Ijeremaya 24:9 - IWE ỌNỊNỊ

⁹ Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 24:9 Iomraidhean Croise

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

2 Ịtọpa 7:20

dị ọnị kụ́ wa hụụnị ẹtẹ ọnị ọnị vịdị sị yị wa, dị ọnị kara ụvọ hụụnị irehi anị ọnị ọnị sị tụ́ irenyi ka aa hẹkẹ ọnị ịzọọ. Avaba aza vị ana vaa sị wa mẹ̀ isiya, dị ẹ yaa si eyi wụ́ wa.

Ahẹ Ụgama 69:11

Ịjị mị sị ịta kú ẹngụ ana sị zụ̀ ka ayị amị ô du, aza vị anaaa sị mịị mẹ̀ isiya, di ohweche ẹnị aa jị mị ahẹ nị.

Ayịsaya 43:28

Agụvị avọọ mị mẹ̀ ụhị nyị ohirẹsụ irehi Ohomorihi awụ nịnị nị. Mâ mẹ ka è vu Isirẹrị ẹtẹ, dị aa kụ̀ Anisirẹrị nịnị ụhụ.

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ijeremaya 15:4

Ịsa ọnị ọnọrụ anaā hị́ Ịmanasẹ ozi Ihezekaya mẹ Ijerusarẹmị ụmẹ ọnị ọ sị vị ohinọyị Ijuda, ọnị vaa mẹ ka ịrẹyị Anijuda nịnị ọ̀ za avaba anẹhẹ zizi ẹtẹẹtẹrẹ.

Ijeremaya 19:8

Ẹnẹyịmavara kà ọnị vee vú Ijerusarẹmị ẹtẹ divi-divi. Avaba aza anaa parahu vị ọnị ọ́ vaa zaa zizi óoo me hi wa irenu.

Ijeremaya 25:18

Ọnị ộ sị ọ ne tu Anijerusarẹmị ọnịrị avaba ẹkụra ene hi Ijuda, beri ohinọyị ẹnịnị ọnịrị ọdọvịdị ẹnịnị, dị á mẹ ka avaba ẹnịnị è hú ịnị anị nị. Dị ẹnịnị hụ́ hụrị ẹkụra nị. Aza ene re e vị ọnị ọ́ za zizi dị angwa ee hí wa. Dị aza kụkụ aa sị ịrẹha ẹnịnịị chii hị́ aza pooro ve tu ajịnị nị.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 29:22

Ịhị aza ana a za ọrịhị hụrị Ijerusarẹmị ne hi Ịbabịrọnị aanị ẹẹ ka ẹnị aa tụ ozirenuu hi ọza, ẹnịnị kụkụ vaa kà a ka; Ẹnẹyịmavara ọ̀ mẹ wụ anka ọ́ mẹ mẹ Ịzẹdẹkaya ọnịrị Ahabị ọnị ohinọyị Ịbabịrọnị hù irenyi-irenyi avọọ.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 44:12

Avaba Anijuda ana vọ, dị ẹ ka vị ẹnị aa naa ra Ijipiti nị, ọnị vaa mẹ ka è vú avaba ẹnịnị ẹtẹ. Avaba ẹnịnị vị ene vee su vaa hi Ijipiti, ẹ̀ẹ vị ọzọkụ, ẹ̀ẹ vị ozweyi. Enee su ịnị ịrẹkụ, dị ụngwẹ wụ̀ wa. Angwa vị ene vee hi aza enee re wa. Vị a vanaa si eyii wụ̀ wa, dị aza aa sị ịrẹha ẹnịnịị chi hi aza nị.

Ijeremaya 44:13

Ẹnẹyịmavara kà ọnị vaa kụ ịrẹkụ, ụngwẹ ọnịrị ụkụụ tu Anijuda ana ra hi Ijipiti, dị ọnị sị sị ụya rị wa.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Ezikẹẹrị 23:46

Ẹnẹyịmavara Ananyị ụkata hu ka, à hàrà aza vẹ ene vee chire anẹẹ ẹnẹnị angwa, dị ẹnịnị ẹ̀ sị ụkata dọ wa ịsị ẹ nyị.

Ezikẹẹrị 25:3

Ọ kà ọnị ọ̀ kà a yị wa ka ọnị Ẹnẹyịmavara Ananyị ụkata hu ka, Ayị ẹnịnị vị enee hine aza maa mẹ̀ irehi ọnị Ohomorihi kẹnẹ-kẹnẹ, dị ịnẹ ẹnịnị ee hine ka asị ẹtẹ Isirẹrị tu osusu, ọnịrị é me ré ka â za Anijuda nịnị ọrịhị aa nọ aha ọsa.

Ezikẹẹrị 26:2

Ozi ọza, ịsị Anitaya nịnị hụvị anị aa jẹ ịrajẹ yị o. Ẹyaa jẹ ka asị oze ọbanyị ana a zịị̄ ngụ Ijerusarẹmị gara ha. Oze anị ọ sị na hi ẹtẹ yị ọnị. A mẹ sị Ijerusarẹmị gara ha aanị, ọnị kụkụ ee vee re mẹ.

Ezikẹẹrị 5:8

Ẹnẹyịmavara kà ọnịrị ẹwụ nịnị Anijerusarẹmị ọ́ raa sị eyi gẹrị ẹngụ. Ọnị vaa sị́ ụyaa rị wụ nịnị dị avaba anẹkụra ana vọ nịnị è ré e.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Iwe Ọhụhị Imosiisi ana aa hị́ Ọyịvatụrọda 28:37

Anẹkụra ana vọ èe re ịsị ẹ mẹ wụ nịnị, ọ vaa za waa zizi ẹtẹẹtẹrẹ. Ẹnịnị vị ana vaa kụ́ wụ isiya, di e yee nyị wu nini unyi.