Ijeremaya 3:2 - IWE ỌNỊNỊ

² Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ijeremaya 3:2 Iomraidhean Croise

Oyinyima 38:14

Di Ịtama wụsẹ ngwa awuru orere anị tịtẹ, dị ọ na sị ubobo dị ọ và a kú eyi nị ka asị a yẹ oni nị. Dị ọ na yaayịtẹ ózee ana zị naa ngụ Enayimi nị. Ịzọọ vị ana yà oze Itimina. Iruvo ọnị ọ maanị sị mẹ ọ vị ka ô re ka Isera ọ sị vịra, ama ọza ọ yị kà a ka o ve kú ọ ogu.

1 Ohinọyị 11:3

Ẹnị ezi ohinọyị ana vị ese Isoromọnị ịnị anẹẹ ẹnẹẹ vị ẹnị akatarẹchẹhị (700), di onyeehi anị ẹnị vi ịrẹkẹẹchẹhị (300) nị. Di ese Isoromọnị ẹnẹẹ za a di e jesi ọ ayị nị.

2 Ohinọyị 23:13

Avọọ Ohinọyị Ijosaya mẹ rẹ du aha ori irenyi-irenyi ọnị Isoromọnị dà hi ịrẹsụ ataba ene hi eyi ịzị ọyịị̄ vẹ Ijerusarẹmị akẹtẹ ataba Orivi. Ịrẹsụ ataba ẹnẹẹ a yaa hẹkẹ Asịtọrẹtị, ori ọnẹẹ Anịsayịdọnị ọnịrị Ichemosi, ori Animowabi ne beri Imorẹkị, ori Anamọnị nịnị.

Ahẹ Ụgama 106:38

Ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ wụ̀ ọ, avọọ ẹ mẹ̀ raa wụ ezi ẹnịnị, dị ẹ yaa sịị mẹ ịsọvọọ yi ori Anikenaani nị. Ẹ raà sị du ẹtẹ ọnọọ ẹngụ.

Ụhịrẹyị 23:28

Ẹnịnị vị eneē zi ọza anka anako nịnị avọọ. Ẹnịnị ẹ mẹ̀ ka asị anọrụ ọrụrụ-ọrụrụ mẹ ịzẹyịza ka ese ẹnịnị na nị. Ịrẹyị ana tụ ọ ẹwụrẹhịnta.

Ụhịrẹyị 7:11

Ịbẹhị anị ọ sị ụhị wara rị. Ọ sị chomina tụ ẹhẹ. Ọ mā za uruvo kwẹẹtẹ ịnị eehi anị.

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 2:23

Ọ kà ẹnịnị ẹ́ẹ́ zụ ka a ka ẹnị ẹ yị sị ẹngụ ẹnịnị du ẹngụ aanị, ẹ́ẹ́ zụ ka a ka ẹnị ẹ yị mẹ̀ ori anaā hị́ Ịbaarị? Ọ kà ẹnịnị è re ịsị ẹnẹ raa mẹ, di è re ẹ mẹmẹ mẹ ịvị. Ọ kà vị ẹnịnị sị mẹẹ anka ịnyaakụmị ọnẹẹ enee si ka ọnị ọ̀ tụra di ee zwee zị,

Ijeremaya 2:7

Ọ kà ọnị ộ kụ ụ nịnị ve hi ịnị ẹtẹ ọyịza-ọyịza ka wa va rị ẹtụtụ ọnịrị ịsa ozoza-ozoza ene hi ịzọọ. Ama ịjị ụ tù ịzọọ nịnị wa sị ẹtẹ ọnọọ du ha nịnị. Ẹkụra ọnị ọnị sị yị wụ nịnị we si o du ẹngụ nịnị.

Ijeremaya 3:1

Ẹnẹyịmavara kà, ọza ọ̀ọ jị ose anị ịjẹvụ, dị ose anị ọnọọ hụụ ịdị anị, dị ọ na va ọnọrụ ọsa nị, ọza ọnọọ ẹ yị kụkụ zụ dọ ọ varẹma. Ọza ọnọọ ọ̀ọ dọ ọ varẹma, ọ sị ẹtẹ du saka-saka. Ama, ẹwụ nịnị Anisirẹrị, ẹwụrị onyeehi ọrụrụ ọ na ra sẹ̀ ịrẹka zịịzị. Ụ́ wáá kụkụ a vaa vàa ka mịị vẹ nịnị booro aanị nị?

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 3:21

Aa wụ́ ka aza ee na owu ịrẹsụ ataba. Anisirẹrị nịnị aa jị òrèrè, dị ẹ yaa da ịpẹ nị, agụvị ka ẹnịnị ẹ sị ebira odivi-odivi mẹ. E reè hi ayị Ẹnẹyịmavara, Ohomorihi ẹnịnị.

Ijeremaya 3:9

Isirẹrị ọ sị ẹkụra du. Ịrẹta ọnịrị ọchị ọnị ọ naa hẹkẹ vị ịrẹka ọyị sẹ yọ. Ịrẹka ọyị sẹ vị ịsa oweyi eyi anị.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Ezikẹẹrị 16:16

Ịta awụ ẹnyị vị ọnị ụ sị mẹ ịzị ụ yaa mẹ ahẹkẹ nịnị ọvị anka ọsẹrẹka avọọ. Avaba ọza ụ kụkụ sị ẹngụ awụụ yị nị.

Ezikẹẹrị 20:28

Ọ kà ọnị ộ kụ wa va ngụ ẹtẹ ọnị ọnị kà a ka ọnị aa sịị yị wa. Ahatụraha aha ẹnẹ ẹnịnị ee ré ataba ana nẹba ọnịrị ọchị avị-avị nịnị kẹnẹ, dị ẹ na yà ịzọọ aa mẹ̀ ịsọvọ. Ịsị ịsọvọ ẹnẹ ẹyaa rị ịra ọnịrị eche ẹnẹ ẹyaa sị mẹ̀ ịsọvọ vị ọnị ẹyaa sịị mẹ ayịị kụ ọnị.

Ihoseya 2:5

Ọnyị ẹnịnị vị ọsẹrẹka ana sị ụhị wara rị. Ịnị ịrẹkọyịsẹ ọ ya dọ ịrẹẹ ẹnẹẹ nị. Ọ kà ọnị aa dụ onyeehi zịị agụvị dị ọnị ọ rị, dị ọnị o hu, dị ọnị nyị achị ọnịrị angwẹ orivi ne beri eche nị.

Iruuku 16:23

E mè ne e, ộ na yà ini ẹkụra, dị aa rị ụya nị. Dị ọ kụ̀rà eyi tụ́ ẹba, di ee re Abụrahamị ẹ́nẹẹnẹ nị. Di o ree re Ịrasarụsị ị́dị anị nị.

Iwe Ọhụhị Imosiisi ana aa hị́ Ọyịvatụrọda 12:2

Anẹkụra irenyi-irenyi ana ra ịzọọ vị ana hẹkẹ ori ẹnịnị. Ịjị ẹ̀ẹ raa dọ ẹtẹ ọnọọ, e du avaba aha ana a yaa hẹkẹ ori ene hi ịrẹsụ ataba ọnịrị ịrẹsụ otutu irenyi-irenyi a vị iruvo ọchị ẹbanyị-ẹbanyị ịzị ẹẹ̄ mẹ ori.