Ijeremaya 3:13 - IWE ỌNỊNỊ

¹³ Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 3:13 Iomraidhean Croise

Inehemaya 9:2

Ẹnịnị ệ hụrẹ ẹngụ anẹkụra ọsa, dị ẹ jẹẹ aha ẹnịnị, dị ẹ dọ irenu ebira odivi ọnị ẹnịrị ohiku ẹnịnị mẹ nị.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ayịsaya 57:5

Ẹwụ nịnị anaa hẹkẹ ori ọnị ụ ka ọ zụ mẹ ka ọza ọ̀ ma ozi, dị ẹwụrị ọnyẹnẹẹ aa na sụ̀ ara iruvo ọchị ọnị ụ jị ori nịnị. Waa sị ezi ewu nịnị nọ ịnị ụtẹha ịrẹta ọnịrị ụtọ okuha naa mẹ̀ ịsọvọ nịnị.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 14:20

Ẹ ka, ẹnị ệ dọ irenu ebira odivi ẹnịnị ọnịrị ebira odivi ohiku ẹnịnị ka ẹnị ệ rị ịvị Ẹnẹyịmavara.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 2:25

Ọ kà, ẹwụ nịnị Anisirẹrị, sị ẹ vẹ dị wẹ yị dọ ka waa va hụụnị ori ọnị wa dụụ zị dị ụ ta mẹ sẹkẹ-sẹkẹ nịnị aanị? Ama ẹwụ nịnị ka, asị mị du irenu amị ha, agụvị ka vị ụ nyayịnẹ sì ịrẹyị ori ẹnẹnị nịnị nị. Ori ẹnẹnị vị ịsị ọzọga yị ụ nịnị. Ama ụ ka wẹ yị kụkụ zụ hụrẹ wa ụvọ nịnị.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ijeremaya 7:24

Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.

Ezikẹẹrị 16:15

Ama waa hụ̀ agụvị uzoza awụ ọnịrị agụvị ka waa ngụrẹyị dị ụ kụkụ aa sẹ̀ ịrẹkaa zị nị.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.

Iwe Ọhụhị Imosiisi ana aa hị́ Ọyịvatụrọda 12:2

Anẹkụra irenyi-irenyi ana ra ịzọọ vị ana hẹkẹ ori ẹnịnị. Ịjị ẹ̀ẹ raa dọ ẹtẹ ọnọọ, e du avaba aha ana a yaa hẹkẹ ori ene hi ịrẹsụ ataba ọnịrị ịrẹsụ otutu irenyi-irenyi a vị iruvo ọchị ẹbanyị-ẹbanyị ịzị ẹẹ̄ mẹ ori.