Ijeremaya 24:2 - IWE ỌNỊNỊ

² Ijeremaya ka, ihwigi ene hi ini uji ịpaapa vị ozoza-ozoza. Ẹnị ene vịdị vi ẹ vị ẹnẹẹ nị. Ihwigi ene hi ịnị uji ọhụva vị ọyịvụ-ọyịvụ. Ee divi poori, ẹ́ yị hyakụ wụra rị.

Ijeremaya 24:2 Iomraidhean Croise

Ayịsaya 5:4

Ọ kà sị a vọrọ ka à kụkụ mẹ tụ́ ịnị ụbazị ọnọọ ọnị ọnị ọ̀ yị mẹ? Maa tụra eyi ka ọ̀ tụ́ ẹtụtụ ozoza, sị ẹ vẹ dị ahịka ẹtụtụ edivi-edivi aa tụ́ nị?

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ijeremaya 29:17

Ẹnẹyịmavara Ochẹtẹẹngụ ka, ọnị aa kụ́ ịrẹkụ, ụngwẹ ọnịrị ụkụ vee tù wa. Ọnị vaa mẹ wa anka ihwigi ana vụ̀ pooro dị ẹ̀ yị kụkụ wụra rị avọọ.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Imika 7:1

Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

Ịnahụmị 3:12

Avaba aha ọyịtẹ̀ ẹnịnị sị mẹẹ anka ọchị ihwigi ọnị ẹtụtụ ịpaapa vi hi ịrẹsụ anị avọọ nị. Èe ziizi ọchị anị kẹnẹ dị ẹ hụrẹ va hi ẹtẹ yị ọza ọnọọ, dị ọ rị ọ.

Ịrịka 18:13

Avaba ịsa ọyịna ịnị aarẹ ịpaapa ịnị ẹtẹ ẹnịnị ana aā kụ́ va yị Ẹnẹyịmavara vị Eerọnị ọnịrị aza anị. Aza ana nị ịnị ovwoovu anị ẹ zụ rị ịnị anị.

Imatiwu 5:13

“Ẹwụ nịnị ọ vị anọ yị anẹhẹ nị. Ama anọ ọ̀ọ sị uhine anị ne ta, sị a kụkụ aa sịị vara a ka ò hine? Ẹ yị kụkụ nyị ịsị ọ rụra mẹ, à yị vị ka è ne e ta, dị aza ẹ̀ẹ kụ́ ahụụ hi ọọ.