Ijeremaya 22:9 - IWE ỌNỊNỊ

⁹ Ẹnịnị vee tụ́ ohi ịjị ọnọọ ka, agụvị ka waa hụrị ụvọ ịrẹyị ẹwụrị ọnị, Ohomorihi awụ nịnị dudu dọ beri nịnị yọ nị. Wa naa hẹkẹ ori nịnị, dị waa kụụ yị wa nịnị nị.

Ijeremaya 22:9 Iomraidhean Croise

1 Ohinọyị 9:8

Irehi ọnọnị vị ana vaa jị eburu. Avaba aza ana àa para hu ịzọọ di e re e nị, o vee hi wa eyi, di eyee nọ ọ ohi. Dị aza ee họ̀ use ka sị e vẹ dị Ẹnẹyịmavara maanị mẹ anẹkụra ọnọnị ọnịrị irehi ọnọnị aanị?

2 Ohinọyị 22:17

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

2 Ịtọpa 34:25

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 11:3

Ọnị Ẹnẹyịmavara, Ohomorihi Anisirẹrị. O ree chì hị́ avaba aza ẹnẹ ẹ yị saasa ịrẹyị ọnị ẹnị dọ beri ẹngụ tụ ịnị anị.

Ijeremaya 16:11

Ịjọnọọ dị Ijeremaya ọ̀ kà a yị wa ka, Ẹnẹyịmavara kà, ohiku ẹnịnị ệ va ịrẹma anị naa hẹkẹ ori nịnị, dị ẹyaa kụ ụ yị wa nị. Ẹnịnị ệ và ịrẹma anị saka-saka ẹ́ yị saasa ọda nị.

Ijeremaya 50:7

Avaba aza ene ré wa vị ana kwẹẹtẹ tu wa. Ọnịvị ẹnịnị ka, ịsa tụra ịsa ọnị ẹnị ẹẹ mẹ wa booro aanị, ẹnị ẹ́ yị rị ịvị, agụvị ka Anisirẹrị nịnị ẹ mẹ̀ ebira odivi hi Ẹnẹyịmavara nị. Ẹnẹyịmavara ọnọnị ọọ̄ sị ẹngwọọrọ yị wa nị. Ọnị ohiku Anisirẹrị vịdị sị ayị tụra nị.

Ijeremaya 9:13

Dị Ẹnẹyịmavara tụ́ ohi ka, ịsị ẹ kụ avaba ọsọnị vẹ ọ vị ka, aza anị ệ hụrẹ ịrẹyị anị ụvọ tịtẹ nị. Ẹnịnị ẹ yị wụ́ chire ọnị. Ẹnịnị ẹ yị saasa ịrẹyị anị.

Ezikẹẹrị 12:16

Ẹnẹyịmavara kà, ama, ọnị vaa navọ aza chee ka ẹ̀ vọ. Ịrẹkụ ẹ́ yị vaa rị wa, ụngwẹ ọnịrị ụkụ ẹ́ yị vaa wụ̀ wa, ẹkụra tụra ẹkụra ene ee ne hi, ẹnịnị ẹẹ dọ irenu ka ẹnị ệ mẹ ịsị anaa nyị ọnị ịhyẹrẹ; dị ẹnịnị ẹ̀ rẹ yẹ ka ọnị ọ vị Ẹnẹyịmavara nị.

Ezikẹẹrị 14:23

Ẹnẹyịmavara kà ụ vaa yẹ ka aa nyị ịsị ẹ vị iruvo ọnị ọnị sịị mẹ avaba ịrẹyị.

Ezikẹẹrị 39:23

Anẹkụra-ẹkụra ana vọ vaa yẹ ka agụvị ebira odivi ana Anisirẹrị nịnị mẹ hi ọnị, ọnị sị dụ wa hụrẹ ẹkụra ẹnịnị nị. Ẹnẹyịmavara kà ọnị ộ varẹma ka wa, dị ọnị hụrẹ wa ụvọ yị ọnịvị ẹnịnị ka ẹ̀ kụ́ ịrẹkụ tu wa, dị ẹ wụ̀ wa nị.

Ezikẹẹrị 5:15

Ẹnẹyịmavara kà ịjị ọnị ọọ raa sị ọyịkụ-ọyịkụ sị ụya rị wụ nịnị, angwa vee hí avaba anẹkụra ana kara wụ nịnị, vị́ ụ vanaa nyị wa ịhyẹrẹ nịnị isiya nị.

Iwe Ọhụhị Imosiisi ana aa hị́ Ọyịvatụrọda 29:24

Ịjọnọọ avaba anẹkụra ana vọ ịnị ẹhẹ vee họ̀ use ka sị ẹ vẹ dị Ẹnẹyịmavara maanị mẹ ẹtẹ awụ nịnị? Sị ẹ vẹ dị ọ maanị nyayịnẹ kụ́ ayị?