Ijeremaya 26:11 - IWE ỌNỊNỊ

¹¹ Ẹ sị yaatụ kẹnẹ, dị ẹnị ohirẹsụ irehi Ohomorihi ẹnịrị ọnịsẹ nịnị kà a yị ọdọvịdị ẹnẹnị ẹnịrị avaba aza ka: Aa nyị ka à mẹ̀ ọkarẹyị isu yị ọnị agụvị ịrẹyị ọnị ọ sị irenu anị kà hị́ Ijerusarẹmị nị. Ẹ ka ọzọza ộ wụ ọnị mẹ kà a.

Ijeremaya 26:11 Iomraidhean Croise

Ijeremaya 18:23

Ama Ẹnẹyịmavara waa yẹ́ avaba eyi ẹnẹ yaa gẹ ka à wụ ọnị. Ẹnẹyịmavara, asị ụ vagu wa ịnị ebira odivi ẹnịnị; asị ụ sị eyi hụụnị anị yị wa. Nyị ẹbẹẹba ẹnịnị dị wa gụ wa sẹ ẹdụ. Sị ọyịkụ tana ụvọ za wa o.

Ijeremaya 26:16

Dị ẹnị ọdọvịdị nịnị ẹnịrị aza ana vọ va kà a yị ẹnị ohirẹsụ irehi Ohomorihi ẹnịrị ọnịsẹ nịnị ka, ẹ́ yị vọrọ ka à wụ̀ ọza ọnọnị o. Ka ịrẹyị Ẹnẹyịmavara Ohomorihii ẹnịnị ọ va ka yị ẹnị nị.

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

Imatiwu 26:66

Si u ro nịnị?” Dị avaba ẹnịnị ka ộ rị ịvị isu nị.

Ịjọọnụ 18:30

Di e tụ́ ohi, dị ẹ ka, “Ọ̀ yị yaanị mẹ̀ ịsa odivi, yẹ yị yaanị za a va wụ.”

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”

Odeyi 22:22

Aza ẹnẹẹ ệ sị ụtọ pe ịrẹyị Ịpọọrụ pooro dị ọ va kà ọsọnị. Ọ mẹ̀ sị ọsọnị kà kẹnẹ, di e nowu zẹtẹ, dị ẹ ka, “Wụsẹ sị ọọ kwooze! À wụ ọọ, ka ẹ yị vọrọ ka ẹngụ ọza ọnọnị ọ̀ ra ẹ́hẹ!”

Iwe Ọhụhị Imosiisi ana aa hị́ Ọyịvatụrọda 18:20

Ama ọnịsẹ ọnị mẹ̀ yị tụ ụtụ, dị aa dà ịrẹyịị kà ka ẹ̀ ma tụ ọnị nị, àa va nyị ọnịsẹ anaa sị ịrẹha ori ọsa nịnịị kà ịrẹyị, vị a vaa wụ̀ ọ nị”.

Ọdọvịdị 6:30

Dị Anẹkụra nịnị ka yị Ijowasi ka ọ sị ozi tụ ẹhẹ, dị ẹnị ẹ wụ̀ ọ. Oni o wu ụta Ịbaarị, dị ọ dà ọchị ana a sị mẹ uyi Asẹra tụ̀ akahị Ịbaarị nị.