Ijeremaya 26:6 - IWE ỌNỊNỊ

⁶ Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 26:6 Iomraidhean Croise

2 Ohinọyị 22:19

ka ô ro ịnẹ, dị ọ va ẹngụ anị nẹtẹ, dị ọ na awuru anị hi ẹngụ, dị ọ sụ ùnè agụvị ka ộ wụ́ ka oni o chi hi wa ka ọnị vaa sị ụya rị Ijerusarẹmị ọnịrị aza ene hi ịzọọ. Ẹnẹyịmavara kà ọnị ọ raà wụ́ aduwa anị.

Ayịsaya 43:28

Agụvị avọọ mị mẹ̀ ụhị nyị ohirẹsụ irehi Ohomorihi awụ nịnị nị. Mâ mẹ ka è vu Isirẹrị ẹtẹ, dị aa kụ̀ Anisirẹrị nịnị ụhụ.

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 25:18

Ọnị ộ sị ọ ne tu Anijerusarẹmị ọnịrị avaba ẹkụra ene hi Ijuda, beri ohinọyị ẹnịnị ọnịrị ọdọvịdị ẹnịnị, dị á mẹ ka avaba ẹnịnị è hú ịnị anị nị. Dị ẹnịnị hụ́ hụrị ẹkụra nị. Aza ene re e vị ọnị ọ́ za zizi dị angwa ee hí wa. Dị aza kụkụ aa sị ịrẹha ẹnịnịị chii hị́ aza pooro ve tu ajịnị nị.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 29:22

Ịhị aza ana a za ọrịhị hụrị Ijerusarẹmị ne hi Ịbabịrọnị aanị ẹẹ ka ẹnị aa tụ ozirenuu hi ọza, ẹnịnị kụkụ vaa kà a ka; Ẹnẹyịmavara ọ̀ mẹ wụ anka ọ́ mẹ mẹ Ịzẹdẹkaya ọnịrị Ahabị ọnị ohinọyị Ịbabịrọnị hù irenyi-irenyi avọọ.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Arụwẹ 2:15

Avaba aza anaa parahu kụkụ a sị Ijerusarẹmị mẹ enyinyi. E yee henyi ịrẹsụ dị eyee nyinyi ka a sị Ijerusarẹmị vú ẹtẹ nị. Dị ẹ ka ẹkụra ana maanị zoza ana avaba anẹhẹ aa sịị me eyi ịjọnọọ waa yị?

Arụwẹ 2:16

Avaba ọnịvị Ijerusarẹmị nịnị vị ana kụkụ aa sị ọ mẹ enyinyi, dị ẹ kụkụ aa sị eyi oweyi re e nị. Ẹ kụkụ à jị aahị hi wa, dị ẹ yaa ka a ka imba ẹnị ẹ sị ọ vú ẹtẹ nị. Ẹ kà ẹkụhị ọnị ẹnị jẹẹ ee zí eyi yị.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ịzakaraya 5:3

Dị anggẹẹrị kà yọ ka ini iwe ọnọnị a chẹrẹ ozirenu ana a tụ́ hi avaba anẹhẹ. Akaha ọnya ịnị iwe ọnọọ a chẹrẹ ẹ ka Ohomorihi vaa wụ̀ ọza tụra ọza ene yi oyi. A rẹ chẹrẹ tụ́ ịnị akaha ọsa ka Ohomorihi vaa wụ̀ ọza tụra ọza ene cheeche dị a hị́ eku tụ́ ọ.

Ịmarakayị 4:6

Ọ kà ọnị va mẹ ka ada ozi ọnịrị ezi ee zee. Ẹ yị vavọọ zee, dị ọnị wụ̀ aza ene hi ịzọọ, dị ọnị du ẹtẹ ọnọọ.

Ijosuwa 18:1

Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.