Ijeremaya 26:5 - IWE ỌNỊNỊ

⁵ ẹnịnị ẹ̀ yị saasa ịrẹyị ezi ahụ anị ọnịsẹ nịnị ọnị ọ naa tụụ hi wa pooro dị ẹ ka ẹnị ẹ́ yị wụ aanị.

Ijeremaya 26:5 Iomraidhean Croise

2 Ohinọyị 17:13

Ẹnẹyịmavara ộ vịdị tụ́ avaba ọnịsẹ anị nịnị va ka Anisirẹrị ọnịrị Anijuda nịnị ọnọ ka, “Và hụụnị ẹhẹ edivi awụ nịnị, dị ụ waa saasa ọda amị nịnị, anka ọda ọnị mị mẹ yị ohiku awụ nịnị, dị mị sị tụ ọnịsẹ amị nịnị hi wu nịnị.”

2 Ohinọyị 17:23

Dị Ẹnẹyịmavara va dụ wa kwooze ka à sị ọnị kuku re wa nị. Ộ vịdị vavọọ raà tụ ọnịsẹ anị nịnị va ka wa ọnọ ka ọnị vavọọ vaa mẹ wa. Avọọ á mẹmẹ va za Anisirẹrị nịnị ne hi Asiriya pooro ve tu ajịnị nị.

2 Ohinọyị 24:2

Ẹnẹyịmavara ộ tụ́ isoja Ikaridi, Aramị, Imowabi, ọnịrị Amọnị nịnị ka ẹ kụ́ ịrẹkụ tụ́ Ijuda di e vu wa ẹtẹ anka Ẹnẹyịmavara mẹ vịdị raà tụ́ ọnịsẹ anị ka ọnị va mẹ̀.

2 Ohinọyị 9:7

Ọ kà wa wụ̀ ọga awụ, ohinọyị ana vị ozi Ahabị, agụvị ọnị ọ̀ sị ụya rị Ijezebẹrị agụvị ọnụtụ anị ọnịsẹ nịnị ọnị ọ wụ, ọnịrị agụvị ezi ahụ Ẹnẹyịmavara ana vọ ọnị ọ wụ.

Ẹzịra 9:11

Ẹwa tụ́ ezi ahụ awụ ọnịsẹ nịnị ka ẹ kà a yị ka ẹtẹ ọnị yaa naa dọ aanị vị aha ọnị anẹkụra anị raà sị ebira odivi du. Ebira odivi ẹnịnị vị ene chi ẹtẹ ẹngụ. Ẹnịnị ẹ yị nyị enyisi.

Ijeremaya 11:7

Ẹnẹyịmavara kà, ọnị mẹ kụ ohiku ẹnịnị hụrị Ijipiti ọnị ộ kà wa ọnọ ẹtẹẹtẹrẹ ka ẹnịnị ẹẹ saasa ịrẹyị anị. Vị va ngụ ajịnị vị ọnị ọnị aa kịị kà wa ọnọọ.

Ijeremaya 29:19

Ẹnẹyịmavara kà aanị ọ́ mẹ vaa yà yị wa nị, agụvị ka ẹnịnị ẹ́ yị saasa ịrẹyị anị ọnị ọnị aa sịị tụ ezi ahụ anị ọnịsẹ nịnị hi wa. Ẹnịnị ee yí ka ẹnị ẹ yị wụ.

Ijeremaya 32:33

Ọ kà, ẹnịnị ệ varẹma ka ọnị, ọnị ọ ka ịrẹyị yị wa pooro ẹnịnị ẹ́ yị wụ́ ịrẹyị anị.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 35:17

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị vaa sị ụyaa rị ẹwụ nịnị Anijuda ọnịrị Anijerusarẹmị anka ọnị mẹ kà a tịtẹ. Ọ kà ọnị vavọọ aa mẹ wụ nịnị agụvị ọnị ộ kà ịrẹyị yị wụ nịnị ama wẹ yị wụ; ọnị ộ hị́ wụ nịnị, we yi tụ́ ohi.

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Ijeremaya 7:13

Ẹnẹyịmavara kà, ụ mẹ maanị aa yịị mẹ̀ ebira odivi ọnọnị nịnị, ọnị ộ ka ịrẹyị wụ nịnị pooro, ama ụka wẹ yị wụ nịnị, ọnị ộ hị́ ụ nịnị ama we yị tụ́ ohi nịnị.

Ijeremaya 7:25

Ẹnẹyịmavara kà, hụrị ụmẹ ọnị ohiku awụ nịnị sị hụrẹ Ijipiti pooro va ngụ ajịnị, eyinị-eyinị ọnị aa tụ ọnụtụ anị nịnị ana vị ọnịsẹ hi ụ nịnị nị.

Ezikẹẹrị 38:17

Ẹnẹyịmavara Ochẹtẹẹngụ ka, ẹwụ ọnị aa kà ịrẹyị anị hụrị ụmọrụmọ nị. Ụmẹ avọọ ọnị tụ ezi ahụ anị, ọnịsẹ Anisirẹrị nịnị ka ẹ̀ kà a ka, ẹkụhị aa vẹ, ọnị ọnị vaa tụ ọza-ịnya ka ọ̀ kwẹẹtẹ tu Anisirẹrị nịnị nị.

Emọsị 3:7

Ịzẹyịza Ananyị yi Ẹnẹyịmavara ọ mā mẹ̀ ịrẹyị dị asị ọ sị iruvo anị zụ ezi ahụ anị ana vị ọnụtụ anị.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Ẹtore 10:7

Ọ kà anggẹẹrị ọhụhịmba ọ̀ọ sị ọpanyị anị hú, Ohomorihi vaa mẹ̀ ịsa ana nyịnẹ ọnị ọ vịdị mẹ eto anị tịtẹ, anka ọ mẹ̀ vịdị kà a zụ ọnịsẹ nịnị ana vị ezi ahụ anị.

Ẹtore 11:18

Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ.