Ijeremaya 3:10 - IWE ỌNỊNỊ

¹⁰ Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Ijeremaya 3:10 Iomraidhean Croise

2 Ịtọpa 34:33

Ohinọyị Ijosaya ộ kụ́ avaba ori hụrẹ ẹtẹ Anisirẹrị nịnị, dị ọ mẹ ka avaba aza ene hi Isirẹrị ẹẹ hẹkẹ Ẹnẹyịmavara Ohomorihi ẹnịnị nị. Pooro dị ọ va hụrẹ ẹhẹ, ẹ yị nyị ọza ẹnịnị ana va ịrẹma Ẹnẹyịmavara ana vị Ohomorihi ohiku ẹnịnị.

Ahẹ Ụgama 18:44

Ịsị ẹ̀ẹ wụ́ ka mâ kà kẹnẹ, obobooro ẹ wụsẹ aa mẹ̀ ẹ nị Ọzọga nịnị ẹ yị hyakụ nyayịnẹ kụ̀rà eyi re mi.

Ahẹ Ụgama 66:3

Waā kà a yị Ohomorihi nịnị ka ụkọrọ amị vi ene eē hí ọza angwa. Kà a ka ụkata anị ọ banyị pooro ana ahịka ọnịvị anị mè re e, vị angwa ee hi wa dị ẹ yaa vaa kú ẹtẹ nị.

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 12:2

Wee chire wa tụ ịnị ẹkụra, ẹ sị ẹpa nyị; Ẹnịnị ệ hụ dị ẹ yaa tụ ẹtụtụ nị. Ịrẹyị awụ vị ẹnị ẹ sịị̄ tụ irenu pooro kẹnẹ ama ẹ yị yaa wa ayị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Ihoseya 7:14

Ẹnẹyịmavara kà ẹnịnị ẹ yị sị ayị ọnya na owu hi ọnị ẹngụ. E hi ịrẹsụ ode ẹnịnị aa jị òrèrè kẹnẹ nị. Ẹnịnị vị anaa sị ịsa na ẹngụ ẹnịnị yị ori anikinami ka ẹ mẹ̀ ịsa ịnị aarẹ nịnị zoza, dị ẹnị ẹ nyị akụ ọnịrị eche.

Emọsị 4:9

Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara.

Ịmarakayị 2:11

Ezi Anijuda nịnị ẹ yị mẹ ịzẹyịza ka Ẹnẹyịmavara na. Ụ̀nọ̀ ọnị ẹ yaa mẹ ọ sị charaga hi Ijerusarẹmị ọnịrị ẹtẹ Anisirẹrị ana vọ. E re du irehi Ẹnẹyịmavara. Irehi ọnọọ vị ọnị Ohomorihi sì ịrẹyị anị. Anọrụ ẹnịnị ẹ na raà nyị anẹẹ ana hẹkẹ ori.