Ijeremaya 24:6 - IWE ỌNỊNỊ

⁶ Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ijeremaya 24:6 Iomraidhean Croise

Oyinyima 44:21

Ẹ ka dị ọ kà a yị ẹnị ịhị ọnọọ ka ẹnị ẹ̀ na sị ọhụva ẹnịnị ọnọọ vẹ di o re e nị.

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

Inehemaya 5:19

Mâ mẹ̀ aduwa ka Ohomorihi ọ̀ mẹ ize yị mị ịnị avaba ịsa ọnị mị raà mẹ yị aza anị nị.

Ahẹ Ụgama 34:15

Ẹnẹyịmavara vị ana sị eyi pè aza ana aa mẹ̀ ebira ana vọrọ ini eyi anị ẹnịnị ẹ̀ẹ nowu na za a, dị ọ ba wa owu.

Ahẹ Ụgama 44:2

Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà dị ụ ka ohiku ayị ẹ̀ kụkụ ra hi ịnị ẹtẹ ọnọọ nị Wâ pa ịva yị aza ẹnẹẹ ẹtẹẹtẹrẹ ama dị ụ mẹ ka ò zee yi ohiku ayị nịnị nị.

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Ijeremaya 12:15

Ama, ọnị ọọ raa kụ wa kwooze, ọnị varẹma vaa vayị ẹnịnị. Ọnị varẹma vaa kụ anẹkụra ọzọzaa vaa vẹ eehi ẹnịnị, ịnị ẹkụra ẹnịnị.

Ijeremaya 16:15

Ama ẹnịnị vaa sị ọnịị hị́ eku ka: Ohomorihi ana kụ Anisirẹrị nịnị hụrị ẹtẹ Ịbabịrọnị ọnịrị avaba ẹkụra ịzị ọnị dụ wa ne hi vavẹ ẹkụra ọnị ọnị sị yị ohiku ẹnịnị, ọ̀ọ yị yà ịzọọ.

Ijeremaya 21:10

Ẹnẹyịmavara kà ọnị ọ́ sị ọ ka ka ẹkụra ọnọnị vị ọnị ọnị è vú ẹtẹ, ẹ yị yaa vọ. Ọ kà vị ọnị vaa hụrẹ Ijerusarẹmị ụvọ yị ohinọyị Ịbabịrọnị dị ọ rị ọ ịra nị.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 29:10

Ẹnẹyịmavara kà, ịjị waa raa mẹ ịrayị ẹtarẹwụ Ịbabịrọnị nịnị, ọnị vaa va eyi vẹ ịnị ịrẹyị awụ nịnị, dị ọnị kụ wụ nịnị và vẹ eehi anka ọnị mẹ vịdị kà a.

Ijeremaya 31:28

Ọ kà anka ọnị mẹ mẹ ka è hu wa hụrị ẹtẹ, dị a ma wa nyẹtẹ, dị ọnị mẹ ka à kụ wa hụrị ẹtẹ, è vu wa ẹtẹ dị a gara wa va ha avọọ, avọọ ọnị mẹ rẹ vaa mẹ ka à hị́ wa dị ẹẹ hụ nị.

Ijeremaya 31:4

Ọ kà, ẹwụ nịnị Anisirẹrị ọnị vanaa kụ ụ nịnị kwẹẹtẹ, ịzẹyịza dị ụ kwẹẹtẹ nịnị. Ụ vanaa sị ahịhya awụ nịnị, dị waa nyẹzẹ ụ waa maa jẹ ịrajẹ nịnị.

Ijeremaya 32:37

Ọ kà, re, ọnị vanaa kụ wa gụ hụrị avaba ẹkụra ọnị ọnị sị ọyịkụ-ọyịkụ dụ wa ne hi. Ọnị vanaa kụ waa vaavẹ ịzị ẹnị, dị ọnị mẹ ka ẹnịnị ẹ̀ ra ẹngwọọrọ-ẹngwọọrọ.

Ijeremaya 32:41

Ọ kà, ọnị vaa mẹ ọyịzaa yị wa dị ayị anị ee hinee tụ ọ, Ọnị vaa sị avaba ayị anịị sị ịzẹyịzaa mẹ ka ẹnịnị ẹ̀ ra ịnị ẹtẹ ọnọnị pooro.

Ijeremaya 33:7

Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijeremaya 39:12

È ne si Ijeremaya, dị ẹ̀ sị ụvọ ozoza za a. Ọ kà asị a mẹ̀ ẹ ịrẹyị, ama ịsị oo họ̀ use anị kẹnẹ, ọ̀ mẹẹ yị ọ.

Ijeremaya 42:10

wàa dọ di ụ yà ịnị ẹtẹ ọnọnị nịnị nị, ọnị vaa mẹ ka waa yara nịnị, ọnị ẹ́ yị vaa gara wụ nịnị. Ọnị vaa hị́ wụ nịnị, ọnị é yi vee hu wu nịnịị hụrẹ ẹtẹ. Ọ kà ụya ọnị ọnị sị rị wụ nịnị aanị, ô du ọnị ayị.

Ezikẹẹrị 36:24

Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị.

Emọsị 9:14

Ẹnẹyịmavara kà ọnị vaa kụ aza anị anaa za ọrịhị hi ikinamị vaa vẹ eehi. Ẹnịnị vee tenyi eburu ẹkụra ẹnịnị da, dị ẹ̀ ra hi ịnị anị. Ẹ vaa kụ ụbazị ịvayịnị, dị e yee hu eche anị, ẹ vaa da ụbazị, dị ẹ yaa rị ịsa anị.

Iwe Ọhụhị Imosiisi ana aa hị́ Ọyịvatụrọda 11:12

Ẹtẹ ọnị Ẹnẹyịmavara tẹsị anị ọ vị nị. Oō sị eyi pe e pooro dị ịrayị ọ gẹ ẹtẹ nị.

1Ipita 3:12

Ananyị yịị̄ sị eyi pe ọnịzẹyịza, ọọ̄ sị ụtọọ pe wa ẹ̀ẹ yaa dá ịpẹ. Ama ọọ̄ và eyi ịrazịị kà aza anaa mẹ̀ ịsa odivi.