Ijeremaya 24:7 - IWE ỌNỊNỊ

⁷ Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ijeremaya 24:7 Iomraidhean Croise

2 Ịtọpa 6:38

Ẹnịnị ẹ̀ẹ sị ịzẹyịza ro ịnẹ ịzọọ, dị ẹ mẹ̀ aduwa yị ẹtẹ ọnịrị ẹkụra ne beri irehi awụ ọnị ọnị da yị wụ nị.

Ahẹ Ụgama 119:2

Mị ka aza ana vavọọ aa saasa ọda Ẹnẹyịmavara, dị ẹ sị avaba ayị ẹnịnị si eyi pè ọda anị ẹ̀ nyarị ịrẹsụ ọyịza.

Ayịsaya 51:16

Ọnị ộ gana ẹbẹẹba ku, dị ọnị sị eteesu hi ẹtẹ nị. A ka yị Ijerusarẹmị ka ọnị ọ nyị aza ene hi ịzọọ nị. Ọnị vee sere wa, dị ọnị sị wa tẹ ịnị ivoku anị.

Ijeremaya 11:4

Ịrẹyị ọnị ọnị mẹ ọda anị yị ohiku ẹnịnị ọnị mẹ kụ wa hụrị ẹtẹ Ijipiti ọ vị ọnọọ nị. Ẹtẹ Ijipiti vị ana sị mẹẹ anka arasị ịrịịra avọọ yị wa. Ọnị ộ kà a yị wa ka ẹ wụ́ chire ọnị dị ẹẹ mẹ avaba ịsị ọnị mẹ ọda anị yị wa. Ọnị ka ẹnịnị vaa vị aza anị, dị ọnị vị Ohomorihi ẹnịnị.

Ijeremaya 29:10

Ẹnẹyịmavara kà, ịjị waa raa mẹ ịrayị ẹtarẹwụ Ịbabịrọnị nịnị, ọnị vaa va eyi vẹ ịnị ịrẹyị awụ nịnị, dị ọnị kụ wụ nịnị và vẹ eehi anka ọnị mẹ vịdị kà a.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Ijeremaya 30:22

Ẹnẹyịmavara kà ẹnịnị vaa vị aza anị, dị ọnị vị Ohomorihi ẹnịnị.

Ijeremaya 7:23

Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Ezikẹẹrị 11:17

Avọọ, Ohomorihi Ananyị ụkata hu kere-kere ka, ọnị vanaa kụ́ waa gụ hụrị avaba ẹkụra ọnị ọnị gara wa ne hi, dị ọnị varẹma sị ẹtẹ Isirẹrị yị wa.

Ezikẹẹrị 14:11

Ọnị vavọọ vaa mẹ wa, agụvị asị Anisirẹrị nịnị rẹ kụkụ va hụụ ịrẹma anị, naa mẹ̀ ebira odivi ene ee du wa ẹngụ. Ẹnẹyịmavara Ananyị ụkata hu ka aza anị a vọrọ ka ẹnịnị ẹ̀ vị, dị ọnị vị Ohomorihi ẹnịnị nị.

Ezikẹẹrị 16:62

Ọnịrị ẹwụ vaa zẹẹ oto ọwọọwaa yị ẹngụ. Ụ vaa yẹ ka ọnị ọ vị Ẹnẹyịmavara nị.

Ezikẹẹrị 37:23

Ẹnịnị ẹ́ yị ma vana sị ori ọ yị mẹ du ẹngụ ẹnịnị ẹngụ, à vị ka ẹ̀ sị ebira odivi du ẹngụ ẹnịnị ha.

Ezikẹẹrị 37:27

Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị.

Ezikẹẹrị 39:22

Anisirẹrị nịnị vaa yẹ́ hụrị ụmẹ avọọ ka ọnị ọ vị Ẹnẹyịmavara, Ohomorihi ẹnịnị nị.

Ihoseya 2:22

dị ẹtẹ mẹ̀ akụ, dị Igirepi ọnịrị orivi tụ́ hi ẹtẹ ịnozi Ijezirẹẹrị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịzakaraya 8:8

Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra.

Aniroomi 6:17

Wâ vịdị vị ọrịhị ịvị nịnị da. Ama yáa kụ́ Ohomorihi avọ, agụvị ka wa va raà sị avaba ayị awụ nịnị dọ ịrẹyị ana aa sịị zụ̀ wụ nịnị.

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Anihiburu 8:10

Ananyị yị rẹ kà oto ọnị ọnị kụkụ vee wo yị Anisirẹrị nịnị yị: Ọ kà, Ịnị ụmẹ ana aa vẹ, ọnị vaa sị ọda anịị tụ́ ịnị ayị ẹnịnị, dị ọnị rẹ chẹrẹẹ tụ́ ịnị ayị ẹnịnị. Ọnị vaa vị Ohomorihi ẹnịnị, dị ẹnị rẹ vị aza anị.

1 Ịsamụwẹrị 7:3

Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.