Ijeremaya 3:1 - IWE ỌNỊNỊ

¹ Ẹnẹyịmavara kà, ọza ọ̀ọ jị ose anị ịjẹvụ, dị ose anị ọnọọ hụụ ịdị anị, dị ọ na va ọnọrụ ọsa nị, ọza ọnọọ ẹ yị kụkụ zụ dọ ọ varẹma. Ọza ọnọọ ọ̀ọ dọ ọ varẹma, ọ sị ẹtẹ du saka-saka. Ama, ẹwụ nịnị Anisirẹrị, ẹwụrị onyeehi ọrụrụ ọ na ra sẹ̀ ịrẹka zịịzị. Ụ́ wáá kụkụ a vaa vàa ka mịị vẹ nịnị booro aanị nị?

Ijeremaya 3:1 Iomraidhean Croise

Ahẹ Ụgama 106:38

Ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ wụ̀ ọ, avọọ ẹ mẹ̀ raa wụ ezi ẹnịnị, dị ẹ yaa sịị mẹ ịsọvọọ yi ori Anikenaani nị. Ẹ raà sị du ẹtẹ ọnọọ ẹngụ.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 2:23

Ọ kà ẹnịnị ẹ́ẹ́ zụ ka a ka ẹnị ẹ yị sị ẹngụ ẹnịnị du ẹngụ aanị, ẹ́ẹ́ zụ ka a ka ẹnị ẹ yị mẹ̀ ori anaā hị́ Ịbaarị? Ọ kà ẹnịnị è re ịsị ẹnẹ raa mẹ, di è re ẹ mẹmẹ mẹ ịvị. Ọ kà vị ẹnịnị sị mẹẹ anka ịnyaakụmị ọnẹẹ enee si ka ọnị ọ̀ tụra di ee zwee zị,

Ijeremaya 2:7

Ọ kà ọnị ộ kụ ụ nịnị ve hi ịnị ẹtẹ ọyịza-ọyịza ka wa va rị ẹtụtụ ọnịrị ịsa ozoza-ozoza ene hi ịzọọ. Ama ịjị ụ tù ịzọọ nịnị wa sị ẹtẹ ọnọọ du ha nịnị. Ẹkụra ọnị ọnị sị yị wụ nịnị we si o du ẹngụ nịnị.

Ijeremaya 22:20

Ijeremaya ka, ẹwụ nịnị Anijerusarẹmị, nọ Ịrẹbanọnị nịnị dị we nee nowu, nọ ẹtẹ Ịbasanị dị waa jị òrèrè nịnị. Yà ịnị ataba Imowabi dị wee nowu booro-booro nịnị, agụvị ka asị avaba aza ẹnẹ ẹwụrị sì ịrẹyị ẹngụ nịnị hu ẹtẹ.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ijeremaya 3:9

Isirẹrị ọ sị ẹkụra du. Ịrẹta ọnịrị ọchị ọnị ọ naa hẹkẹ vị ịrẹka ọyị sẹ yọ. Ịrẹka ọyị sẹ vị ịsa oweyi eyi anị.

Ijeremaya 31:22

Ẹnẹyịmavara kà, ịzị ụ vaa mẹ ọsọọsa nee tu, ẹwụ nịnị ẹnẹ yị nyị ịzẹyịza aanị? Ọ kà ọnị vaa mẹ̀ ịsa ọwọọwa ana vị irenyi ọ̀ mẹ ịnị ẹhẹ. Anisirẹrị nịnị vee sì ịrẹyị Ohomorihi ẹnịnị.

Ijeremaya 4:1

Ẹnẹyịmavara kà, ẹwụ nịnị Anisirẹrị ọ và ka ọnị vẹ, ọ ka wàa mẹ ịzẹyịza hi ọnị nịnị, dị ụ va ori awụ nịnị ha nị, agụvị ka ọnị ọọ nyị ịhyẹrẹ ori.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Arụwẹ 1:2

Avaba ịrahụ vị ọnị Anijerusarẹmị aa jị òrèrè dị eyi ẹnịnị vị ẹgọ-ẹgọ. Ịnị avaba aza ẹnị ẹnịrịị vịdị vị ọta ẹ́ yị va nyị ikonya ana va sị wa ayị nẹtẹ. Avaba aza ọnị ọnịrịị vịdị zee vi ene vene e, dị ẹ varẹma kụkụ kwẹẹtẹ tu wa nị.

Ezikẹẹrị 16:26

Ẹwụrị ọnọhụva awụ nịnị, Anijipiti nịnị, ene eyi anị ẹ̀ yị ma hụrẹ, ê dudu sẹ̀ ịrẹka, dị ụ mẹ ka ọnị ọọ kụ ayị nịnị nị.

Ezikẹẹrị 16:30

Ẹnẹyịmavara Ananyị ụkata hu ka, ẹwụ ọsẹrẹka ọnị ụhị ẹ̀ yị ma nyị, wee re avaba ịsa ọnị ụ mẹ.

Ezikẹẹrị 16:35

Avọọ, ẹwụ Ijerusarẹmị, ọsẹrẹka odivi ọnọnị, wụ́ ịrẹyị ọnị Ẹnẹyịmavara aa ka.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ihoseya 1:2

Ịnị ụmẹ ọnọọ, Ẹnẹyịmavara nyima aa tụ Ihoseya hi Anisirẹrị nị. Ọ́ kà Ihoseya ọ̀ na nyị ọsẹrẹka, dị ọ ma ezi ẹngụ ọza ẹnẹsa yọ. Ộ kà ọ vavọọ mẹ, dị ọ sị zụ Anisirẹrị nịnị mẹmẹ para ọnị hu naa hẹkẹ ori.

Ihoseya 2:2

Dị Ẹnẹyịmavara kà Isirẹrị ọ yị kụkụ vị ose anị, dị ọnị ọ yị rẹ kụkụ vị ọva anị nị. Ộ kà ẹnịnị ẹ da ịpẹ yị ọnyị ẹnịnị ka asị ọ rẹ kụkụ sẹ̀ ịrẹka. Dị ọ hụrẹ ụvọ onyeehi ẹnẹẹ ọnị ọ za ku ayị.

Imika 2:10

Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ.

Ịzakaraya 1:3

avọọ ọ ka ọnị ọ ka yị wa ka, ọnị Ẹnẹyịmavara Ochẹtẹẹngụ ka, ẹnịnị ẹ varẹma ka ọnị vẹ, dị ọnị ọ rẹ varẹma ka wa na.

Imatiwu 5:31

“A rẹ kà a ka: ‘Ọza ene èe yi ose anị, ọ̀ sị iwe ivenu yọ!’

Iwe Ọhụhị Imosiisi ana aa hị́ Ọyịvatụrọda 22:21

Dị a sị ọ na ọvịdị irehi ada anị, dị anọrụ sị ịrẹta-ịrẹta wụ̀ ọ agụvị ka ộ mẹ̀ ụhị nyị aza anị Anisirẹrị. A raà sị ọ hụ́ ịnị eehi ada anị dị ọ vaa nyị ọnọrụ. Ọkarẹyị ana mẹ yọ vị ana ka a sị sị ebira odivi ba ẹtẹ chire.

Ọdọvịdị 19:2

Ama onyeehi anị ọnọọ ọyị jẹẹ yị ọnịnya kẹnẹ. Dị ọ para ọnọrụ ọnọnị hu dị ọ na ineehi ada nị Ịbẹtịrẹhẹmị ịnị ẹtẹ Ijuda ọ ya ịzọọ mẹ ụhwẹ ọyịvụrụ ẹẹta.