Ijeremaya 26:10 - IWE ỌNỊNỊ

¹⁰ Ijeremaya ka ịjị ẹnị ọdọvịdị ẹkụra wụ ịsị ana mẹ, dị ẹnịnị hụụnị irehi ohinọyị va ngụ ịnị irehi Ohomorihi nị. Ẹ va sị ngụ ịnị irehi Ohomorihi, dị ẹ yaatụ enoze ọwọọwa ana a zịị ngụ ịnị irehi Ohomorihi nị.

Ijeremaya 26:10 Iomraidhean Croise

2 Ohinọyị 15:35

Ama ệ navọ ịzị aza anaā hẹkẹ ori nịnị yàa mẹ ori tịtẹ. Dị aza aa yịị nọ ịzọọ naa mẹ̀ ịsọvọ, dị ẹ rẹ yaa rị eturare ịra ịzọọ nị. Ijotami ọ dà oze ọbanyị ana yà eyi ẹbẹẹba Irehi Ẹnẹyịmavara nị.

2 Ịtọpa 27:3

Ohinọyị Ijotami ộ dà oze ovwoovu ọbanyị ana ya eyi ẹbẹẹba irehi Ohomorihi, dị ọ rẹ nyayịnẹ tụra ọvọ Ijerusarẹmị ẹtẹẹtẹrẹ ịnị okokooro ana aā hị́ Ọpẹrị.

Ijeremaya 20:2

dị ọ kà a yị aza ka è tụ́ ọnị, dị à kụ́ ẹba hi ọnị ahụ tụ oze eyi ẹbẹẹba ana a zị ngụ ịnị irehi Ohomorihi nị. Eyi ọnọọ aā hị́ oze Ịbẹnjamịnị nị.

Ijeremaya 26:21

Ịjị ohinọyị Ijehoyakimi ọnịrị isoja anị nịnị beri ẹnị ọdọvịdị nịnị wụ́ ịrẹyị ọnị Uriya kà, dị eyee sì ọ ka ẹnị aa wụ̀ ọ nị. Ama Uriya ộ wụ ọ dị ó zwe na tẹ̀ Ijipiti nị agụvị ka angwa ee hí ọ.

Ijeremaya 26:24

Ijeremaya ka, agụvị ka ọnọrụ ana aā hị́ Ahikami ozi Isahwani ộ jẹẹ ọnị ịrẹma, ọza ẹ yị rẹ va sị ọnị chire aza ụvọ ka ana wụ ọnị.

Ijeremaya 34:10

Dị avaba aza ẹnịrị ọdọvịdị ẹnịnị ana vavọọ dọ ka ọzọza ọ̀ na hụrẹ ọrịhị anịị ụvọ dị asị a kụkụ za wa ọrịhị naa dị ẹ na hụrẹ wa ụvọ nị, ọrịhị ẹnịnị anọrụ ọnịrị anẹẹ ẹ́ hụrẹ ụvọ nị.

Ijeremaya 34:19

Ọ kà avaba ẹnị ọdọvịdị Ijuda ọnịrị Ijerusarẹmị beri ẹnị ọdọvịdị ikootu ohinọyị, ẹnị ohirẹsụ irehi Ohomorihi ẹnịrị avaba ọdọvịdị ẹkụra nịnị ana kụ ahụ hi ozi ụnọ ọnọọ dị ẹ zẹẹ ịzẹzẹ beri ọnị avọọ,

Ijeremaya 36:10

Ịjị aza sị gụ, Ibaruki ộ jẹẹ ịnị aku ọnọrụ ọnya aanị ana aā hị́ Igẹmarịya ana vị ozi Isahwani, ọnị ọọ chẹrẹ ịsị ịnị ikootu nị. Aku ọnọọ vị ana ya ịnị ohweje ana ya eyi ẹbẹẹba, ọ sị gụrị oze ọwọọwa ana a zịị ngụ ịnị irehi Ohomorihi. Ibaruki ộ vavọọ ya ini irehi Ohomorihi, dị ọ kà avaba ịrẹyị ọnị Ijeremaya ka yọ ọnị ọ chẹrẹ hi ini iwe ọgọdọ nị.

Ijeremaya 36:25

Ẹrinata, Ideraya ọnịrị Igẹmarịya ệ dá ịpẹ yị ohinọyị ka asị ọ rị iwe ọnọọ ịra, ama ohinọyị ẹ yị dọ.

Ezikẹẹrị 22:27

Ẹnị ọdọvịdị ene hi ịnị ịjọva vị ana sị mẹẹ anka akatapooro ana wụ̀ uye, di aa na rị avọọ. Ẹnịnị vị anaā wụ̀ aza agụvị ẹnị ẹ̀ sị nyị ẹkẹhị.

Ezikẹẹrị 22:6

Wee re, avaba ọdọvịdị Anisirẹrị nịnị vị ana sị ayị tụra ụkata ẹnịnị, dị ẹyaa wụ̀ azaa ha kẹnẹ.