Ijeremaya 26:2 - IWE ỌNỊNỊ

² Dị Ẹnẹyịmavara kà a yị ọnị ka, ọnị ọ̀ na jẹẹ ịnị akakana irehi Ohomorihi nị. Ọ kà ọnị ọ̀ kà a yị aza anaa hụrẹ Ijuda vaa mẹ ahẹkẹ ịzọọ, avaba ụtụ ọnị ọnị tụ ọnị. Asị a nyị ọnị ọnị dà tịtẹ.

Ijeremaya 26:2 Iomraidhean Croise

Ijeremaya 1:17

Ijeremaya ka Ẹnẹyịmavara ọọ ka yị ọnị ka, ọnị o tenyi ẹngụ anị, dị ọnị ọ̀ kà a yị Anijerusarẹmị nịnị avaba ịsa ọnị ọnị ọ̀ọ mẹ ọda yọ, ọ ka, asị ọnị hụvị ẹnịnị hụrị ayịnẹ ka ẹ̀ẹ vị avọọ vị ọnị aa mẹ ayị hụrị ọnị ịnẹ nị eyi ẹnịnị nị.

Ijeremaya 1:7

Ama dị Ẹnẹyịmavara kà a yị ọnị ka, a sị ọnị kà a ka ọnị ọ sị vị ozweyi, agụvị ka avaba aza ọnị ọnị ọọ tụ ọnị hi ọnị vaa nọ ịdị anị nị. Ịsa tụra ịsa ọnị ọnị ọọ ka yị ọnị, ọnị vaa kà nị.

Ijeremaya 19:14

Dị Ijeremaya varẹma hụrị Itohwẹtị ịzị ọ́ na kà ụtụ ọnị Ẹnẹyịmavara tụ ọnị nị. Ọ kà ọnị ộ na jẹẹ ịnị ohweje irehi Ẹnẹyịmavara, dị ọnị kà a yị aza ene hi ịzọọ ka,

Ijeremaya 23:28

Ẹnẹyịmavara kà, ọnịsẹ anaa ra ụra ọ̀ ka a ka ọnị ọ ra ụra, ama ọnịsẹ ọnị ọnị ọọ tụ ụtụ ẹ̀ sị ịzẹyịza na ka ụtụ anị. Ọ kà, sị ebe ọnịrị akụ si vị ọnyọọnya kẹ?

Ijeremaya 25:2

Ijeremaya ana vị ọnịsẹ ộ kà a yị avaba Anijuda ọnị Ijerusarẹmị ka:

Ijeremaya 28:5

Ijeremaya ka, dị ọnị kà a yị Ịhananịya eyi ohirẹsụ irehi Ohomorihi nịnị ọnịrị eyi avaba aza ana jẹẹ ịnị irehi Ohomorihi ka,

Ijeremaya 36:10

Ịjị aza sị gụ, Ibaruki ộ jẹẹ ịnị aku ọnọrụ ọnya aanị ana aā hị́ Igẹmarịya ana vị ozi Isahwani, ọnị ọọ chẹrẹ ịsị ịnị ikootu nị. Aku ọnọọ vị ana ya ịnị ohweje ana ya eyi ẹbẹẹba, ọ sị gụrị oze ọwọọwa ana a zịị ngụ ịnị irehi Ohomorihi. Ibaruki ộ vavọọ ya ini irehi Ohomorihi, dị ọ kà avaba ịrẹyị ọnị Ijeremaya ka yọ ọnị ọ chẹrẹ hi ini iwe ọgọdọ nị.

Ijeremaya 42:4

Ijeremaya ka, dị ọnị tụ́ ohi ka, oo zoza de. Ọnị vaa mẹ̀ aduwaa hi Ẹnẹyịmavara, Ohomorihi ẹnịnị, anka ẹ́ mẹ tụ ọnị. Ịsa tụra ịsa ọọ ka, ọnị vaa kà a yị wa, ẹ́ yị nyị ọnị ọnị vaa sịị tẹ̀ yị wa.

Ijeremaya 7:2

Ọ kà, ọ̀ na jẹẹ oze ọnị Anijuda nịnịị zị ngụ ịnị irehi Ẹnẹyịmavara vaa hẹkẹ ẹ, dị ọ̀ kà a yị wa ka,

Ijeremaya 7:27

Ẹnẹyịmavara ộ kà a yị ọnị Ijeremaya ka ọnị ọọ maanị na kà avaba ịrẹyị ẹnẹnị yị aza anị, ẹnịnị ẹ yị vaa wụ̀; ọnị ọ̀ọ hị́ wa, ẹnịnị e yi vee tụ́ ohi.

Ezikẹẹrị 3:10

Ohomorihi ộ varẹma kà a tụ ọ yị ọnị ọnị Ohomorihi aa kà a yị ọnị, dị ọnị ọ̀ sị tụ ịnị ayị o.

Ezikẹẹrị 33:7

Ezikẹẹrị ka, Ẹnẹyịmavara ộ kà a yị ọnị ka, ozi-ọza, ọnị Ẹnẹyịmavara ọ sị ọnị nyị oserẹtẹ yị ẹkụra Isirẹrị. Ọnị ọọ kà wa ọnọọ yị ọnị Ẹnẹyịmavara anka ọnị ọ̀ọ mẹ tụ́ ọnị.

Ezikẹẹrị 40:4

Ọza ọnọnị ộ kà a yị ọnị ka, ọnị ozi-ọza ò sị eyi pe ẹtẹ o. Ọnị ọ̀ sị ụtọ pe ẹtẹ ẹtẹẹtẹrẹ, dị ọnị ò jị eyi ngụ avaba ịsị ọnị ọnị ọọ sị zụ ọnị; agụvị ka ịsị a hụvị anị sị ọnị vẹ ịzẹnị ọ vị ọnọọ nị. Ọ kà avaba ịsị ọnị oo re, ọnị ọ̀ kà a yị Anisirẹrị nịnị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Iruuku 19:47

Dị aa zụ̀ aza ịsa eyinị-eyinị ini irehi Ohomorihi ọnọọ nị. Dị ohirẹsụ ẹbanyị irehi Ohomorihi ọnịrị ọzwọzọda nịnị ne beri ọdọvịdị ẹkụra nịnị ee sì oze ka ẹnị ẹ̀ wụ ọọ nị.

Ịjọọnụ 18:20

Dị Ijeesu tụ́ ohi, dị ọ ka, “Ịnị eyigede mị yàā kà ịrẹyị amịị yị avaba anẹhẹ nị. Ini irehi Ohomorihi mị yàā zụ̀ aza ịsa nị, ọnịrị ini irehi Ohomorihi ịzị Aniju nịnịị̄ kụ́ gụ. Ẹ yị nyị ịrẹyị amị ọnị mịị̄ kà ini ewere.

Ịjọọnụ 8:2

Ẹnẹnẹ viri-viri eyinẹhẹ anị, dị ọ rẹ vavẹ ini irehi Ohomorihi nị. Dị aza rẹ wara ve tù ọọ nị. Dị Ijeesu yaayịtẹ, dị aa zụ̀ wa ịsa nị.

Odeyi 20:20

Wa rẹ yẹ ka ẹ yị nyị ịsị mị sị tẹ wụ nịnị ịnị ịsa ẹnẹẹ ana zụ gụ wụ nịnị ụvọ, m màa zụ̀ wụ nịnị ịsa ịnị ịnọyị-ịnọyị, dị mị raa kà a ngụ irehi-irehii zị nị.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Odeyi 5:25

Dị ọza ịnya vẹ, dị ọ kà a yị wa ka, “Re! Aza ọnị ụ kụ́ hi ini otumare nịnị, ẹ jẹẹ ini irehi Ohomorihi aa zụ̀ aza ịsa avọọ nọ!”

Odeyi 5:42

Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.

Iwe Ọhụhị Imosiisi ana aa hị́ Ọyịvatụrọda 12:32

Re ka wa tangwa saasa avaba ịsa ọnị mẹ ọda yị wụ nịnị aanị. A sị ụ dà tụ ọ, dị a sị ụ rẹ da hụụnị anị nịnị.

Iwe Ọhụhị Imosiisi ana aa hị́ Ọyịvatụrọda 12:5

Ama ẹnịnị e sì ịzị Ẹnẹyịmavara Ohomorihi vaa nyị ka ọ vị irehi anị ịnị avaba ịrẹsụ ẹnịnị, dị ẹẹ nọ ịzọọ na hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 4:2

Asị ụ da tụ́ ịnị ọda ọnọọ, asị ụ da hụụnị anị, saasa avaba ọda anị ọnị mị ra ka yị wụ.

Ijosuwa 8:35

Avaba ọda Imosiisi vị ọnị Ijosuwa za ịrịka eyi avaba ịragụ Anisirẹrị nịnị, anẹẹ, ezi, beri azọga ana ra ịnị akakana ẹnịnị.

Ẹtore 22:19

Ọza ana àa sị hụụnị ịrẹyị ịsẹ ana a chẹrẹ tụ́ ini iwe ọnọnị, Ohomorihi vaa sị áanịị kwooze hụụnị ịnị ọchị anaā mẹ ka ọza ọ̀ yàra pooro zịna-zịna, dị ọ rẹ sị áanị kwooze hụụnị ẹkụra Ohomorihi ọnọọ ana a chẹrẹ tụ́ ini iwe ọnọnị.