụ anị dị a su ọ za Ẹnẹyịmavara.

Ayịsaya 15:2

Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị.

Ayịsaya 17:10

Ẹwụ nịnị Anisirẹrị, we reè hi ayị Ohomorihi ana dọ wụ nịnị ha. Wẹ yị kụkụ tamayị ka ọnị ọ vị ụkata ana sị wụ nịnị tẹ nị. Wá tọ̀ọ́ ihu ene zoza hụrẹ ẹkụra ọsa va da ụbazị agụvị we re oze hẹkẹ ori anẹkụra ọsa.

Ayịsaya 57:11

Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị?

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 13:25

Ọ kà ịsị e vee tù u nịnị yị. Ịsị ọnị vaa mẹ ụ nịnị ọ vị ọnọọ nị, agụvị ka we ree hi ayị anị nịnị, dị ụ kụkụ sị ayị tụra ori ana ahịka apẹ kẹnẹ ẹ vị nị.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 2:32

Ozwoorihi óó zụ hi ayị ẹnya ọvị anị kẹ? Ọnẹẹ anaa va ọnọrụ oo zụ hi ayị ịta anaa kụ hi ẹngụ ịhị anaa va ọnọrụ? Ama o si kù ọnị aza anị hụrẹ hi ayị anị.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Ezikẹẹrị 23:35

Avọọ, Ẹnẹyịmavara Ananyị ụkata hu ka, agụvị ka wê hí ayị anị, waa varẹma ka ọnị, ụ vaa rị ụya ịsị ọnị ụ vavọọ aa dụ gògògò avọọ, dị ụ rị ụya ịrẹkọyịsẹ awụ.

Ezikẹẹrị 7:16

Aza enee zwe, dị e ne hi ịrẹsụ ataba anka arivadi ana a dụ hụụ inozi avọọ. Avaba ẹnịnị va jị òrèrè agụvị ebira odivi ẹnịnị.

Ihoseya 13:6

Ama ịjị ẹ sị ịsa rị, dị ịnẹ sị wa ha, dị e yee wu, dị ayị anị hi wa nị.

Ihoseya 8:14

Ẹnẹyịmavara kà Anisirẹrị nịnị e hi ayị ọnị ana tụ wa, dị ẹ yaa dà irehi ẹbanyị-ẹbanyị yị ohinọyị ọnịrị ẹkụra ẹbanyị-ẹbanyị ana a jị ọvọ kara ẹtẹ Ijuda, avọọ ọnị vaa tụ́ ịra ka o du irehi ẹnẹẹ ha.

Imika 3:9

Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị.

Ịrịka 22:32

Dị anggẹẹrị Ẹnẹyịmavara họ̀ ọ ka, sị ẹ vẹ dị ọ nya ịkẹrịkẹtẹ ịsa ụpẹ ẹẹta? Ọnị ọ va jẹẹ oze ka asị o re oze parahu agụvị ụsẹ akụvị anị nị.

2 Anịkọrịntị 7:10

Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị.