Ijeremaya 24:10 - IWE ỌNỊNỊ

¹⁰ Ẹnẹyịmavara kà ọnị vaa kụ́ ịrẹkụ, ụngwẹ ọnịrị ụkụ vee tù wa. Avọọ ọnị mẹ vaa mẹ wa pooro nee tu ka asị ọza ịnya kụkụ vọ tụ ịnị ẹtẹ ọnị ọnị sị yị ẹnịrị ohiku ẹnịnị nị.

Ijeremaya 24:10 Iomraidhean Croise

1 Ohinọyị 14:15

Ẹnẹyịmavara vee tụ́ Anisirẹrị, di o henyi wa anka a mèe henyi ịkẹ ana yà ini enyi. Dị ọ hụ́ Anisirẹrị hụụnị ẹtẹ ozoza ọnọnị ọnị ọ sị yị ohiku ẹnịnị, dị ọ sì wa na va ha akẹnẹ okuha. Iruvo ọnị ọ vavọọ vaa sị mẹ wa ọ vị ka ệ mẹ ori ana aā hi Asẹra nịnị ka ẹnị ẹ̀ sị mẹ ayị kụ́ Ẹnẹyịmavara.

Ayịsaya 51:19

Ịrẹyị odivi oze ẹẹva ọ raà ngụ tu wu. Ịrẹkụ ọnịrị ụngwẹ o reè vu aza awụ ẹtẹ. Ẹ yị nyị ọza ana zụ sị wụ ayị nẹtẹ.

Ijeremaya 14:12

Ka, ẹnịnị ẹ̀ẹ daka ba awẹ, ọnị ẹ yị vaa wụ́ orere ẹnị ẹyaa jị ka à va gụ ẹnị ụvọ avọọ. Ẹnịnị ẹ̀ẹ daka mẹ̀ ịsọvọ dị a rị ọ ịra yị ọnị nị, dị ẹ́ sị ịsa ọnị irenuu rị va mẹ̀ ịsọvọ yị ọnị nị, ayị anị ẹ yị vee hine tu wa. Ọ kà, eyi ịrẹkụ ọnị va naa wụ̀ wa ha nị. Dị ọnị rẹ sị ụngwẹ ọnịrị ụkụ wụ̀ wa va ha.

Ijeremaya 15:2

Ẹnịnị èe họ̀ use ka, ịzị ẹnị ẹẹ nọ, ọnị ọ̀ kà a yị wa ka, Ẹnẹyịmavara kà, aza ẹnyị ẹnịnị vị ọnị ụkụ vanaa za, dị o su, aza ẹnyị ẹnịnị va naa wụ eyi ịrẹkụ, aza ẹnyị ẹnịnị vị ọnị ụngwẹ vanaa wụ, aza ẹnyị vana vaa za ọrịhị nọ ẹkụra ọsa, ịzị ẹ vaa nọ ọ vị ọnọọ nị.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 19:7

Avaba eyi ọnị Anijuda nịnị ọnịrị Anijerusarẹmị nịnị aa gẹ vị ọnị ọnị vaa gara hi wa ụvọ ịzẹnaanị. Ọ kà, ọnị vaa navọ ka ọnịvị ẹnịnị e huna wa eyi ịrẹkụ dị ẹ wụ̀ wa ha. Oku ẹnịnị vị ọnị ọnị vaa sị mẹ̀ ịsọyịrị yị inomi ọnịrị uye ịnị avị nịnị.

Ijeremaya 21:9

Ọza ana aa sị ahụ vaka ẹtẹ tu Ijerusarẹmị vị ọnị ịrẹkụ vaa rị; ẹ̀ yị vavọọ dị ụngwẹ à vị ụkụ wụ ọ. Ama ọza tụra ọza ana aa jịnẹ tụ ẹhẹ di ọ́ hụrẹ ẹngụ anịị ụvọ hẹẹ yị Anibabironi enee pe wa kụ ịrẹkụ booro aanị nị, e yi vee su.

Ijeremaya 27:8

Ẹnẹyịmavara kà, ama, àa nyị anẹkụra ọnyọọnyị, àa vị ohinọyị ana ka ẹnị ẹ̀ yị dọ ka ohinọyị Inebukadineza ọ̀ mẹ ohinọyị tụra ẹnị ịrẹsụ, ọnị vaa kụ́ ịrẹkụụ tù wa beri ụngwẹ ọnị ụkụ, dị ọnị sị sị́ ụya rị wa. Avọọ ọnị mẹ vaa mẹ wa pooro nee tu ịjị ọnị ọọ raa mẹ ka Inebukadineza ò vu wa ẹtẹ samị-samị nị.

Ijeremaya 29:17

Ẹnẹyịmavara Ochẹtẹẹngụ ka, ọnị aa kụ́ ịrẹkụ, ụngwẹ ọnịrị ụkụ vee tù wa. Ọnị vaa mẹ wa anka ihwigi ana vụ̀ pooro dị ẹ̀ yị kụkụ wụra rị avọọ.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 32:25

Ijeremaya ka: Ama Ohomorihi Ananyị ka dị a daka aa yịị vaa sị ẹkụra ọnọnị yị Anibabironi aanị, ọnị sị ẹkẹhị na hị́ ẹtẹ ọnọnị dị ọnị ọ̀ nyị onivenu tụ ọ.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 42:17

Ẹnẹyịmavara kà avaba aza ana sị eyi và ka Ijipiti ka ẹnị aa naa rá ịzọọ aanị, vị ọnị ịrẹkụ, ụngwẹ ọnịrị ụkụ vaa wụ̀ ha, ọ ka, ẹ́ yị nyị ọza ana vaa há hụụnị ịrẹyị odivi ọnị ọnị vaa kụ ụ tù wa.

Ijeremaya 42:22

Avọọ, yẹ́ nịnị ịzẹyịza ka, ịrẹkụ ụngwẹ ọnịrị ụkụ ọ vaa wụ̀ wụ nịnị vaa ha ịzị ụ ka waa naa rá nịnị avọọ nị o.

Ijeremaya 5:12

Aza Ẹnẹyịmavara ê cheeche ka ẹ yị nyị ịsị ọ vaa mẹ ẹnị. Ẹ ka ẹ yị vaa mẹ ka à kụ ịrẹkụ ve tu ẹnị. Ẹ yị rẹ vaa mẹ ka ụngwẹ ọ̀ ngụ ẹkụra ẹnịnị.

Ijeremaya 9:15

Avọọ, sị ụtọ pe ẹtẹ dị wa wụ ịsị ọnị, Ẹnẹyịmavara Ochẹtẹẹngụ, Ohomorihi Anisirẹrị nịnị vaa mẹ; ọnị vaa sị ịsa ọnyịrẹyị yị aza anịị rị, dị ọnị sị enyi ana nyị ẹchịpa yị wa ka è hú ọ.

Ijeremaya 9:16

Ọ kà ọnị vaa gara wa hi ịnị akakana aza ọnị ẹnịrị ohiku ẹnịnị ẹ yị vịdị yẹ. Ọnị vaa kụ ịrẹkụ tu wa, dị ọnị dụ wa nee tu ịjị ọnị ọọ sị wa vú ẹtẹ saka-saka.

Ezikẹẹrị 33:27

Kà ẹ yị wa ka, ọnị Ẹnẹyịmavara Ananyị ụkata hu ka, àa vị ọnị ọ yị vị Ohomorihi ana yara nị, avaba aza ana ra hi ẹkụra ẹnẹẹ ana a jị eburu aanị, vị ana a vaa wụụ ha. Ẹnị a na vọ hi ẹkụra ana vọ vị ọnị uye edivi vaa zaa rị. Ụkụ ọ vaa wụ̀ ẹnị ana na tẹ̀ hị́ ịnị ataba ọnịrị ene hi ịnị ụtẹha nị.

Ezikẹẹrị 6:11

Ẹnẹyịmavara Ohomorihi ka, ẹwụ nịnị Anisirẹrị ọọ kụ̀rà ụvọ, dị waa jị ahụụ kụ ẹtẹ nịnị. We nowu nịnị ka oogwoo! agụvị ịsị edivi anaa nyị ọnị ịhyẹrẹ ana Ansirẹrị nịnị mẹ. A vaa kụ́ ịrẹkụ vaa wụ̀ wa, ụngwẹ ọ vaa wụ̀ aza ẹnyị, dị ụkụ wụ̀ aza ẹnyị ẹnịnị nị.

Ezikẹẹrị 7:15

Aa kụ̀ ịrẹkụ eyi ẹhẹ, ịsa aa zị aza ene hi ini eehi, dị ụngwẹ aa kụ̀ wa nị. Ọza ana àa jịnẹ tụ ẹhẹ hụụnị ẹkụra vị ọnị ịrẹkụ aa rị, ọza anaa va yà ịnị eehi, dị ụkụ ọnịrị ụngwẹ taa ku.

Iwe Ọhụhị Imosiisi ana aa hị́ Ọyịvatụrọda 28:21

Ẹnẹyịmavara vaa kụ ụkụụ tù wu nịnị, dị ọ wụ̀ wụ nịnị ha hụụnị ẹtẹ ọnị ụ waa nọ naa ra nịnị aanị.

Ẹtore 6:8

Dị mị kana eyi, di mi re umaata ọnya ana achẹrẹ anị sị mẹẹ anka areyi avọọ nị. Ịrẹha ọza ana tụra a ọ rị Iswọọza nị. Di ẹkụra aa dụ ọ ịrẹma nị. Â sị ọda yị wa tụ́ ịrẹsụ achena anẹhẹ ka ẹ̀ sị ịrẹkụ ọnịrị ụngwẹ beri ụkụ ọnịrị uye edivi ene hi ẹhẹ, dị ẹ̀ sị wụ̀ wa nị.