Ijeremaya 3:11 - IWE ỌNỊNỊ

¹¹ Ijeremaya ka, dị Ẹnẹyịmavara kà a yị ọnị ka ọọ daka vị ka Isirẹrị ọ raa va ịrẹma ka ọnị, aanị ọ dahi huni Ijuda ẹnẹẹ yị nyị ịzẹyịza nị.

Ijeremaya 3:11 Iomraidhean Croise

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ijeremaya 3:7

Ẹnẹyịmavara kà ọnị ô rò ka ọ̀ọ sị avaba ẹsẹnị mẹ, ọ vaa và a ka ọnị vẹ, ama ọ yị và vẹ. Ijuda, onyeyiza anị ẹnẹẹ yị nyị ịzẹyịza oo ré avaba anị nị.

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ezikẹẹrị 16:47

Ụ ka ebira ẹnịnị ẹ́ yị hụ wụ ọ̀yị saasa, dị waa hama waa mẹ ịsị eenyisi ẹnẹ ẹyaa mẹ nị. Éyiye, ụmẹ chee ọnị ụ nyị, ebira kẹnẹ-kẹnẹ ọnị waa mẹ ọ sị huna ẹẹnịnị ịnị avaba oze tụra oze.

Ezikẹẹrị 23:11

Ọyịnyara anị Ohoriba ộ maanị re e ama vị ọ da ụvọ tụ ịnị ụvọ ịnị ịrẹkọyịsẹ huni Ohora nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 4:16

Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ?