Ijeremaya 26:4 - IWE ỌNỊNỊ

⁴ Ijeremaya ka Ẹnẹyịmavara kà ọnị ọ̀ kà a yị aza ẹnẹẹ ka, ẹnịnị èe yị ka ẹnị ẹ́ yị wụ́ ịrẹyị ọnị Ẹnẹyịmavara, dị ẹnịnị ẹẹ saasa ọda ọnị ọnị sị yị wa nị,

Ijeremaya 26:4 Iomraidhean Croise

1 Ohinọyị 9:6

Ama ẹnị beri ezi ẹnịnị ẹ̀ẹ na và ịrẹma amị, dị ẹnịnị ẹ̀ yị si eyi pè ọda amị ọnị mị mẹ yị wa nị, ẹ̀ẹ na saasa ori dị ẹ yaa hẹkẹ ori, di eyee kú ẹtẹ yị wa nị,

Ayịsaya 1:20

Ama wàa si eyi wụ̀ mị, ịrẹkụ ọ vaa wụ̀ wụ nị.

Ijeremaya 17:27

Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Ijeremaya 22:5

Ẹnẹyịmavara kà, ama àa vị ka, wẹ yị saasa ọda ẹnẹnị nịnị, ọnị ọ sị ẹngụ anị hị́ eku ka, irehi ohinọyị awụ nịnị ọnọnị vị ọnị ọnị aa jị eburu.

Ijeremaya 32:23

Ama ịjị ẹ́ va sị ra ịnị ẹtẹ ọnọnị, ẹnịnị ẹ́ yị saasa ọda awụ. Ẹnịnị ẹ́ yị mẹ ịsị ụ kà yị wa. Avaba ịsị ụmẹ ọda anị yị wa ka ẹẹ mẹ, ẹ́ yị nyị ẹnẹ ẹ mẹ. Agụvị avọọ ụ maanị kụ odivi ọnọnị tù wa aanị nị.

Ijeremaya 44:10

Ama wẹ yị va ka ẹngụ awụ nịnị chi pooro va ngụ ajịnị. Wẹ́ yị sị ụbanyị yị ọnị Ẹnẹyịmavara nịnị. Wẹ́ yị saasa ọda ọnị ọnị mẹ yị ẹwụrị ohiku awụ nịnị.

Ijeremaya 44:23

Ka wẹ́ yị saasa avaba ọda Ẹnẹyịmavara nịnị, wâ mẹ̀ ebira odivi, dị ụ naa mẹ̀ ịsọvọ hi ori nịnị, ọ mẹ ka ẹngụkata ọnọnị ò tu wu nịnị ọyaanị nị.

Ijeremaya 7:14

Avọọ, ịsị ọnị mẹ Isiiro avọọ, vaa mẹ irehi anị ọnọnị ọnị ụ vavọọ sị ayị tụra nịnị nị. Ọ kà, ọnị ọ vịdị sị ịzọọ yị ẹwụrị ohiku awụ nịnị nị.

Iwe Ọhụhị Imosiisi ana aa hị́ Ọyịvatụrọda 11:32

ẹ saasa avaba ọda ọnị ọnị aa sị yị wa ọnịrị avaba ọnị aa zụ wa ajịnị.

Iwe Ọhụhị Imosiisi ana aa hị́ Ọyịvatụrọda 31:20

Ẹnẹyịmavara kà ọnị vaa kụ́ wa nọ ịnị ẹtẹ ozoza ọnị ọnị wo oto anị yị ohiku ẹnịnị. Ịzọọ ẹ vaa nyị avaba ịsọyịrị ọnị e yee si. Ẹ vaa ra ẹhẹ ana rọ wa ẹngụ. Ama ẹ vaa sị eyi wụ́ ọnị, di e yi oto ọnị ọnịrị wa mẹ̀, dị ẹ varẹma na hẹkẹ ori nịnị.

Iwe Ọhụhị Imosiisi ana aa hị́ Ọyịvatụrọda 4:44

Imosiisi ộ sị ọda Ohomorihi ọnịrị ịrẹyị anị zụ Anisirẹrị.

Iwe Ọhụhị Imosiisi ana aa hị́ Ọyịvatụrọda 4:8

Nyị anẹkụra ẹnyẹnyị ana maanị nyị ọda ana vọrọ anka ọda ọnị ọnị aa sị zụ wa ajịnị.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.