Ijeremaya 23:1 - IWE ỌNỊNỊ

¹ Ẹnẹyịmavara kà, oseratẹmẹ nịnị ana a wụ̀ aza anịị ha, dị ẹyaa gara wa aanị, ẹ sị da.

Ijeremaya 23:1 Iomraidhean Croise

Ijeremaya 10:21

Dị Ijeremaya tụ́ ohi ka, ọdọvịdị ẹnịnị vị ọnụra-ọnụra. Ẹnịnị ẹ yị họ̀ Ẹnẹyịmavara kà ọ zụ ẹnị oze, avọọ ẹnịnị sẹ ẹdụ, dị aza ẹnịnị sị gara nị.

Ijeremaya 12:10

Ọ kà, oseratẹmẹ ọrụrụ-ọrụrụ ẹ sị ụbazị ịvayịnị anị du ha. Ẹ raa sị ahụ chaka aarẹ anị. Ẹ sị ẹtẹ anị ọkụmị-ọkụmị vara ụnọmị ọyịwụ.

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 2:26

Ẹnẹyịmavara kà ụhị mee nyị oyi àa sị ọ za avọọ, avọọ ụhị mẹ vaa nyị avaba Anisirẹrị nịnị ẹnịrị ohinọyị ẹnịnị, ọdọvịdị ẹnịnị, ẹnị ohirẹsụ irehi Ohomorihi beri ẹnị ọnịsẹ ẹnịnị nị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 22:22

Ọdọvịdị awụ nịnị vana ahị vaa kụụ kwooze. Aza ẹnẹ ẹwụrịị sì ịrẹyị ẹngụ nịnị vana vaa za ọrịhị eyi ịrẹkụ. Ẹkụra awụ nịnị vana vaa mẹ ụhịị nyị di ụhị aa nyị ụ nịnị agụvị ebira odivi ọnị ụ mẹ nịnị.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ezikẹẹrị 13:3

Ẹnẹyịmavara Ananyị ụkata hu kere-kere ka: ọnịsẹ ẹnẹnị anaa mẹ ụra aanị ẹ́ sị da, ụkata ẹngụ ẹnịnị ẹyaa sịị kà ịrẹyị nị, ẹnịnị é yi re ẹtẹ ọnyọọnyị.

Ezikẹẹrị 34:1

Ezikẹẹrị ka ẹkụhị ọnya, Ẹnẹyịmavara ộ kà a yị ọnị ka

Ezikẹẹrị 34:21

Ọ kà, atẹmẹ ẹnị ẹngụ aa zị, vị ọnị waa tụ ụvọ vaa hi akaha nịnị, dị ụ dụ wa va hi ozi nịnị.

Ezikẹẹrị 34:31

Ọ kà, ẹwụ nịnị atẹmẹ anị, ọnị ọnị aa pa vị aza anị, dị ọnị vị Ohomorihi awụ nịnị nị.

Ezikẹẹrị 36:38

Ẹkụra ana a jị eburu va hi ẹtẹ aanị vaa vị ohihi yị aza anka Ijerusarẹmị mẹ vịdịị vị ohihii yị atẹmẹ ana aa sị vaa mẹ̀ ịsọvọ ẹkụhị eche avọọ. Ịjọnọọ ẹnịnị vaa yẹ ka ọnị ọ vị Ẹnẹyịmavara nị.

Ịzakaraya 10:3

Ẹnẹyịmavara kà ọnị ee du ayị hi anikinami ana mẹ ịjọva tụra aza anị ịrẹsụ. Ọnị vaa sị ụya rị wa. Ọ kà Anijuda nịnị vị aza anị, ọnị Ẹnẹyịmavara Ochẹtẹẹngụ vaa tẹsị ẹnịnị. Ẹnịnị ẹ vaa vị umaata ịrẹkụ anị ana nyị ụkata nị.

Imatiwu 15:14

Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

Imatiwu 9:36

Ama o mè re ọkọnị aza, ayị ẹnịnị ộ vá a, agụvị ka ọ sị ngụ wa ẹngụ, ẹ kụ́ vazi anka atẹmẹ ẹnẹ ẹ̀ yị nyị ọza ana aa tẹsị ẹnịnị avọọ.

Ịjọọnụ 10:10

Oyi vị anaā vẹ kẹnẹ ka oni ò ve yi ịsa, dị ọnị ọ̀ wụ̀ ọza, di oni ò re du ịsa ha. Àa vị ẹmịị yọ, ẹmị vị ana vẹ ẹhẹ ka ma sị ẹhẹ obooro-obooro yị aza, ana ahịka ọza o yi zụ sị irenu juwe anị.

Ịjọọnụ 10:12

Àa vị ọza ana a dọ ka òo sere atẹmẹ kẹnẹ yọ nị, ẹ yị vị ọza anaā tẹsị atẹmẹ ọ vị, ẹ yị rẹ vị ọnị ụvọta ọ nyị atẹmẹ ẹnẹẹ. Agụvị avọọ òo re ka akatapooro aa vẹ, dị ọ navọ atẹmẹ hi ẹtẹ, di o si zwe. Dị akatapooro ọnị kụkụ za atẹmẹ ẹnyị, dị ọ gara ana vọ và ha.

Ịjọọnụ 10:8

Avaba aza ana vọ ana dọ ọvịdị amị vẹ, vị oyi obooro. Ama atẹmẹ nịnị ẹ yị sị ụtọ pe ịrẹyị ẹnịnị.